സംസ്ഥാനത്ത് സ്വർണവിലയിൽ ഇന്ന് മാറ്റമില്ല. ഒരു പവന് ഇന്നലത്തെ നിരക്കായ 1,13,760 രൂപയാണ് ഇന്നും രേഖപ്പെടുത്തിയിരിക്കുന്നത്. ഒരു ​ഗ്രാമിന് 14,220 രൂപയാണ്. ഈ മാസത്തെ ഏറ്റവും ഉയർന്ന നിരക്കിലാണ് സ്വർണം എത്തിനിൽക്കുന്നത്.

സംസ്ഥാനത്ത് കഴിഞ്ഞ ദിവസം പവന്1640 രൂപ വർദ്ധിച്ചിരുന്നു. 14-ാം തീയതി രണ്ട് തവണ വില കൂടുകയും കുറയുകയും ചെയ്തു. 14-ന് രാവിലെ വില കുറഞ്ഞ് 1,12,120 രൂപയിൽ എത്തിയിരുന്നു.

എന്നാൽ വൈകുന്നേരത്തോടു കൂടി വില വർദ്ധിച്ച് 1,13,240 രൂപയിലേക്ക് തിരിച്ചുകയറുകയായിരുന്നു. രാജ്യാന്തര വിപണിയിലെ ചലനങ്ങൾക്ക് അനുസരിച്ചാണ് രാജ്യത്ത് സ്വർണവില നിശ്ചയിക്കപ്പെടുന്നത്.