ആലപ്പുഴയ്ക്ക് പിന്നാലെ കണ്ണൂരിലും ബി.ജെ.പി പിടിമുറുക്കുന്നു... അതായത് ചെങ്കൊടി പാറിപറക്കുന്ന പാര്‍ട്ടി ഗ്രാമങ്ങളില്‍ കാവിക്കൊടി പാറിപറക്കുന്നു.. ഇത് കേരളത്തിലെ സിപിഎമ്മിനെ ചെറുതായൊന്നുമല്ല വലയ്ക്കുന്നത്. കഴിഞ്ഞ ദിവസങ്ങളില്‍ ആലപ്പുഴയില്‍ എസ്എഫ്‌ഐ സിപിഎം നേതാക്കള്‍ പാര്‍ട്ടി വിട്ട് എന്‍ഡിഎയില്‍ ചേക്കേറുന്നതും സ്ഥാനാര്‍ഥിയാകുന്നതിന്റെയും ആശങ്ക അവസാനിച്ചിട്ടില്ല.

മറ്റ് ജില്ലകളില്‍നിന്നും ആളെ ഇറക്കി പുന്നപ്ര വയലാര്‍ സമര ഭൂമിയില്‍ പ്രചാരണത്തിനിറക്കേണ്ട അവസ്ഥയിലാണ് പാര്‍ട്ടി. ഇപ്പോഴിതാ കണ്ണൂരും കാര്യങ്ങള്‍ മാറി മറിയുകയാണോ? ജില്ലയില്‍ കഴിഞ്ഞ പഞ്ചായത്ത് തിരഞ്ഞെടുപ്പിനെ അപേക്ഷിച്ച് ബി.ജെ.പി.ക്ക് വന്‍ നേട്ടമാണുണ്ടായത്. കഴിഞ്ഞ തദ്ദേശ തിരഞ്ഞെടുപ്പില്‍ ബി.ജെ.പി.ക്ക് 31 സീറ്റ് ലഭിച്ചപ്പോള്‍ ഇക്കുറി അത് 46 ആയി ഉയര്‍ന്നു.

തലശ്ശേരി നഗരസഭയില്‍ കോണ്‍ഗ്രസിനേക്കാള്‍ സീറ്റ് ലഭിച്ച് മുഖ്യപ്രതിപക്ഷവുമായി. കണ്ണൂര്‍ കോര്‍പ്പറേഷനില്‍ ആദ്യവിജയം തന്നെ പള്ളിക്കുന്നില്‍ ബി.ജെ.പി.യുടേതായിരുന്നു. എല്‍.ഡി.എഫിനെ മൂന്നാംസ്ഥാനത്താക്കിയാണ് ബി.ജെ.പി.യിലെ വി.കെ.ഷൈജു വിജയിച്ചത്. നഗരസഭകളിലും ഗ്രാമപ്പഞ്ചായത്തുകളിലുമായി വന്‍തോതില്‍ വോട്ട് വര്‍ധിച്ചിട്ടുണ്ട്. കണ്ണൂര്‍ കോര്‍പ്പറേഷന്‍ ടെമ്പിള്‍ വാര്‍ഡില്‍ കോണ്‍ഗ്രസ് വിജയിച്ചപ്പോള്‍ രണ്ടാമത് വന്നത് 646 വോട്ടോടെ ബി.ജെ.പി.യാണ്. കോണ്‍ഗ്രസിന് 895 വോട്ട് ലഭിച്ചു.

മൂന്നാംസ്ഥാനത്തായ സി.പി.എമ്മിന് 145 വോട്ടാണ് ലഭിച്ചത്. മുഖ്യമന്ത്രിയുടെ മണ്ഡലമുള്‍പ്പെടുന്ന ധര്‍മടം പഞ്ചായത്തില്‍ മൂന്നു വാര്‍ഡുകളില്‍ വിജയിച്ചപ്പോള്‍ ചിറക്കല്‍ പഞ്ചായത്തിലും ബി.ജെ.പി. സാന്നിധ്യമുറപ്പിച്ചു. അപ്പോള്‍ പിന്നെ ബി.ജെ.പിക്ക് അനുകൂലമായ എന്ത് നീക്കത്തെയും ചെറുത്ത് തോല്‍പിക്കണമല്ലോ. ഏതായാലും പരാക്രമം സ്ത്രീകളോടല്ല വേണ്ടൂ എന്ന് നാഴികയ്ക്ക് നാല്‍പത് വട്ടം പറയുന്നവര്‍ തന്നെ സ്ത്രീകള്‍ക്കെതിരെ വരികയാണോ എന്ന് സംശയിക്കും ചിലത് കണ്ടാല്‍.

നിഷ ടീച്ചര്‍ക്കെതിരെ അക്രമം ഒടുവിലത്തേത്. വിഷയത്തില്‍ ഹിന്ദു ഐക്യവേദി പ്രതിഷേധിച്ചു, ആശയം പരാജയെപ്പെടുമ്പോള്‍ ആയുധമെടുക്കുന്ന മാര്‍കിസ്റ്റ് നയം ഉപേക്ഷിക്കണമെന്നാണ് കണ്ണൂരിലെ മുദ്രവാക്യം. ആശയം പരാജയെപ്പെടുമ്പോള്‍ ആയുധമെടുക്കുന്ന മാര്‍കിസ്റ്റ് നയം ഇനിയും ഉപേക്ഷിച്ചില്ലെങ്കില്‍ ശക്തമായ ജനകീയ മുന്നേറ്റത്തിലൂടെ പ്രതിരോധം തീര്‍ക്കുമെന്ന് ഹിന്ദു ഐക്യവേദി ജില്ലാ കമ്മറ്റി മുന്നറിയിപ്പ് നല്‍കിയിട്ടുണ്ട്.

മഹിളാ ഐക്യവേദി സംസ്ഥാന അധ്യക്ഷ നിഷ ടീച്ചറെ കണ്ണൂര്‍ ജില്ലയിലെ ധര്‍മടത്തു വെച്ച് മാര്‍ക്സിസ്റ് പാര്‍ട്ടിക്കാര്‍ കയ്യേറ്റം ചെയ്യാന്‍ ശ്രമിച്ച നടപടിയിലാണ് ഹിന്ദുഐക്യവേദി ജില്ലാ കമ്മറ്റി പ്രധിഷേധം രേഖപ്പെടുത്തിയത്. ഹിന്ദു ഐക്യവേദി സംസ്ഥാന തലത്തില്‍ സംഘടിപ്പിച്ച ജനജഗരണ യാത്രയില്‍ സംസാരിക്കുകയായിരുന്നു ടീച്ചര്‍.

ശബരിമല വിഷയവും, മീശ നോവലിനെതിരെയും ശക്തമായ ഭാഷയില്‍ പ്രതികരിച്ച ടീച്ചറോട് പ്രസംഗം നിര്‍ത്താന്‍ ആവശ്യപ്പെടുകയായിരുന്നു മാര്‍ക്സിസ്റ് പാര്‍ട്ടിക്കാര്‍. നിര്‍ത്താതെ പ്രസംഗം തുടര്‍ന്ന ടീച്ചറെ അപമാനിക്കുന്ന രീതിയില്‍ സംസാരിയ്ക്കുകയും മൈക്ക് പിടിച്ചുമാറ്റി കയ്യേറ്റം ചെയ്യാനും ശ്രമിച്ചു.നാട്ടുകാര്‍ ഓടി കൂടി ടീച്ചറെ രക്ഷപ്പെടുത്തുകയായിരുന്നു.

ആശയം പരാജയെപ്പെടുമ്പോള്‍ ആയുധമെടുക്കുന്ന മാര്‍കിസ്റ്റ് നയം ഇനിയും ഉപേക്ഷിച്ചില്ലെങ്കില്‍ ശക്തമായ ജനകീയ മുന്നേറ്റത്തിലൂടെ പ്രതിരോധം തീര്‍ക്കുമെന്ന് ഹിന്ദു ഐക്യവേദി ജില്ലാ കമ്മറ്റി അഭിപ്രായപ്പെട്ടു. ഏതായാലും നിയമസഭയില്‍ ധര്‍മടത്ത് ഏതെങ്കിലും രീതിയില്‍ മുഖ്യന്റെ ഭൂരിപക്ഷം കുറഞ്ഞാല്‍ അപ്പോള്‍ അറിയാം എന്താണ് അടുത്ത എന്‍ഡിഎ നീക്കമെന്ന്.