സ്വകാര്യ ബസിന്റെ പിന്ചക്രം കയറി ഗര്ഭിണിയായ നഴ്സിന് ദാരുണാന്ത്യം... അഞ്ചുമാസം ഗര്ഭിണിയായിരുന്നു... ജോലിയ്ക്കു പോകാനായി ബസില് കയറവേയാണ് സംഭവം, ഭര്ത്താവിന്റെ കണ്മുന്നില് വച്ചാണ് ദുരന്തമുണ്ടായത്
സ്വകാര്യ ബസിന്റെ പിന്ചക്രം കയറി ഗര്ഭിണിയായ നഴ്സ് മരിച്ചു. ലേക്ഷോര് ആശുപത്രിയിലെ നഴ്സ് കോഴിക്കോട് താമരശേരി മൈക്കാവ് പാറയ്ക്കല് വീട്ടില് ഷെല്മി പൗലോസ് (33) ആണ് മരിച്ചത്. ഭര്ത്താവിന്റെ കണ്മുന്നില്വച്ചാണ് അപകടം നടന്നത്. ദേശീയപാതയില് ചന്തിരൂര് മേഴ്സി സ്കൂളിനു മുന്പിലായിരുന്നു അപകടം നടന്നത്.
ഷെല്മിയെ ബസില് കയറ്റി വിടാന് സ്റ്റോപ്പിന് എതിര്വശത്ത് എത്തിയ ഭര്ത്താവ് നോക്കി നില്ക്കെയാണ് അപകടം. എരമല്ലൂരില് നിന്ന് എറണാകുളത്തേക്ക് പോകുകയായിരുന്ന സ്വകാര്യ ബസിന് മീഡിയനില് നിന്ന് ഷെല്മി കൈകാണിച്ചു റോഡ് മറി കടന്ന ശേഷം ബസില് കയറുന്ന സമയത്ത് ആന്ധ്രയില് നിന്ന് ചെമ്മീന് ലോഡുമായി വരികയായിരുന്ന കണ്ടെയ്നര് ലോറി നിയന്ത്രണം വിട്ട് ബസിന്റെ പിന്നില് ഇടിക്കുകയായിരുന്നു. ഇടിയുടെ ആഘാതത്തില് ബസ് മുന്നോട്ടു നീങ്ങവേ റോഡിലേക്ക് ഷെല്മി തെറിച്ചു വീണു. ബസിന്റെ പിന്ചക്രം ദേഹത്ത് കയറിയിറങ്ങുകയായിരുന്നു.
https://www.facebook.com/Malayalivartha
