ഉത്രയുടെ കൊലയില്‍ തനിക്ക് യാതൊരു പങ്കുമില്ലെന്നായിരുന്നു തുടക്കത്തില്‍ സൂരജ് പോലീസിനോട് പറഞ്ഞത്. എന്നാല്‍ പോലീസിന്റെ ചില നിര്‍ണായക ചോദ്യങ്ങളാണ് സൂരജിനെ കുടുക്കിയത്. ഉത്ര മരിച്ച കേസില്‍ അറസ്റ്റിലായ സൂരജിന് അണലിയെ വില്‍ക്കുന്നതിനു ഒരുമാസം മുന്‍പ് കല്ലുവാതുക്കല്‍ ചിറക്കര കുളത്തൂര്‍ക്കോണം ആര്‍.എസ്.ഭവനില്‍ ചാവരുകാവ് സുരേഷിനു മൂര്‍ഖന്‍ പാമ്പിന്റെ കടിയേറ്റു. അത്യാസന്ന നിലയിലായെങ്കിലും ചികിത്സയ്ക്ക് ശേഷം പുറത്തു വന്നു. 2തവണയാണ് സൂരജിനു പാമ്പിനെ വിലയ്ക്കു നല്‍കിയത്. കഴിഞ്ഞ ജനുവരി 29നു പാരിപ്പള്ളി ജവഹര്‍ ജംഗ്ഷനു സമീപം ഒരു വീട്ടിലെ ഷെഡില്‍ നിന്നും മൂര്‍ഖനെ പിടികൂടുന്നതിനിടെയാണ് സുരേഷിനു കടിയേറ്റത്.

കൊട്ടിയത്തെ സ്വകാര്യ ആശുപത്രിയില്‍ ആയിരുന്നു ചികിത്സ. ആശുപത്രിയില്‍ നിന്ന് ഡിസ്ചാര്‍ജായി ആഴ്ചകള്‍ കഴിഞ്ഞപ്പോഴാണ് അണലിയെ വില്‍ക്കുന്നത്. കൊലക്കേസില്‍ അറസ്റ്റിലായതിനു പിന്നാലെ സുരേഷിന്റെ വീട്ടില്‍ വനം വകുപ്പു നടത്തിയ പരിശോധനയില്‍ കരിമൂര്‍ഖന്‍ പാമ്പിനെ കണ്ടെടുത്തിരുന്നു. പ്ലാസ്റ്റിക് ടിന്നില്‍ സുക്ഷിച്ചിരിക്കുകയായിരുന്നു. വനംവകുപ്പ് അഞ്ചല്‍ റേഞ്ച് അധികൃതര്‍ ആണ് റെയ്ഡ ് നടത്തിയത്.
വീടിനോടു ചേര്‍ന്ന ചായ്പില്‍ പ്ലാസ്റ്റിക് ടിന്നില്‍ അടച്ച നിലയില്‍ കരിമൂര്‍ഖന്‍ പാമ്പ്. ഉത്ര കൊലക്കേസില്‍ പാമ്പിനെ വില്‍പന നടത്തിയ പാമ്പു പിടിത്തക്കാരന്‍ ചാവരുകാവ് സുരേഷിന്റെ വീട്ടില്‍ നിന്നാണ് ഒരു വയസ്സ് പ്രായുമുള്ള മൂര്‍ഖന്‍ പാമ്പിനെ വനംവകുപ്പ് അധികൃതര്‍ കണ്ടെടുത്തത്. ചാവുരകാവ് സുരേഷ് എന്നറിയപ്പെടുന്ന ആര്‍.സുരേഷ് കുമാറിന്റെ വീടായ കല്ലുവാതുക്കല്‍ ചിറക്കര കുളത്തൂര്‍ക്കോണം ആര്‍.എസ്.ഭവനില്‍ നിന്ന് ഞായര്‍ വൈകിട്ടാണ് വനംവകുപ്പ് അഞ്ചല്‍ റേഞ്ച് അധികൃതര്‍ റെയ്ഡ ് നടത്തിയത്. റെയ്ഞ്ച് ഓഫിസര്‍ ബി.ആര്‍.ജയന്റെ നേതൃത്വത്തിലുള്ള സംഘമാണ് പരിശോധന നടത്തിയത്. അധികൃതര്‍ എത്തുമ്പോള്‍ വീട് പൂട്ടിയ നിലയിലായിരുന്നു. ഇതിനാല്‍ വീട്ടിനകം പരിശോധിക്കാനായില്ല.

രണ്ടു വര്‍ഷം മുന്‍പ് ഉത്സവ സീസണ്‍ ലക്ഷ്യമാക്കി ആനയെ പാട്ടത്തിനെടുത്തിരുന്നു. ചാത്തന്നൂര്‍ വരിഞ്ഞത്ത് സുഹൃത്തിന്റെ പുരയിടത്തിലാണ് ആനയെ തളച്ചിരുന്നത്. എന്നാല്‍ മോഴയായിരുന്നതിനാല്‍ എഴുന്നള്ളത്തുകള്‍ ലഭിച്ചില്ലെന്ന് പറയുന്നു. ഇതോടെ ആനയെ മടക്കി നല്‍കി.

നേരത്തെ വാഹനങ്ങളുടെ വില്‍പനയുടെ ഇടനിലക്കാരനായി പ്രവര്‍ത്തിച്ചു വരുകയായിരുന്നു. ഇതിനൊപ്പമാണ് പാമ്പ്പിടിത്തത്തില്‍ സജീവമാകുന്നത്. കഴിഞ്ഞ ജനുവരി 29നു പാരിപ്പള്ളി ജവഹര്‍ ജംക്ഷനു സമീപം വീടിനോട് ചേര്‍ന്ന ഷെഡില്‍ നിന്നു പിടികൂടിയ മൂര്‍ഖന്‍ പാമ്പിനെ മൊബൈല്‍ ക്യാമറകള്‍ക്കു മുന്നില്‍ ആളുകളെ കാണിക്കാന്‍ എടുത്തപ്പോള്‍ കടിയേറ്റു. ഏതാനും ദിവസം ചികിത്സയ്ക്ക് ശേഷമാണ് വീണ്ടും സജീവമാകുന്നത്.

ഇതിനിടെ കല്ലുവാതുക്കല്‍ പഞ്ചായത്ത് ഓഫിസിനു സമീപം ദേശീയപാതയോരത്ത് കാടു മൂടിയ ഭാഗത്ത് കണ്ട അണലിയെ സുരേഷ് പിടികൂടുകയുണ്ടായി. പാമ്പിനെ കുപ്പിയില്‍ അടച്ച ശേഷം പഞ്ചായത്തിനെതിരെ റോഡില്‍ കുത്തിയിരുന്നു. ഇതിന്റെ വിഡിയോ ദൃശ്യം സമൂഹമാധ്യമങ്ങളില്‍ ഇപ്പോള്‍ വ്യാപകമായി പ്രചരിക്കുന്നുണ്ട്.

കോടതിയുടെ പുറത്ത് തടിച്ചുകൂടിയ ജനത്തെ കണ്ടതോടെ സുരേഷ് ഉച്ചത്തില്‍ നിലവിളിച്ചു. താന്‍ നിരപരാധിയാണെന്ന് അവകാശപ്പെട്ടുകൊണ്ടായിരുന്നു നിലവിളി. അഞ്ചല്‍ ഏറം വെള്ളിശേരില്‍ വീട്ടില്‍ ഉത്ര(25) പാമ്പുകടിയേറ്റ് മരിച്ച കേസിലെ കൂട്ടുപ്രതിയായ സുരേഷിനെ പുനലൂരിലെ കോടതിയില്‍ ഹാജരാക്കി പുറത്തേക്ക് കൊണ്ടുവരികയായിരുന്നു.