രാജ്യത്തെ ആദ്യ ഓര്‍ബിറ്റല്‍ സ്വകാര്യ ബഹിരാകാശ റോക്കറ്റ് വിക്രം 1 വിക്ഷേപണം വിജയം. വിക്ഷേപണത്തിന്റെ നാല് ഘട്ടങ്ങളും വിജയകരമായി പൂര്‍ത്തീകരിച്ചു. ശ്രീഹരിക്കോട്ടയിലെ ഐഎസ്ആര്‍ഒയുടെ സതീഷ് ധവാന്‍ സ്പേസ് സെന്ററിലെ ഒന്നാം വിക്ഷേപണത്തറയില്‍ നിന്ന് ഉച്ചയ്ക്ക് 12 മണിയോടെയായിരുന്നു വിക്ഷേപണം നടന്നത്

മിഷന്‍ ആഗമന്‍ എന്ന് പേരിട്ട ദൗത്യം ഇന്‍സ്പേസിന്റെ പിന്തുണയോടെയായിരുന്നു വിക്ഷേപണം നടന്നത്. വിക്ഷേപണത്തിന്റെ നാല് ഘട്ടങ്ങളും വിജയകരമായി പൂര്‍ത്തീകരിച്ചതായി സ്‌കൈറൂട്ട് കമ്പനി .

നേരത്തെ വിഷേപണം ചില സാങ്കേതിക കാരണങ്ങളാല്‍ കൗണ്ട് ഡൗണ്‍ നിര്‍ത്തിവെച്ചിട്ടുണ്ടായിരുന്നു. വിക്ഷേപണത്തിന് 4 മിനിറ്റ് 59 സെക്കന്‍ഡ് ബാക്കി നില്‍ക്കെയാണ് കൗണ്ട് ഡൗണ്‍ നിര്‍ത്തിവെച്ചത്.

ഇന്ന് രാവിലെ കൃത്യം 11.30 ന് ശ്രീഹരിക്കോട്ടയിലെ ഐഎസ്ആര്‍ഒയുടെ സതീഷ് ധവാന്‍ സ്പേസ് സെന്ററിലെ ഒന്നാം വിക്ഷേപണത്തറയില്‍ നിന്നാണ് വിക്ഷേപണം നിശ്ചയിച്ചിട്ടുണ്ടായിരുന്നത്. വിക്ഷപണത്തിന് മുമ്പ് 14 സുരക്ഷ മാനദണ്ഡങ്ങള്‍ പാലിക്കേണ്ടതുണ്ട്. എന്നാല്‍ നിര്‍ദിഷ്ട സമയത്തിനുള്ളില്‍ എട്ട് സുരക്ഷാ മാനദണ്ഡങ്ങള്‍ മാത്രമാണ് പൂര്‍ത്തിയാക്കാൻ കഴിഞ്ഞത്. ഇതുവരെ ഇന്ത്യയില്‍ ഐഎസ്ആര്‍ഒ വികസിപ്പിച്ച റോക്കറ്റിലായിരുന്നു രാജ്യത്തിന്റെ ഉപഗ്രഹ വിക്ഷേപണങ്ങള്‍.

എന്നാല്‍ 'മിഷന്‍ ആഗമന്‍' യാഥാര്‍ഥ്യമാകുന്നതോടെ അതിന് മാറ്റം വരുകയും ചെയ്യും. പൂര്‍ണ്ണമായി ഖര ഇന്ധനം ഉപയോഗിക്കുന്ന മൂന്ന് ഘട്ടങ്ങളുള്ള റോക്കറ്റാണ് വിക്രം 1. 24 മീറ്റര്‍ ഉയരമുള്ള റോക്കറ്റിന് 350 കിലോഗ്രാം ഭാരമുള്ള ഉപഗ്രഹങ്ങളെ വഹിച്ച് ബഹിരാകാശത്തേക്ക് കുതിക്കാൻ കഴിയും. ആദ്യ ദൗത്യത്തില്‍ ഭൂമിയില്‍ നിന്ന് 450 കിലോമീറ്റര്‍ അകലെ എത്താനാണ് റോക്കറ്റിന്റെ ലക്ഷ്യം.

 " f