കല്യാണത്തട്ടിപ്പുവീരന് പിടിയില് .... ബിസിനസുകാരന്, വസ്തു ബ്രോക്കര്, ലോറി മുതലാളി എന്നൊക്കെ പറഞ്ഞ് വിവാഹം... ഓണ്ലൈന് വിവാഹ സൈറ്റുകള് വഴി് നിര്ധന കുടുംബങ്ങളിലെ സ്ത്രീകളുമായി ഇയാള് ബന്ധമുണ്ടാക്കുന്നത് പതിവാക്കി, നാലാം വിവാഹത്തിനുശേഷം സ്വര്ണവും പണവുമായി മുങ്ങി, അഞ്ചാമത് വിവാഹത്തിന് തൊട്ടുമുമ്പ് പോലീസുകാരുമായി നാലാം ഭാര്യ രംഗത്തെത്തിയതോടെ സംഭവം വഷളായി, ഒടുവില്.....
കല്യാണത്തട്ടിപ്പുവീരന് പിടിയില് .... ബിസിനസുകാരന്, വസ്തു ബ്രോക്കര്, ലോറി മുതലാളി എന്നൊക്കെ പറഞ്ഞ് വിവാഹം... ഓണ്ലൈന് വിവാഹ സൈറ്റുകള് വഴി് നിര്ധന കുടുംബങ്ങളിലെ സ്ത്രീകളുമായി ഇയാള് ബന്ധമുണ്ടാക്കുന്നത് പതിവാക്കി, നാലാം വിവാഹത്തിനുശേഷം സ്വര്ണവും പണവുമായി മുങ്ങി അഞ്ചാമത് വിവാഹത്തിന് തൊട്ടുമുമ്പ് പോലീസുകാരുമായി നാലാം ഭാര്യ രംഗത്തെത്തിയതോടെ സംഭവം വഷളായി. അഞ്ചാം വിവാഹത്തിന് തൊട്ടുമുമ്പായി വിവാഹത്തട്ടിപ്പുകാരന് പൊലീസ് പിടിയില്.നാലാം ഭാര്യയാണ് ഇയാളെ കുടുക്കിയത്.
കൊല്ലം മുഖത്തല ഉമയനെല്ലൂര് കിളിത്തട്ടില് ഖാലിദ് കുട്ടി (50) ആണ് പിടിയിലായത്. കരീലക്കുളങ്ങര പൊലീസ് സ്റ്റേഷന് പരിധിയിലാണ് സംഭവം. കരീലക്കുളങ്ങര സ്വദേശിനിയായ യുവതിയുമായി ബുധനാഴ്ച വൈകിട്ട് ഇയാളുടെ വിവാഹം നിശ്ചയിച്ചിരുന്നു. ഇതിനായി ഒരുങ്ങി വന്നപ്പോഴാണ് ഇയാള് നാലാമത് വിവാഹം കഴിച്ചിരുന്ന തൃശ്ശൂര് ചാവക്കാട് വടക്കേക്കാട് സ്വദേശിനി പൊലീസുകാര്ക്കൊപ്പം സ്ഥലത്തെത്തിയത്. ബിസിനസുകാരന്, വസ്തു ബ്രോക്കര്, ലോറി മുതലാളി എന്നൊക്കെ പറഞ്ഞാണ് ഇയാള് വിവാഹം കഴിച്ചിരുന്നത്.
കൊല്ലത്ത് ലോറി ഡ്രൈവറായി ജോലി ചെയ്യവെയാണ് ഖാലിദ് കുട്ടി ലോറി ഉടമയാണെന്ന് പറഞ്ഞ് അഞ്ചാം വിവാഹത്തിനൊരുങ്ങിയത്. കൊട്ടിയം സ്വദേശിനിയെയാണ് ഇയാള് ആദ്യം വിവാഹം കഴിച്ചത്. തുടര്ന്ന് പെരിന്തല്മണ്ണ, കോഴിക്കോട്, ചാവക്കാട് എന്നിവിടങ്ങളിലും വിവാഹത്തട്ടിപ്പു നടത്തി. ആദ്യ വിവാഹം നിയമപരമായി ഒഴിഞ്ഞെന്നാണ് പ്രതി എല്ലായിടത്തും പറഞ്ഞിരിക്കുന്നത്. ഓണ്ലൈന് വിവാഹ സൈറ്റുകള് വഴിയാണ് നിര്ധന കുടുംബങ്ങളിലെ സ്ത്രീകളുമായി ഇയാള് ബന്ധമുണ്ടാക്കുന്നതെന്ന് തട്ടിപ്പിനിരയായ നാലാംഭാര്യ പറഞ്ഞു.
ഒന്നരവര്ഷം മുന്പാണ് ഇവരെ വിവാഹം കഴിച്ചത്. മൂന്നുമാസത്തിനു ശേഷം എട്ടുപവന്റെ സ്വര്ണാഭരണങ്ങളും 70,000 രൂപയും തട്ടിയെടുത്തശേഷം മുങ്ങി. മുന്പത്തെ നാലു വിവാഹങ്ങളുമായി ബന്ധപ്പെട്ട് കോടതികളില് കേസുണ്ടെന്നും പൊലീസ് അറിയിച്ചു. അറസ്റ്റിലായ ഖാലിദ് കുട്ടിയെ തൃശൂര് വടക്കേക്കാട് പൊലീസിന് കൈമാറി. പലനാള് കള്ളന് ഒരുനാള് കുടുങ്ങും എന്ന ചൊല്ല് എത്ര വാസ്തവമാണ്.
https://www.facebook.com/Malayalivartha