തിരുവല്ലയില്‍ മുത്തച്ഛന്റെ മദ്യപാനം ചോദ്യം ചെയ്ത വിദ്യാര്‍ത്ഥിനിയ്ക്ക് വെട്ടേറ്റു. കൂട്ടുകാരുമൊത്ത് വീട്ടിലിരുന്നുള്ള മദ്യപാനം ചോദ്യംചെയ്ത പ്ലസ്ടു വിദ്യാര്‍ത്ഥിനിയെയാണ് മുത്തച്ഛനായ 76കാരനായ മുത്തച്ഛന്‍ ആക്രമിച്ചത്. തിരുവല്ലയിലെ നെടുമ്ബ്രത്താണ് സംഭവം. കഴിഞ്ഞ വ്യാഴാഴ്ച്ച​ വൈകീട്ടാണ്​ സംഭവം.

പിതാവ് മരിച്ചുപോയ പെണ്‍കുട്ടിയും മാതാവും മുത്തച്​ഛനും അമ്മൂമ്മയുമാണ് വീട്ടില്‍ താമസം. കമലാസനന്‍ വീട്ടില്‍ കൂട്ടുകാരുമൊത്ത് മദ്യപിക്കുന്നത് പെണ്‍കുട്ടിയും മാതാവ് അമ്ബിളി പലതവണ എതിര്‍ത്തിരുന്നു. സംഭവദിവസം അമ്ബിളി പുറത്തുപോയ സമയത്താണ് കമലാസനന്‍ കൂട്ടുകാരുമൊത്ത് മദ്യപിച്ചത്. മടങ്ങിയെത്തിയ അമ്ബിളി വീട്ടില്‍ നടന്ന മദ്യപാനത്തെക്കുറിച്ച്‌ കമലാസനനോട് ചോദിച്ചു.

ഇതില്‍ ക്ഷുഭിതനായി അടുക്കളയില്‍നിന്ന്​ വെട്ടുകത്തി എടുത്ത് അമ്ബിളിയെ ആക്രമിക്കുകയായിരുന്നു. ഇതിനിടെയാണ് മകള്‍ക്ക് വെട്ടേറ്റത്. പെണ്‍കുട്ടിയുടെ ഇരു കൈകള്‍ക്കും സാരമായി പരിക്കേറ്റു. തിരുവല്ല താലൂക്ക് ആശുപത്രിയില്‍ പ്രവേശിപ്പിച്ച പെണ്‍കുട്ടിയുടെ രണ്ട് കൈകളിലുമായി എട്ട് തുന്നലുകളിട്ടു.

ആശുപത്രിയില്‍നിന്ന്​ ലഭിച്ച വിവരത്തിന്റെ അടിസ്ഥാനത്തില്‍ കമലാസനനെ പ്രതിയാക്കി പൊലീസ് കേസ് രജിസ്​റ്റര്‍ ചെയ്തിട്ടുണ്ട്. സംഭവത്തെ തുടര്‍ന്ന് കമലാസനന്‍ ഒളിവില്‍ പോയിരുന്നു.