പോപ്പുലര്‍ ഫിനാന്‍സ് തട്ടിപ്പ് കേസ് അന്വേഷണം സിബിഐക്ക് ചുമതല നല്‍കി ഹൈക്കോടതി ഉത്തരവ്. സിബിഐ അടിയന്തരമായി കേസന്വേഷണം ഏറ്റെടുക്കണമെന്നും പ്രത്യേക സംഘം രൂപീകരിച്ച് അന്വേഷണം നടത്തണമെന്നും ഹൈക്കോടതി നിര്‍ദേശിച്ചു.

ബഡ്‌സ് ആക്ട് പ്രകാരം രജിസ്റ്റര്‍ ചെയ്തിരിക്കുന്ന 1368 കേസുകളാണ് സിബിഐക്ക് കൈമാറിയത്. ഇരകള്‍ക്ക് പണം തിരിച്ചു കിട്ടുന്നതിന് കേന്ദ്ര നിയമ പ്രകാരം കോടതി രൂപീകരിക്കാനും കന്പനിയുടെ ആസ്തികള്‍ കണ്ടു കെട്ടാനും കോടതി ഉത്തരവില്‍ നിര്‍ദേശിച്ചു. തട്ടിപ്പില്‍ സിബിഐ അന്വേഷണം ആവശ്യപ്പെട്ട് ഒരു കൂട്ടം നിക്ഷേപകര്‍ സമര്‍പ്പിച്ച ഹര്‍ജികള്‍ പരിഗണിച്ചാണ് ജസ്റ്റീസ് പി.സോമരാജന്റെ ഉത്തരവ്.
നേരത്തെ സംസ്ഥാന സര്‍ക്കാര്‍ കേസ് സിബിഐക്ക് കൈമാറിക്കൊണ്ട് ഉത്തരവിറക്കിയിരുന്നെങ്കിലും കേസ് ഏറ്റെടുക്കാന്‍ കഴിയില്ലെന്ന നിലപാടിലായിരുന്നു സിബിഐ. ഇതു തള്ളിക്കൊണ്ടാണ് ഹൈക്കോടതിയുടെ ഉത്തരവ്.