കിസാന്‍ സമ്മാന്‍ നിധി നാലും അഞ്ചും ഗഡു ലഭിക്കാത്തവരാണോ നിങ്ങള്‍; സ്വയം ചെയ്യാവുന്ന ഒരു ചെറിയ തിരുത്ത് മതി; രജിസ്റ്റര്‍ചെയ്തിട്ടും മൂന്നാംഗഡുവിനു ശേഷമുള്ള തുക ലഭിക്കാത്തത് 40,000 പേര്‍ക്ക്
സംസ്ഥാനത്ത് 40,000 പേര്‍ക്കാണ് പ്രധാനമന്ത്രി കിസാന്‍ സമ്മാന്‍നിധിയില്‍ രജിസ്റ്റര്‍ചെയ്തിട്ടും മൂന്നാംഗഡുവിനുശേഷമുള്ള തുക ലഭിക്കാത്തത്. ഇതിന് കാരണം ആധാറിലെ പേരു വ്യത്യാസമാണ്. രജിസ്റ്റര്‍ചെയ്ത പേരും ആധാറിലെ പേരും തമ്മില്‍ ചെറിയ ഒരു വെത്യാസം ഉണ്ട് എങ്കില്‍ കൂടി ഈ തുക ലഭിക്കില്ല എന്നുള്ളതാണ്.
പക്ഷേ ഇതുവരെ പണം അനുവദിച്ചവരില്‍ ഈ വ്യത്യാസം പരിഗണിക്കപ്പെട്ടിരുന്നില്ല. അതുകൊണ്ടുതന്നെ മൂന്നുഗഡു അതായത് ആറായിരം രൂപ) അത്വരെ എല്ലാവര്‍ക്കും ലഭിച്ചിരുന്നു. ദേശീയതലത്തില്‍ ഭൂരിഭാഗം സംസ്ഥാനങ്ങളിലും അഞ്ച് ഗഡുവിതരണം പൂര്‍ത്തിയായി. പക്ഷേ കേരളത്തില്‍ മാത്രമാണ് ഈ പ്രതിസന്ധിയുള്ളത്. കേരളത്തിലും ആധാറിലെ പേരില്‍ വ്യത്യാസമില്ലാത്തവരുടെ അക്കൗണ്ടുകളില്‍ അഞ്ചുഗഡു കിട്ടിയിട്ടുണ്ട്.
ആധാറിലേതിനു സമാനമായി അപേക്ഷയിലെ പേരുമാറ്റി രജിസ്റ്റര്‍ ചെയ്തില്ലെങ്കില്‍ ഇനി ഗഡുക്കള്‍ ലഭിക്കില്ല. ആധാറില്‍ ഇംഗ്ലീഷ് വലിയ അക്ഷരത്തിലോ ചെറിയ അക്ഷരത്തിലോ എങ്ങനെയാണുള്ളതെങ്കില്‍ അതേപോലെ വൈബ്‌സൈറ്റില്‍ തിരുത്തണം. വീട്ടുപേരിലോ വിലാസത്തിലോ ഉള്ള വ്യത്യാസങ്ങള്‍ പ്രശ്നമല്ല.
നമുക്കുതന്നെ ഈ തെറ്റ് സ്വയം തിരുത്താവുന്നതാണ്.
അക്ഷയകേന്ദ്രത്തിലെത്തി കിസാന്‍ സമ്മാന്‍നിധി സൈറ്റില്‍ തിരുത്തല്‍ വരുത്തി രജിസ്റ്റര്‍ചെയ്യാം. സ്മാര്‍ട്ഫോണ്‍ ഉപയോഗിച്ച് സ്വന്തംനിലയ്ക്കും തിരുത്താം. താഴെപ്പറയും വിധം ചെയ്താല്‍മതി.
* സൈറ്റ് തുറന്നാല്‍ ഫാര്‍മര്‍ കോര്‍ണറില്‍ ക്ലിക്ക് ചെയ്യുക * ആധാര്‍ തിരുത്തലിന് എഡിറ്റ് ഒപ്ഷനില്‍ ക്ലിക്ക് ചെയ്യുക * ആധാര്‍ നമ്പര്‍ കൊടുക്കുക, വലതുവശത്ത് തിരച്ചില്‍ ബട്ടണ്‍ ക്ലിക്ക് ചെയ്യുക * ആധാറിലെയും രജിസ്‌ട്രേഷനിലെയും പേര് ഒന്നാണെങ്കില്‍ തിരുത്തല്‍ വേണ്ട എന്ന് തെളിയും * ഒരുപോലല്ലെങ്കില്‍ തിരുത്തല്‍ തിരഞ്ഞെടുത്ത് ആധാറിലേതുപോലെത്തന്നെ പേര് രേഖപ്പെടുത്തുക * ചെറിയ അക്ഷരത്തിലോ വലിയ അക്ഷരത്തിലോ എങ്ങനെയാണ് ആധാറില്‍ പേരെങ്കില്‍ അതേപോലെ ചെയ്യണം * മൊബൈല്‍ നമ്പറും ടൈപ്പ് ചെയ്യണം * അപ്‌ഡേറ്റ് ബട്ടണ്‍ ക്ലിക്ക് ചെയ്യുക * തുടര്‍ന്ന് ഒ.കെ. ബട്ടണ്‍ നല്‍കുക
കോവിഡ്19 നെതിരായ പോരാട്ടത്തിനുവേണ്ടി പി.എം. കെയേഴ്‌സ് ഫണ്ട് ട്രസ്റ്റില്‍ നിന്ന് 3100 കോടി രൂപ അനുവദിച്ചു. പ്രധാനമന്ത്രിയുടെ ഓഫീസാണ് ഇക്കാര്യം അറിയിച്ചത്. അനുവദിച്ച 3100 കോടിയില്‍ ഏകദേശം 2000 കോടിയോളം രൂപ വെന്റിലേറ്ററുകള്‍ വാങ്ങുന്നതിനായി മാറ്റിവെയ്ക്കും. കുടിയേറ്റ തൊഴിലാളികളുടെ പരിചരണത്തിനായി 1000 കോടിയും കോവിഡ് വാക്‌സിന്‍ കണ്ടെത്തുന്നതിന് 100 കോടി രൂപയും നീക്കിവെക്കും.
"
https://www.facebook.com/Malayalivartha
