സ്വപ്ന പോലും നാണിച്ചു... എന്‍ഐഎ അന്വേഷിക്കുന്ന സ്വര്‍ണക്കടത്തിലെ രാജ്യദ്രോഹ ബന്ധം ലഘൂകരിച്ച് വിശുദ്ധ ഗ്രന്ഥത്തിലൂന്നി വിശുദ്ധ യുദ്ധം നടത്തുന്നവരുടെ പ്രതീക്ഷ തെറ്റും; നാല് വോട്ടിന് വേണ്ടി വര്‍ഗീയത പ്രചരിപ്പിക്കുന്നവരെ ഞെട്ടിപ്പിച്ച് അന്വേഷണം കടുപ്പിക്കാന്‍ അമിത്ഷാ
21 SEPTEMBER 2020 09:39 AM IST
മലയാളി വാര്‍ത്ത
സ്വര്‍ണകള്ളക്കടത്ത് ഉയര്‍ത്തിവിട്ട ആരോപണങ്ങളാണ് മുന്നണികളെ വിശുദ്ധ യുദ്ധത്തിലേക്ക് എത്തിക്കുന്നത്. സ്വര്‍ണക്കടത്തില്‍ പ്രതിപക്ഷം പ്രക്ഷോഭം ശക്തമാക്കിയതോടെയാണ് മറുമരുന്ന് എന്ന നിലയില്‍ വിശുദ്ധ ഖുര്‍ആന്‍ ആയുധമാക്കി സി.പി.എമ്മും ഇടതു മുന്നണിയും രംഗത്ത് എത്തിയത്. ഇതോടെ ലോക്സഭാ തെരഞ്ഞെടുപ്പ് കാലത്ത് ശബരിമല വിഷയം സജീവമായി ചര്‍ച്ചയായതു പോലെ തദ്ദേശനിയമസഭാ തെരഞ്ഞെടുപ്പുകളില്‍ ഖുര്‍ആന്‍ വിഷയമായിരിക്കും ചര്‍ച്ചയെന്ന് ഏറെക്കുറെ ഉറപ്പായി കഴിഞ്ഞു.
സ്വര്‍ണ്ണക്കടത്ത് കേസ് ഉയര്‍ന്നവന്നതോടെ പ്രതിരോധത്തിലായ സര്‍ക്കാരും ഇടതുമുന്നണിയും ബോധപൂര്‍വം തന്നെയാണ് ഖുര്‍ആന്‍ ആയുധമാക്കിയത്. ജലീലിനെതിരായ പോരാട്ടം വിശുദ്ധ ഖുര്‍ആനും സക്കാത്തും വിതരണം ചെയ്തതിനാണെന്ന് വരുത്തിതീര്‍ക്കാനുള്ള നീക്കമാണ് നടക്കുന്നത്. ശബരിമല വിഷയത്തെക്കാള്‍ കൂടുതല്‍ വൈകാരികമായ പ്രശ്നമാണ് ഇതെന്ന് ഇടതുമുന്നണി കരുതുന്നു.
ഈ വിഷയം ഉയര്‍ന്നുവന്ന സമയത്ത് തന്നെ വിവിധ മുസ്ലീംസംഘടനകള്‍ ഖുര്‍ആന്‍ വിതരണം വിഷയമാക്കരുതെന്ന നിലപാടുമായി രംഗത്തുവന്നിരുന്നു. കാന്തപുരം എ.പി. അബൂബക്കര്‍ മുസലിയാരും എസ്.കെ.എസ്.എസ്.എഫ്. വിഭാഗവും ഖുര്‍ആന്‍ വിതരണത്തിനെ ആരോപണ വലയത്തിലാക്കിയെന്ന പരാതി ഉയര്‍ത്തിയിരുന്നു. ഇത്തരത്തില്‍ പ്രചാരണം ശക്തമാകുമ്പോള്‍ സമസ്തയ്ക്കും നിലപാട് സ്വീകരിക്കാതിരിക്കാന്‍ കഴിയില്ലെന്നാണ് ഇടതുമുന്നണി കണക്കുകൂട്ടുന്നത്.
മലബാറില്‍ ഇത് വലിയ നേട്ടമുണ്ടാക്കുമെന്നാണ് സി.പി.എമ്മിന്റെ വിലയിരുത്തല്‍. കഴിഞ്ഞ നിയമസഭാ തെരഞ്ഞെടുപ്പ് സമയത്ത് പരമ്പരാഗത വോട്ടുബാങ്കായ എസ്.എന്‍.ഡി.പി. പാര്‍ട്ടിയില്‍ നിന്നും അകന്നപ്പോഴും ബീഫ് വിഷയം ഉള്‍പ്പെടെയുള്ളവ ഉയര്‍ത്തികൊണ്ടുള്ള പ്രക്ഷോഭങ്ങളായിരുന്നു ഗുണം ചെയ്തതെന്നതും ഇടതുമുന്നണി കരുതുന്നു. മാത്രമല്ല, ഇതില്‍ വര്‍ഗീയത ആരോപിക്കുന്ന യു.ഡി.എഫും ബി.ജെ.പിയും ശബരിമല വിഷയത്തെ ഏത് രീതിയിലാണ് ഉപയോഗിച്ചതെന്നും അവര്‍ ചോദിക്കുന്നു. ഖുര്‍ആനും സക്കാത്തിനുമൊപ്പം യു.ഡി.എഫ് ബി.ജെ.പി. ബന്ധം കൂടി ശക്തമായ ഉയര്‍ത്തികൊണ്ട് ഈ പ്രതിഷേധങ്ങള്‍ക്കിടയിലും നേട്ടമുണ്ടാക്കുകയെന്നതാണ് ഇടതുമുന്നണി തന്ത്രം.
സി.പി.എമ്മിന്റെ അപ്രതീക്ഷിതമായ ഈ കളംമാറ്റം യു.ഡി.എഫില്‍ ചില ആശങ്കകള്‍ ഉയര്‍ത്തിയിട്ടുണ്ട്. ഖുര്‍ആനെ ഇതിലേക്ക് വലിച്ചിഴച്ചത് യു.ഡി.എഫിനെ വല്ലാത്ത പ്രതിസന്ധിയിലാക്കിയിട്ടുണ്ട്. ഇത് കുടുതല്‍ പ്രശ്നങ്ങള്‍ ഉണ്ടാക്കാതിരിക്കാനുള്ള നടപടികളും അവര്‍ ആരംഭിച്ചിട്ടുണ്ട്. സി.പി.എമ്മിന്റെ നീക്കത്തിനെതിരെ ശക്തമായ പ്രചരണപരിപാടികള്‍ ആരംഭിക്കാനാണ് യു.ഡി.എഫിന്റെ തീരുമാനം. അതേസമയം ജലീലിനെതിരായി അന്വേഷണം പുരോഗമിക്കുമ്പോള്‍ ശക്തമായി ആഞ്ഞടിക്കാനാണ് നീക്കം.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
