ഒരു കിലോ അമ്പത് ഗ്രാം കഞ്ചാവുമായി മധ്യവയസ്‌കന്‍ പോലിസ് പിടിയില്‍. പെരുമ്പാവൂര്‍ പോഞ്ഞാശ്ശേരി കാട്ടോളിപ്പറമ്പില്‍ ഫിറോസ് (50) ആണ് പിടിയിലായത്. കുഞ്ചാട്ടുകര ശാന്തിഗിരി ആശ്രമത്തിനു സമീപമുള്ള വാടക വീട്ടില്‍ നിന്നാണ് പോലീസ് കഞ്ചാവ് കണ്ടെടുത്തത്.

ജില്ലാ പോലീസ് മേധാവി കെ. കാര്‍ത്തിക്കിന് ലഭിച്ച രഹസ്യവിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് കഞ്ചാവ് പിടികൂടിയത്. മീന്‍ കച്ചവടത്തിന്റെ മറവിലാണ് ഇയാള്‍ കഞ്ചാവ് വില്‍പ്പന നടത്തിയിരുന്നത്. യുവാക്കളെയും വിദ്യാര്‍ത്ഥികളെയും ലക്ഷ്യമിട്ടായിരുന്നു കച്ചവടം. നേരത്തെയും ഇയാളെ കഞ്ചാവുമായി പിടികൂടിയിട്ടുണ്ട്.

കഴിഞ്ഞ ദിവസം എറണാകുളം റൂറല്‍ ജില്ലയില്‍ രണ്ടിടങ്ങളില്‍ നിന്ന് 140 കിലോഗ്രാം കഞ്ചാവ് പിടികൂടിയിരുന്നു. ഇതുമായി ബന്ധപ്പെട്ട് അന്വേഷണം നടന്നുവരികയാണ്.

ഇതിന്റെ ഭാഗമായി വിവിധയിടങ്ങളില്‍ പരിശോധന നടക്കുന്നതിനിടയിലാണ് ഫിറോസ് കഞ്ചാവുമായി പിടിയിലാകുന്നത്. കഴിഞ്ഞയാഴ്ച പെരുമ്ബാവൂരില്‍ നിന്ന് 45 എല്‍.എസ്.ഡി സ്റ്റാമ്ബുകളുമായി മൂന്നു പേരെ പോലീസ് പിടികൂടിയിരുന്നു.