നല്ലൊരു കൂട്ടായ്മ തിരഞ്ഞെടുപ്പില് ഗുണം ചെയ്യും; ഉമ്മന്ചാണ്ടിയുടെ വരവ് വിവാദമായി കാണേണ്ടതില്ലെന്ന് മുസ്ലിം ലീഗ് നേതാവ് പി.കെ. കുഞ്ഞാലിക്കുട്ടി
കോണ്ഗ്രസ് തിരഞ്ഞെടുപ്പ് മേല്നോട്ട സമിതിയുടെ നേതൃസ്ഥാനത്തേക്ക് ഉമ്മന്ചാണ്ടിയുടെ വരവ് വിവാദമായി കാണേണ്ടതില്ലെന്ന് മുസ്ലിം ലീഗ് നേതാവ് പി.കെ. കുഞ്ഞാലിക്കുട്ടി എം.പി വാര്ത്താസമ്മേളനത്തില് പറഞ്ഞു. നല്ലൊരു കൂട്ടായ്മ തിരഞ്ഞെടുപ്പില് ഗുണം ചെയ്യും. ഇതൊരു നേതൃമാറ്റമല്ല. നല്ല പ്രതിപക്ഷ നേതാവിന് കീഴില് കഴിവുള്ള ഒരുപാട് നേതാക്കള് കൂട്ടായ്മയോടെ നില്ക്കുന്ന സംവിധമാണിത്. യു.ഡി.എഫ് ഒറ്റക്കെട്ടായി തിരഞ്ഞെടുപ്പിനെ നേരിടും.
ന്യായ് പോലെ ജനോപകാര പ്രദമായ പ്രവര്ത്തനങ്ങള് ഉള്പെടുത്തിയിട്ടുള്ളതാകും യു.ഡി.എഫിന്റെ പ്രകടന പത്രിക. രാഹുല് ഗാന്ധി എത്തുമ്ബോള് അദ്ദേഹവുമായി ഘടകകക്ഷികള് ചര്ച്ച നടത്തും.
പഞ്ചായത്ത് തിരഞ്ഞെടുപ്പില് ബി.ജെ.പിക്കും സ്വാതന്ത്രര്ക്കും വോട്ടിട്ടവര് ഇനി യു.ഡി.എഫിനേ ചെയ്യൂ. യു.ഡി.എഫ് അധികാരത്തില്വരും എന്ന കാര്യത്തില് സംശയമില്ല. പ്രതിപക്ഷത്തെ ചെറുതാക്കി കണ്ട കാലത്തെല്ലാം അവര് അധികാരത്തില് വന്ന ചരിത്രമാണുള്ളത്. ഭരണത്തുടര്ച്ച ഉണ്ടാകില്ലെന്ന് വ്യക്തമാണെന്നും അദ്ദേഹം പറഞ്ഞു.
https://www.facebook.com/Malayalivartha
