പാലത്തായി പീഡനക്കേസില് അന്വേഷണ സംഘത്തെ ഹൈക്കോടതി മാറ്റി; തുടരന്വേഷണത്തിന് ഐജി റാങ്കില് കുറയാത്ത പുതിയ ഉദ്യോഗസ്ഥനെ രണ്ടാഴ്ചകൊണ്ട് നിയമിക്കാന് കോടതി നിര്ദ്ദേശം
പാലത്തായി പീഡനക്കേസില് അന്വേഷണ സംഘത്തെ ഹൈക്കോടതി മാറ്റി. അന്വേഷണമേല്നോട്ട ചുമതലുള്ള ഉദ്യോഗസ്ഥന് ഐജി ശ്രീജിത്തിനെയും പ്രത്യേക സംഘാംഗങ്ങളേയും മാറ്റാന് ഹൈക്കോടതി ഉത്തരവിടുകയായിരുന്നു.
ഐജി റാങ്കില് കുറയാത്ത പുതിയ ഉദ്യോഗസ്ഥനെ രണ്ടാഴ്ചകൊണ്ട് നിയമിക്കാന് കോടതി പൊലീസ് മേധാവി ലോക്നാഥ് ബെഹ്റയ്ക്ക് നിര്ദേശം നല്കി. പുതിയ ഉദ്യോഗസ്ഥരെ ഉള്പ്പെടുത്തി അന്വേഷണ സംഘം രണ്ടാഴ്ചയ്ക്കകം പുനസംഘടിപ്പിക്കാനും കോടതി ഉത്തരവിട്ടു.
ബിജെപി അധ്യാപകന് പ്രായപൂര്ത്തിയാവാത്ത പെണ്കുട്ടിയെ പീഡിപ്പിച്ച കേസില് അന്വേഷണത്തിന് പ്രത്യേക സംഘത്തെ നിയോഗിക്കണമെന്ന ഇരയുടെ മാതാവിന്റെ ഹര്ജിയിലാണ് ജസ്റ്റിസ് പി.വി.കുഞ്ഞുകൃഷ്ണന്റെ ഉത്തരവ്.
അന്വേഷണം ശരിയായ ദിശയിലല്ലെന്നും നിലവിലെ അന്വേഷണത്തില് വിശ്വാസമില്ലെന്നും ഐജിയുടെ നേതൃത്യത്തില് നടക്കുന്ന അന്വേഷണത്തെ സ്വാധീനിക്കാന് രാഷ്ട്രീയ ഇടപെടല് ഉണ്ടോയെന്ന് സംശയമുള്ളതായും ഹര്ജിയില് ആരോപിച്ചിരുന്നു.
കേസില് അധ്യാപകന് വിചാരണക്കോടതി നേരത്തെ ജാമ്യം അനുവദിച്ചിരുന്നു.
https://www.facebook.com/Malayalivartha
