ഈ എന്‍ ഐ എ എന്നുവെച്ചാല്‍ നിങ്ങള്‍ എന്താണ് കരുതിയത് .ആരും സ്വപ്നത്തില്‍ പോലും പ്രതീക്ഷിക്കാത്ത ഒട്ടനവധി ട്വിസ്റ്റുകള്‍ സമ്മാനിച്ച അനുഭവസമ്പത്തുള്ള അന്വേഷണ ഉദ്യോഗസ്ഥരുള്ള രാജ്യത്തിലെ തന്നെ നമ്പര്‍ 1 പ്രസ്ഥാനം എന്ന് പറയാന്‍ തോന്നും .സ്വപ്നയുടെ ജാമ്യാപേക്ഷ ഓരോന്നായി നിഷേധിക്കപ്പെടാനും ഒടുവില്‍ എന്‍ ഐ എ യുടെ ചോദ്യങ്ങള്‍ക്ക് വീണ്ടും ഉത്തരം പറയാനും നിന്നുകൊടുക്കേണ്ടത് കാലത്തിന്റെ നിയോഗം മാത്രം .

സാധാരണക്കാരന്‍ വിയര്‍ത്തുണ്ടാക്കുന്ന കാശിന്റെ വിലയെന്തെന്ന് സ്വപ്നയെപ്പോലുള്ള തട്ടിപ്പുകാര്‍ അറിയുന്നുണ്ടോ .പല ഉന്നതരുമായി അവിശുദ്ധ കൂട്ടുകെട്ടുണ്ടാക്കി രാജകുമാരിയെപ്പോലെ വിലസിനടന്ന് ഈക്കണ്ട ഇടപാടുകള്‍ മുഴുവന്‍ നടത്തിയതിന്റെ ഡിജിറ്റല്‍ ഫോറന്‍സിക് തെളിവ് കൂടി പുറത്തുവരുന്നു എന്നതാണ് മറ്റൊരു സവിശേഷത .ഇതില്‍ നിന്നും എന്‍ ഐ എ എത്തിച്ചേര്‍ന്ന നിഗമനത്തിന്റെ അടിസ്ഥാനത്തിലാകും അതിനിര്‍ണായകമായ ചോദ്യം ചെയ്യല്‍ നടക്കുന്നത് .നാലുദിവസത്തെ ചോദ്യം ചെയ്യല്‍ കൂടി നടക്കുമ്പോള്‍ കേസിന്റെ ഗതിമാറും എന്ന സ്ഥിതിയിലാണ് കാര്യങ്ങള്‍ അന്വേഷണ സംഘം കൊണ്ടെത്തിച്ചിരിക്കുന്നത് .

സ്വപ്ന കള്ളക്കടത്തിനായി ഉപയോഗിച്ച സംവിധാനങ്ങള്‍ ,അതിനായി പലരെയും സ്വാധീനിക്കുകയും അതുപോലെ തന്നെ വന്‍ തോതില്‍ പണം ചിലവാകുകയും ചെയ്തത് ആര്‍ക്കൊക്കെ വേണ്ടിയായിരുന്നു എന്നതുകൂടി വ്യക്തമാക്കാന്‍ എന്‍ ഐ എ യുടെ മുന്നില്‍ നാല് ദിവസങ്ങള്‍ കൂടി ലഭ്യമാകുകയാണ് .രാജ്യത്തിന് ഹിതം സംഭവിക്കുന്ന തരത്തിലാണ് സ്വപ്നയുടെ ഇടപെടല്‍ നടന്നത് എന്നുതന്നെയാണ് കോടതിക്ക് വ്യക്തമായത് .അതിനാല്‍ തന്നെ അന്വേഷണത്തിനും തെളിവെടുക്കലിനും എന്‍ ഐ എ ക്ക് പരിപൂര്‍ണ്ണ പിന്തുണയാണ് ഇതുവരെയും നല്കിവന്നത്.
സ്വര്‍ണക്കടത്തു കേസിലെ മുഖ്യപ്രതി സ്വപ്ന സുരേഷിനെ വെള്ളിയാഴ്ച വരെയാണ് നിര്‍ണായക ചോദ്യംചെയ്യലിനായി എന്‍ഐഎ കസ്റ്റഡിയില്‍ വാങ്ങിയത് . സ്വപ്നയുടെ മൊബൈല്‍ ഫോണുകള്‍, ലാപ്‌ടോപ് എന്നിവയുടെ ഡിജിറ്റല്‍ ഫൊറന്‍സിക് പരിശോധനാ ഫലം എന്‍ഐഎക്കു ലഭിച്ച പശ്ചാത്തലത്തിലാണു വീണ്ടും ചോദ്യം ചെയ്യുന്നത്. ഇത് കൂടുതല്‍ പേരെ കുടുക്കാനുള്ള വെടിമരുന്നു കൂടിയാണ് എന്നുതന്നെയാണ് വ്യക്തമാകുന്നത് .

സ്വപ്നയുടെ ആദ്യമൊഴികളുമായി വൈരുധ്യമുള്ള വിവരങ്ങളാണ് ഇതിലുള്ളത്. മൊബൈല്‍ ഫോണില്‍ നിന്നു സ്വപ്ന മായ്ച്ചുകളഞ്ഞ ഓണ്‍ലൈന്‍ ചാറ്റുകള്‍ അന്വേഷണ സംഘം വീണ്ടെടുത്തിരുന്നു.ഇത് കനത്ത തിരിച്ചടിയായി സ്വപ്നയുടെ കൂട്ടാളികള്‍ക്കും മാറിക്കഴിഞ്ഞു എന്നാണ് മനസ്സിലാക്കാന്‍ കഴിയുന്നത് .അതേസമയം അറസ്റ്റ് ചെയ്ത് 60 ദിവസം പൂര്‍ത്തിയായ സാഹചര്യത്തില്‍ സന്ദീപ് നായര്‍ക്കു കസ്റ്റംസ് കേസില്‍ ഇന്നലെ സാമ്പത്തിക കുറ്റവിചാരണക്കോടതി ജാമ്യം അനുവദിച്ചു. കുറ്റപത്രം സമര്‍പ്പിക്കാത്ത സാഹചര്യത്തിലാണു ജാമ്യം. എന്നാല്‍, യുഎപിഎ ചുമത്തി എന്‍ഐഎ കേസ് റജിസ്റ്റര്‍ ചെയ്തിട്ടുള്ളതിനാല്‍ പ്രതി റിമാന്‍ഡില്‍ തുടരും. നയതന്ത്ര പാഴ്‌സല്‍ സ്വര്‍ണക്കടത്തു കേസില്‍ അറസ്റ്റിലായ പല പ്രതികളും ബെനാമികളാണെന്ന് ആദായ നികുതി വകുപ്പ് ഇന്റലിജന്‍സ് വിഭാഗം കണ്ടെത്തി.

പ്രതികളായ സ്വപ്ന സുരേഷ്, പി.എസ്. സരിത്, സന്ദീപ് നായര്‍, കെ.ടി. റമീസ്, ഹംജദ് അലി, ജലാല്‍, മുഹമ്മദ് ഷാഫി, മുഹമ്മദ് അന്‍വര്‍, ഇ. സയീദ് അലവി എന്നിവരെ ജയിലില്‍ ചോദ്യം ചെയ്യാനുള്ള ആദായനികുതി വകുപ്പിന്റെ അപേക്ഷ സാമ്പത്തിക കുറ്റവിചാരണക്കോടതി അനുവദിക്കുകയായിരുന്നു . സ്വര്‍ണക്കടത്തിനു വേണ്ടി പണം മുടക്കിയവരെയും ലാഭവിഹിതം പങ്കിട്ടവരെയും കണ്ടെത്തുകയാണു ലക്ഷ്യം.ഇവരെ കണ്ടെത്താനായുള്ള മാസ്റ്റര്‍ പ്ലാനിന്റെ ഭാഗമായാണ് നാലുദിവസത്തേക്ക് സ്വപ്നയെ കസ്റ്റഡിയില്‍ വാങ്ങിയത് എന്നാണ് മനസ്സിലാക്കാന്‍ കഴിയുന്നത് .