ഈ കേരളം ഇതെന്താ വെള്ളരിക്ക പട്ടണമാണോ .എവിടെ എന്ത് തോന്നിയവാസവും നടത്താമെന്നാണോ ഭീകരര്‍ കരുതിയത് .കേന്ദ്രത്തിന്റെ കണ്ണ് കേരളത്തില്‍ ഇല്ലെന്നും പലപ്പോഴും കേരളത്തെ പാടെ അവഗണിക്കുകയാണ് കേന്ദ്രമെന്നും പറഞ്ഞു നടക്കുന്നവര്‍ക്ക് കൊടുക്കാന്‍ കഴിയുന്ന ഉചിതമായ മറുപടിയാണ് ആഭ്യന്തര മന്ത്രാലയം നല്‍കിയത് .കേരളത്തിന്റെ സ്ഥിതിഗതികള്‍ മനസ്സിലാക്കി നുഴഞ്ഞുകയറ്റം അതിവിദഗ്തമായി നടത്തിക്കളയാമെന്നും ഭീകരപ്രവര്‍ത്തങ്ങള്‍ക്ക് ഉത്തേജകമായ തരത്തില്‍ ധനസമാഹരണം നടത്താമെന്നുമുള്ള കണക്കുകൂട്ടലാണ് എന്‍ ഐ എ പൊളിച്ചടുക്കിയത് .

ഭീകരരുടെ താവളം കണ്ടുപിടിക്കുന്നതിനു വേണ്ടിയുള്ള സഹായം മാത്രമാണ് സംസ്ഥാന പോലീസില്‍ നിന്നും തേടിയത് എന്നാണ് പ്രതികളെ പിടികൂടിയതിനു ശേഷം മനസ്സിലാകുന്ന പ്രധാന കാര്യം .അന്വേഷണത്തിന്റെ ഒരുഘട്ടത്തിലും കേരളത്തിലെ ഭീകര സാന്നിത്യത്തിന്റെ വിവരം സംസ്ഥാന പോലീസിനെ അറിയിക്കാനോ അവരെ വിശ്വാസത്തില്‍ എടുക്കാനോ ശ്രമിച്ചിട്ടില്ല എന്നത് ഏറ്റവും ശ്രദ്ധേയമാണ് .സംസ്ഥാന സര്‍ക്കാര്‍ ഭീകരവിരുദ്ധ സ്‌ക്വാഡിനെ നിര്‍വീര്യമാക്കിയതെന്തുകൊണ്ട് എന്ന ചോദ്യം സാമൂഹ്യമാധ്യമങ്ങളിലും ചാനല്‍ചര്‍ച്ചകളിലും ഉയര്‍ന്നുകേട്ടതാണ് .കേന്ദ്ര ആഭ്യന്തര മന്ത്രാലയത്തിന് ശക്തമായ മാര്‍ഗ്ഗനിര്‍ദ്ദേശം നല്‍കിയ അജിത് ഡോവല്‍ ഭീകരരുടെ സാന്നിത്യം വിലയിരുത്താനായി ഇന്ത്യയിലെ പലമേഖലയിലും നേരിട്ട് സന്ദര്‍ശനം നടത്തി സ്ഥിതിഗതികള്‍ വിലയിരുത്തിയിരുന്നു .

കേരളത്തില്‍ ഐ എസിന്റെ സാന്നിത്യമുണ്ട് എന്ന ആരോപണം അതിശക്തമായി ഉയര്‍ന്ന സാഹചര്യത്തില്‍ കൂടുതല്‍ ഊര്‍ജിതമായ അന്വേഷണത്തിനാണ് കേന്ദ്ര ആഭ്യന്തര മന്ത്രാലയം തയ്യാറാകുന്നത് .കേരളത്തില്‍ ഭീകരസാന്നിത്യം ഇല്ല എന്നവര്‍ത്തിക്കുന്ന സംസ്ഥാന സര്‍ക്കാര്‍ ഇപ്പോഴും കടുത്ത നിരാശയിലാണ് .ഭീകരതയ്ക്ക് ഒറ്റ മുഖമേ ഉള്ളു എന്ന് ആവര്‍ത്തിച്ചിട്ടുള്ള ആഭ്യന്തര മന്ത്രി അമിത് ഷാ ദേശിയ അന്വേഷണ ഏജന്‍സിക്ക് കൂടുതല്‍ ചുമതലയും ഉത്തരവാദിത്തവയും നല്‍കുന്നത് ശുഭപ്രതീക്ഷ വര്‍ധിപ്പിക്കുന്നു .പാകിസ്താനിലെ ഭീകരസംഘടനുമായി ഓണ്‍ലൈന്‍ സംവിധാനത്തിലൂടെ കേരളത്തില്‍ വച്ച് അറസ്റ്റിലായ ഭീകരര്‍ നേരത്തെ ബന്ധപ്പെട്ടിരുന്നു എന്നത് വലിയ ആശങ്ക ഉയര്‍ത്തുന്നു. അല്‍ഖായിദ ബന്ധത്തിന്റെ പേരില്‍ എറണാകുളം, ബംഗാളിലെ മുര്‍ഷിദാബാദ് എന്നിവിടങ്ങളില്‍ നിന്ന് അറസ്റ്റിലായ 9 പേരെ ഡല്‍ഹി കോടതി എന്‍ഐഎ കസ്റ്റഡിയില്‍ വിട്ടു.

എറണാകുളത്തു നിന്ന് അറസ്റ്റിലായ 3 പേരെ 5 ദിവസത്തേക്കും മറ്റ് 6 പേരെ 4 ദിവസത്തേക്കുമാണു കസ്റ്റഡിയില്‍ വിട്ടത്. പട്യാല ഹൗസ് കോടതിയില്‍ വിഡിയോ കോണ്‍ഫറന്‍സ് വഴിയാണ് ഇവരെ ഹാജരാക്കിയത്.സംഘത്തലവന്‍ മുര്‍ഷിദ് ഹസനും ഉള്‍പ്പെടുന്നതിനാലാണ് എറണാകുളത്തു നിന്നുള്ള സംഘത്തെ ചോദ്യം ചെയ്യാന്‍ കൂടുതല്‍ സമയം എന്‍ഐഎ തേടിയത്. രാജ്യത്തെ തന്ത്രപ്രധാന സ്ഥലങ്ങളില്‍ ഇവര്‍ പദ്ധതിയിട്ട ആക്രമണങ്ങളെക്കുറിച്ചുള്ള വിവരങ്ങള്‍ ലഭിക്കാന്‍ കസ്റ്റഡിയില്‍ ആവശ്യമാണെന്ന് എന്‍ഐഎ വാദിച്ചു.

പാക്കിസ്ഥാന്‍, ബംഗ്ലദേശ് എന്നിവിടങ്ങളിലെ അല്‍ഖായിദ നേതൃത്വവുമായി സംഘം ഓണ്‍ലൈനില്‍ ബന്ധപ്പെട്ടതിന്റെ തെളിവുകളും അന്വേഷണ സംഘം ഹാജരാക്കി. ബംഗാളില്‍ 2 പേര്‍ കൂടി അറസ്റ്റിലാകാനുണ്ട്. അറസ്റ്റിനു തൊട്ടു മുന്‍പാണ് ഇവര്‍ കടന്നുകളഞ്ഞത്.ഭീകരവാദികളുടെ കാള്‍ ലിസ്റ്റും ധന ഇടപാടുകളും ഇപ്പോള്‍ പരിശോധിച്ചു വരികയാണ് .സ്വര്‍ണ്ണകള്‍ക്കടത്തു കേസില്‍ ഉള്‍പ്പടെ ഭീകരബന്ധം ആരോപിക്കപ്പെടുന്ന പശ്ചാത്തലത്തില്‍ കേരളത്തില്‍ വച്ച് ഭീകരര്‍ വലയില്‍ കുരുങ്ങിയത് കേസ് അന്വേഷണത്തില്‍ എന്‍ ഐ എ ക്ക് പുതിയ വഴിത്തിരിവാകുന്നു .പണമിടപാടുകള്‍ കേരളത്തില്‍ അനധികൃതമായി നടന്നുവരുന്ന സംഭവങ്ങള്‍ സ്വര്‍ണ്ണക്കള്ളക്കടത്തു കേസിന്റെ അന്വേഷണത്തിനിടയില്‍ ശ്രദ്ധേയമായ കാര്യമായിരുന്നു ആ വഴിക്കും അന്വേഷണം നടത്താനുള്ള ആലോചനകള്‍ കേന്ദ്ര സര്‍ക്കാരിന്റെ ഭാഗത്തു നിന്നും ഉണ്ടായേക്കുമെന്നാണ് കരുതപ്പെടുന്നത് .