കോവിഡ് പശ്ചാത്തലത്തില്‍ മണ്ഡല മകര വിളക്ക് കാലത്ത് ശബരിമലയില്‍ ദിവസേനെ ആയിരം തീര്‍ത്ഥടകര്‍ മാത്രം മതിയെന്ന് മുഖ്യമന്ത്രി പിണറായി വിജയന്‍. തീര്‍ത്ഥടകര്‍ക്ക് കോവിഡ് നെഗറ്റീവ് സര്‍ട്ടിഫിക്കറ്റ് നിര്‍ബദ്ധമാക്കിയിട്ടുണ്ട്. അത് പോലെ തന്നെ ശബരിമലയില്‍ ജോലി ചെയ്യുന്നവര്‍ക്കും നെഗറ്റീവ് സര്‍ട്ടിഫിക്കറ്റ് നിര്‍ബന്ധമാക്കുമെന്നും മുഖ്യമന്ത്രി പറഞ്ഞു.

മറ്റു സംസ്ഥാനങ്ങളില്‍ നിന്നും ഇവിടെ എത്തുന്ന തീര്‍ത്ഥടകര്‍ക്ക് കോവിഡ് പോസിറ്റീവായാല്‍ അവര്‍ക്ക് വേണ്ട ചികിത്സ സൗകര്യം ഇവിടെ ഒരുക്കുമെന്നും, മാത്രമല്ല വേണ്ടി വന്നാല്‍ അവധി ദിനങ്ങളിലും മകരവിളക്ക് ദിനത്തിലും തീര്‍ത്ഥാടകരുടെ എണ്ണം വര്‍ധിപ്പിക്കേണ്ടതായി വരുമെന്നും കോവിഡ് അവലോകന യോഗത്തിന് ശേഷം മുഖ്യമന്ത്രി മാധ്യമങ്ങളോട് പറഞ്ഞു.