തുടർച്ചയായി രണ്ടാം ദിവസവും സ്വർണവില കുറഞ്ഞു. ഗ്രാമിന് 70 രൂപ കുറഞ്ഞ് 13,065 രൂപയും പവന് 560 രൂപ കുറഞ്ഞ് 1,04,520 രൂപയുമായി. വെള്ളിവിലയും കുറവുണ്ടായി. ഗ്രാമിന് അഞ്ചുരൂപ കുറഞ്ഞ് 230 രൂപയാണ് വില. ഇന്നലെ സ്വർണം ഗ്രാമിന് 25രൂപ കുറഞ്ഞ് 13,135 ഉം പവന് 200 കുറഞ്ഞ് 1,05,080 ഉം രൂപയായിരുന്നു വില.

നാലുദിവസത്തെ ഇടവേളക്ക് ശേഷം ബുധനാഴ്ച സ്വർണവിലയിൽ വർദ്ധനവ് രേഖപ്പെടുത്തിയിട്ടുണ്ടായിരുന്നു. ഗ്രാമിന് 70 രൂപയും പവന് 560 രൂപയുമായിരുന്നു വർദ്ധിച്ചത്.

ഈ മാസമാദ്യം 1,03,240 രൂപയായിരുന്നു പവന്‍വില. പിന്നീട് പല ദിവസങ്ങളായി 1,07,800 രൂപ വരെ ഉയരുകയും ചെയ്തു. ഈ വർഷം ജനുവരി 29നായിരുന്നു സ്വർണത്തിന് എക്കാലത്തെയും ഉയർന്ന വില. ഗ്രാമിന് 16395 രൂപയും പവന് 1,31,160 രൂപയുമായിരുന്നു അന്ന് വില.