ഇന്ത്യയുടെ അതിര്‍ത്തി കൈയ്യേറിയ ചൈന ഇന്ത്യയുടെ സൈനിക കരുത്ത് മനസിലാക്കിയതാണ്. അതിന് പിന്നാലെ ചൈനയുടെ അടിത്തറയിളകിയെന്നുമാണ് റിപ്പോര്‍ട്ട്. കേന്ദ്ര സര്‍ക്കാരാണ് ഇക്കാര്യം വ്യക്തമാക്കിയത്. ചൈനയില്‍ നിന്നുള്ള ഇറക്കുമതി വളരെയധികം കുറഞ്ഞുവെന്നാണ് കേന്ദ്ര സര്‍ക്കാര്‍ വ്യക്തമാക്കിയിരിക്കുന്നത്. ഏപ്രില്‍ മുതല്‍ ഓഗസ്റ്റ് വരെയുള്ള കാലയളവില്‍ കഴിഞ്ഞ വര്‍ഷത്തെ അപേക്ഷിച്ച് 27.63 ശതമാനത്തിന്റെ കുറവാണ് ഉണ്ടായതെന്ന് വ്യവസായമന്ത്രി പീയുഷ് ഗോയല്‍ ലോക്‌സഭയെ അറിയിച്ചു. കഴിഞ്ഞ വര്‍ഷം ഇതേസമയം 21.58 ബില്യണ്‍ (2158 കോടി) അമേരിക്കന്‍ ഡോളറിന്റെ ഇറക്കുമതിയാണ് നടന്നതെന്നും കേന്ദ്രമന്ത്രി വ്യക്തമാക്കി.

അതിനിടെ, ചൈനയ്ക്ക് നല്‍കിയിട്ടുള്ള അതിപ്രിയ രാജ്യ പദവി പിന്‍വലിക്കാനുള്ള നിര്‍ദ്ദേശമൊന്നും പരിഗണനയില്‍ ഇല്ലെന്ന് ചോദ്യത്തിന് മറുപടിയായി കേന്ദ്രമന്ത്രി വ്യക്തമാക്കി. ചൈനയുമായുള്ള വ്യാപാരം കുറയ്ക്കുന്നതിനായി അതിപ്രിയ രാജ്യ പദവി പിന്‍വലിക്കുമോ എന്ന ചോദ്യത്തിനാണ് മന്ത്രി മറുപടി നല്‍കിയത്.

രാജ്യത്തിന്റെ കയറ്റുമതിയില്‍ വര്‍ധന രേഖപ്പെടുത്തിയതായി പിന്നീട് മാധ്യമങ്ങളോട് സംസാരിക്കവെ മന്ത്രി പീയുഷ് ഗോയല്‍ പറഞ്ഞു. സെപ്റ്റംബര്‍ ആദ്യ പകുതിയില്‍ കയറ്റുമതിയില്‍ കഴിഞ്ഞ വര്‍ഷത്തേക്കാള്‍ 10 ശതമാനം വളര്‍ച്ച രേഖപ്പെടുത്തിയതായി മന്ത്രി അവകാശപ്പെട്ടുവെന്ന് പിടിഐ വാര്‍ത്താ ഏജന്‍സി റിപ്പോര്‍ട്ടു ചെയ്തു.

അതേ സമയം ചര്‍ച്ചയ്ക്കു വന്ന ചൈനയോട് അതിര്‍ത്തിയിലെ തര്‍ക്ക മേഖലകളില്‍ നിന്നും ആദ്യം പിന്മാറണമെന്ന് ഇന്ത്യ ആവസ്യപ്പെട്ടു. ആറാം വട്ട കമാന്‍ഡര്‍ തല ചര്‍ച്ചയിലാണ് ഇന്ത്യ ചൈനയോട് ഇക്കാര്യം ആവശ്യപ്പെട്ടത്. അതിര്‍ത്തിയില്‍ നിലനില്‍ക്കുന്ന ഇന്ത്യാ ചൈനാ തര്‍ക്കം പരിഹരിക്കുന്നതിന്റെ ഭാഗമായാണ് ഇരു രാജ്യങ്ങളുടെയും സൈനിക തലത്തിലുള്ള കോര്‍ കമാന്‍ഡര്‍ തല ചര്‍ച്ച നടന്നത്.

മോല്‍ഡോയില്‍ രാവിലെ 9 മണിക്കാണ് കൂടിക്കാഴ്ച്ച ആരംഭിച്ചത്. ലഫ്. ജനറല്‍മാരായ ഹരീന്ദര്‍ സിംഗ്, പിജികെ മേനോന്‍ എന്നിവരുടെ നേതൃത്വത്തിലുള്ള സംഘമാണ് ഇന്ത്യയുടെ ഭാഗത്ത് നിന്നും ചര്‍ച്ചയില്‍ പങ്കെടുത്തത്. വിദേശകാര്യ മന്ത്രാലയം ജോയിന്റ് സെക്രട്ടറി നവീന്‍ ശ്രീവാസ്തവയും ചര്‍ച്ചയില്‍ പങ്കെടുത്തിരുന്നു.

മേജര്‍ ജനറല്‍ ലിന്‍ ലിയുവാണ് ചൈനീസ് സംഘത്തിന് നേതൃത്വം കൊടുത്തത്. അതിര്‍ത്തിയില്‍ സമാധാനം പുന:സ്ഥാപിക്കുന്നതിന് അഞ്ചിന മാര്‍ഗനിര്‍ദേശങ്ങള്‍ക്ക് അംഗീകാരം നല്‍കിയ മോസ്‌കോ ധാരണയ്ക്ക് ശേഷം നടന്ന ആദ്യ കമാന്‍ഡര്‍ തല ചര്‍ച്ചയാണിത്.

കിഴക്കന്‍ ലഡാക്കിലെ അതിര്‍ത്തി തര്‍ക്കം പരിഹരിക്കുന്നതിന് സൈനിക തലത്തിലുള്ള ഇന്ത്യചൈന നിര്‍ണായക കോര്‍ കമാന്‍ഡര്‍ തല ചര്‍ച്ച നടന്നത്. ചുസ്ഹുളിലെ മോള്‍ഡോയിലാണ് യോഗം നടന്നത്. മോസ്‌ക്കോയില്‍ ഇരു രാജ്യങ്ങളുടെയും വിദേശകാര്യമന്ത്രിമാര്‍ തമ്മില്‍ ധാരണയായ അഞ്ചിന പരിപാടി നടപ്പാക്കുന്നതാണ് ചര്‍ച്ചയിലെ അജന്‍ഡ.

സൈന്യങ്ങള്‍ സ്ഥിരം പോസ്റ്റുകളിലേക്ക് മാറുന്ന കാര്യമാണ് പ്രധാനമായും ചര്‍ച്ച ചെയ്തത്. ഇത് ആറാം തവണയാണ് കോര്‍ കമാന്‍ഡര്‍ തല ചര്‍ച്ച നടക്കുന്നതെങ്കിലും മോസ്‌കോ ധാരണയ്ക്ക് ശേഷം നടക്കുന്ന ആദ്യ യോഗമായതിനാല്‍ ഇരു വിഭാഗങ്ങളും ആകാംക്ഷയോടെയാണ് ഉറ്റുനോക്കുന്നത്.

ലഫ്റ്റനന്റ് ജനറല്‍ ഹരീന്ദര്‍ സിങ് നയിക്കുന്ന ഇന്ത്യന്‍ സംഘത്തില്‍ മേജര്‍ ജനറല്‍മാരായ അഭിജിത് ബാപ്പത്, പാദം ഷേഖാവത്ത്, വിദേശകാര്യ മന്ത്രാലയ ജോയിന്റ് സെക്രട്ടറി നവീന്‍ ശ്രീവാസ്തവ എന്നിവരും #ുണ്ടായിരുന്നു. കേന്ദ്ര സര്‍ക്കാര്‍ പ്രതിനിധിയും സൈനികതല യോഗത്തില്‍ പങ്കെടുക്കുന്നത് ആദ്യമാണ്. ചൈനീസ് സൈനിക സംഘത്തെ മേജര്‍ ജനറല്‍ ലിന്‍ ലിയു ആണ് നയിച്ചത്. ഇന്ത്യയുടെ ഉറച്ച നിലപാട് ചര്‍ച്ചയില്‍ തെളിഞ്ഞു വന്നതോടെ ചൈന ഒരിക്കല്‍ കൂടി വെട്ടിലായി.