തലസ്ഥാന ജില്ലയില് വാക്സിന് ക്ഷാമം രൂക്ഷമാകുന്നു.... സ്വകാര്യ ആശുപത്രികളിലേയ്ക്കുളള വാക്സിന് വിതരണത്തിന് നിയന്ത്രണം ഏര്പ്പെടുത്തി
തലസ്ഥാന ജില്ലയില് വാക്സിന് ക്ഷാമം രൂക്ഷമാകുന്നു. ഇതേ തുടര്ന്ന് സ്വകാര്യ ആശുപത്രികളിലേയ്ക്കുളള വാക്സിന് വിതരണത്തിന് നിയന്ത്രണം ഏര്പ്പെടുത്തി.
മെഗാ വാക്സിന് ക്യാമ്പുകളില് തിരഞ്ഞെടുപ്പ് ഡ്യൂട്ടിക്കാരെന്ന വ്യാജേന അനര്ഹരെ തിരുകി കയറ്റിയതാണ് വാക്സിന് ക്ഷാമത്തിന് കാരണമെന്നാണ് പ്രധാന ആക്ഷേപം. ഇനി മുതല് ജില്ലാ ആശുപത്രിയില് പ്രതിദിനം 300 പേര്ക്കും താലൂക്ക് ആശുപത്രികളില് 200 പേര്ക്കും മാത്രമേ വാക്സിന് നല്കുകയുളളൂ.
കഴിഞ്ഞ ദിവസങ്ങളില് മുതിര്ന്ന പൗരന്മാര് ഉള്പ്പടെ വാക്സിന് കിട്ടാതെ മടങ്ങുന്ന കാഴ്ച തിരുവനന്തപുരത്തെ പല ആശുപത്രികളിലും ഉണ്ടായിരുന്നു.
ഓണ്ലൈന് രജിസ്ട്രേഷന് നടത്തിയെത്തിയ പലര്ക്കും ഒരാഴ്ച കഴിഞ്ഞ് വരാനും നിര്ദേശം നല്കി വിട്ടു. അര്ഹരായവര്ക്ക് നിഷേധിക്കപ്പെട്ടപ്പോള് ജിമ്മി ജോര്ജ് സ്റ്റേഡിയത്തിലുള്പ്പടെ നടത്തിയ മെഗാ വാക്സിന് ക്യാമ്പുകളില് അനധികൃതമായി കയറിപയറ്റി വാക്സിന് സ്വീകരിച്ചത് നിരവധി പേരാണ്. തിരുവനന്തപുരത്തിന് പുറമെ കോഴിക്കോട് ജില്ലയിലും വാക്സിന് ക്ഷാമം രൂക്ഷമാണ്.
അതേസമയം മാര്ച്ച് അഞ്ചിന് രാജ്യത്ത് 15 ലക്ഷം പേര് കോവിഡ് 19 ന് എതിരായ വാക്സിന് സ്വീകരിച്ചതായി ആരോഗ്യ മന്ത്രാലയം. ഇതുവരെ ഒറ്റ ദിവസം നടത്തിയ ഏറ്റവും ഉയര്ന്ന വാക്സിനേഷന് തോതാണിത്. നിലവില് രാജ്യത്ത് 1.94 കോടിയിലധികം പേര്ക്ക് കോവിഡ് വാക്സിന് നല്കിക്കഴിഞ്ഞതായും അധികൃതര് വ്യക്തമാക്കി.
രാജ്യത്ത് കോവിഡ് വാക്സിന് വിതരണം ജനുവരി 16ന് ആണ് ആരംഭിച്ചത്. ആരോഗ്യപ്രവര്ത്തകര്ക്കാണ് അദ്യഘട്ടത്തില് വാക്സിന് വിതരണം നടത്തിയത്. കോവിഡ് പ്രതിരോധത്തിന്റെ മുന്നണി പോരാളികള്ക്ക് ഫെബ്രുവരി രണ്ടുമുതല് വാക്സിന് നല്കാന് ആരംഭിച്ചു. ആദ്യ ഡോസിന് ശേഷം 28 ദിവസം പൂര്ത്തിയായവര്ക്ക് രണ്ടാം ഡോസ് ഫെബ്രുവരി 13 മുതല് നല്കിത്തുടങ്ങി.
വാക്സിന് വിതരണത്തിന്റെ രണ്ടാം ഘട്ടം മാര്ച്ച് ഒന്നിന് ആരംഭിച്ചു. 60 വയസ്സ് പിന്നിട്ടവര്ക്കും 45 വയസ്സിനു മുകളിലുള്ള, മറ്റു രോഗങ്ങളുള്ളവര്ക്കുമാണ് രണ്ടാം ഘട്ടത്തില് വാക്സിന് നല്കുന്നത്.
"
https://www.facebook.com/Malayalivartha
