കൃഷിയിടങ്ങളില്‍ ഇറങ്ങി കൃഷി നശിപ്പക്കുന്ന കാട്ടുപന്നികള്‍ കര്‍ഷകരെ സംബന്ധിച്ച് ക്ഷുദ്രജീവികളാണ്. സംസ്ഥാനത്തെ കിഴക്കന്‍ പ്രദേശങ്ങളിലെ കൃഷിയിടങ്ങളില്‍ കാട്ടുപന്നി ആക്രമണം രൂക്ഷമായതോടെ കൂട്ടത്തോടെ കൊന്നൊടുക്കാന്‍ അനുമതി തേടി സംസ്ഥാന സര്‍ക്കാര്‍. വനപ്രദേശങ്ങളോടു ചേര്‍ന്നുള്ള ഭാഗങ്ങളില്‍ കൊട്ടുപന്നി ആക്രമണം രൂക്ഷമാണെന്ന വലിയരുത്തലിലാണ് വനം വകുപ്പിന്റെ പുതിയ തീരുമാനം. നാട്ടിലിറങ്ങി കൃഷി നശിപ്പിക്കുന്ന കാട്ടുപന്നികളെ വെടിവെച്ചു കൊല്ലാനുള്ള അനുമതി നല്‍കുകയും ഉത്തരവ് നടപ്പാക്കുകയും ചെയ്തിരുന്നെങ്കിലും കാട്ടുപന്നി ശല്യത്തില്‍ കുറവില്ലാതെ വന്നതോടെയാണ് അവരെയ ശല്യകാരിയായ മൃഗമായി പ്രഖ്യാപിച്ച് കൂട്ടത്തോടെ കൊന്നൊടുക്കാനുള്ള അനുമതി നേടുന്നതെന്നാണ് വനം മന്ത്രി കെ രാജുവിന്റെ ഓഫീസ് പറയുന്നത്.

വനപ്രദേശത്തോടു ചേര്‍ന്നുള്ള സഥലങ്ങളില്‍ കാട്ടുപന്നിയുടെ ശല്യം വ്യാപകമാണെന്നാണ് വനംമന്ത്രിയുടെ ഓഫീസിന്റെ വിലയിരുത്തല്‍ല്‍. ഇത്തരം മേഖലകളില്‍ ഉദ്യോസ്ഥര്‍ക്കും ലൈസന്‍സുള്ള തോക്കുള്ള നാട്ടുകാര്‍ക്കും കാട്ടുപന്നിയെ വെടിവെച്ചുകൊല്ലാനുള്ള അനുമതി സര്‍ക്കാര്‍ നല്‍കിയിരുന്നു. എന്നാല്‍ ഇതിനു ശേഷവും ഇവയുടെ എണ്ണത്തിലും ശല്യത്തിലും കുറവില്ലാതെ വന്നതോടെയാണ് കാട്ടുപന്നിയെ വെര്‍മിന്‍ അഥവാ ക്ഷുദ്രജീവിയായി പ്രഖ്യാപിക്കാന്‍ സര്‍ക്കാര്‍ ആലോചിക്കുന്നത്.

ഇത്തരത്തില്‍ പ്രഖ്യാപിക്കണമെങ്കില്‍ കേന്ദ്രാനുമതി ആവശ്യമാണ്. ഇതിനു മുന്‍പ് നിര്‍ദേശം നല്‍കിയിരുന്നെങ്കിലും ചില വ്യവസ്ഥകള്‍ പാലിക്കേണ്ടതുണ്ടായിരുന്നുവെന്നാണ് റിപ്പോര്‍ട്ടില്‍ പറയുന്നത്. പ്രഖ്യാപനം നിലവില്‍ വന്നാല്‍ നാട്ടിലിറങ്ങുന്ന കാട്ടുപന്നികളെ കൂട്ടത്തോടെ കൊന്നൊടുക്കാന്‍ സര്‍ക്കാരിന് സാധിക്കും. കാട്ടുപന്നി ആക്രമണം രൂക്ഷമായ മേഖലകളുടെ വിശദ വിവരങ്ങള്‍ സമര്‍പ്പിച്ചാല്‍ ക്ലസ്റ്റര്‍ അടിസ്ഥാനത്തില്‍ കാട്ടുപന്നികളെ കൊന്നൊടുക്കാന്‍ സര്‍ക്കാരിന് അനുമതി ലഭിക്കും. കേന്ദ്രാനുമതി ലഭിച്ചാല്‍ സംസ്ഥാനത്തെ കാട്ടുപന്നി ശല്യം പൂര്‍ണമായി ഇല്ലാതാക്കാന്‍ കഴിയുമെന്നാണ് വനം മന്ത്രിയുടെ ഓഫീസിന്റെ വിശദീകരണം.