കോഴിക്കോട് കൊയിലാണ്ടി നന്തിയില്‍ അമ്മയും പിഞ്ചു മകനും ട്രെയിനിടിച്ച് മരിച്ചു. അട്ടവയല്‍ സ്വദേശി ഹര്‍ഷ (28), മകന്‍ നാല് വയസ്സുള്ള കശ്യപ് (നാല്) എന്നിവരാണ് മരിച്ചത്.

ഇന്നലെ വൈകിട്ട് മൂന്ന് മണിയോടെയാണ് അപകടം. മൃതദേഹം ആദ്യം കൊയിലാണ്ടി താലൂക്ക് ആശുപത്രിയിലേക്കും പിന്നീട് മെഡിക്കല്‍ കോളജ് മോര്‍ച്ചറിയിലേക്കും മാറ്റി.

ആനക്കുളം അട്ടവയലില്‍ മനുലാലിന്റെ ഭാര്യയാണ് ഹര്‍ഷ. കൊല്ലചിറക്ക് സമീപം തളിക്ഷേത്രത്തിന് പിറകില്‍ വാടകവീട്ടിലായിരുന്നു താമസിച്ചിരുന്നത്.

കാശിനാഥ് എന്നു പേരുള്ള മറ്റൊരു മകന്‍ കൂടിയുണ്ട് ദമ്പതികള്‍ക്ക്. ഹര്‍ഷയുടെ പിതാവ്: ശശി, മാതാവ്: ഷൈനി.