അപ്രതീക്ഷിതമായി മഴ വില്ലനായപ്പോൾ ഉറങ്ങുന്ന മകളെയും തോളിലെടു​ത്ത്​ അപകടത്തില്‍നിന്ന്​ ഒഴിഞ്ഞുമാറാന്‍ ആ പിതാവ് ഓടിക്കയറിയത്​ വന്‍ ദുരന്തത്തിലേക്ക്​. മരം വീഴുന്ന ശബ്​ദം കേട്ട്​ മകളെയു​മെടുത്ത്​ ആ പിതാവ്​ പുറ​േത്തക്ക്​ ഓടിയെങ്കിലും വിധി ആ ആറു വയസ്സുകാരിയുടെ ജീവനെടുക്കുകയായിരുന്നു.

മാനന്തവാടി, വാളാട്​ തോളക്കര ആദിവാസി കോളനിയിലെ പൊളിഞ്ഞുവീഴാറായ വീടിനുമുകളില്‍ മരം വീഴുമെന്ന ഭയത്തിലാണ് ബാബു​ മകളെയുമെടുത്ത്​ ​ പുറത്തേക്കോടിയത്​. എന്നാല്‍, വീടി​േനാട്​ തൊട്ടുതൊട്ടില്ലെന്ന മട്ടിലാണ്​ മരം നിലംപതിച്ചത്​. ഇതിനിടയില്‍​ പുറത്തേക്കോടിയ ഇരുവരുടെയും ദേഹത്ത്​ മരശിഖരം പതിക്കുകയായിരുന്നു​.

വീട്ടിനുള്ളില്‍ കുട്ടിയുടെ മാതാവ്​ അമ്മിണി ഉള്‍പെടെ രണ്ടു പേരുണ്ടായിരുന്നു. അവര്‍ക്കാര്‍ക്കും പരിക്ക്​ പറ്റിയില്ല. അപകടത്തില്‍ ബാബു​വിനും ഗുരുതര പരിക്കേറ്റിട്ടുണ്ട്​. ജ്യോതികയും കുടുംബവു​ം പഞ്ചായത്ത്​ നിര്‍മിച്ചുനല്‍കിയ പുതിയ വീട്ടിലേക്ക്​ മാറിത്താമസിക്കാന്‍ തയാറെടുക്കുന്നിതിനിടയിലാണ് ദുരന്തം കടന്നെത്തിയത്

ജ്യോതികയുടെ വേര്‍പാടില്‍ രാഹുല്‍ ഗാന്ധി എം.പി അനുശോചിച്ചു. 'കുടുംബത്തി​​െന്‍റ ദുഃഖത്തില്‍ പങ്കുചേരുന്നു. അപകടത്തില്‍ പരിക്കേറ്റ പിതാവ്​ ബാബു എത്രയും വേഗം സുഖം പ്രാപിക്ക​ട്ടെ.' എന്നും രാഹുല്‍ അനുശോചന സന്ദേശത്തില്‍ പറഞ്ഞു.