മലയാളികള്‍ ഏറെ ആവേശത്തോടെ കണ്ട മനോരമയുടെ അഭിപ്രായ സര്‍വേയില്‍ ബിജെപിക്ക് തലസ്ഥാനത്ത് വന്‍ നേട്ടം. പാവങ്ങളുടെ ഗുജറാത്തായ നേമത്ത് കയറിക്കളിച്ച കോണ്‍ഗ്രസിന് ബിജെപി പണി കൊടുത്തു.

ഒരു നേമം ശ്രദ്ധിച്ചു തിരുവനന്തപുരം ജില്ല കൂടോടെ ഒഴുകി പോകും എന്ന സത്യമാണ് വരാന്‍ പോകുന്നത്. കടിച്ചതുമില്ല പിടിച്ചതുമില്ല എന്നതുപോലെയായി കോണ്‍ഗ്രസ്. വട്ടിയൂര്‍ക്കാവില്‍ നിന്നും ഓടിയൊളിച്ച മുരളീധരന്‍ നേരത്തെ വട്ടിയൂര്‍ക്കാവ് കളഞ്ഞു. ഇപ്പോള്‍ ശക്തനായി നേമത്ത് വന്ന മുരളീധരന്‍ അവിടേയും കാലിടറുമെന്നാണ് മനോരമ പറയുന്നത്. അതേസമയം ബിജെപിയുടെ കുമ്മനം രാജശേഖരന്‍ നേമത്തും നടന്‍ കൃഷ്ണകുമാര്‍ തിരുവനന്തപുരത്തും വിജയിക്കുമെന്നാണ് മനോരമ പറയുന്നത്. സ്ഥാനാര്‍ഥി ചിത്രം തെളിയും മുന്‍പാണ് സര്‍വേ നടത്തിയതെങ്കിലും ബിജെപിയെ സംബന്ധിച്ച് ഇത് വലിയ ആവേശമാണ്.

സംസ്ഥാനം ഉറ്റുനോക്കുന്ന നേമത്ത് അതി ശക്തമായ പോരാട്ടമെന്ന് മനോരമ ന്യൂസ് വിഎംആര്‍ അഭിപ്രായ സര്‍വെ. വളരെ നേരിയ മേല്‍ക്കൈ എന്‍ഡിഎക്കുണ്ട്.

0.10 ശതമാനത്തിന്റെ മേല്‍ക്കൈ മാത്രമാണത്. മാറി മറിഞ്ഞേക്കാം. സര്‍വേ കാലയളവിലെ അഭിപ്രായപ്രകാരം യുഡിഎഫാണ് മൂന്നാം സ്ഥാനത്താണ്. കെ. മുരളീധരന്‍ സ്ഥാനാര്‍ഥിയായി എത്തുന്നതിന് മുന്‍പാണ് ഈ സര്‍വേ നടത്തിയത് എന്നത് ഏറെ പ്രധാനമാണ്. തിരുവനന്തപുരം മണ്ഡലത്തില്‍ അതിശക്തമായ മല്‍സരമെന്നും സര്‍വെ. മണ്ഡലത്തില്‍ നേരിയ മേല്‍ക്കൈ എന്‍ഡിഎക്കാണെന്നും സര്‍വെ പറയുന്നു. സിറ്റിങ് സീറ്റില്‍ യുഡിഎഫ് മൂന്നാം സ്ഥാനത്തേക്ക് പോകുമെന്നും പ്രവചനം.

തിരുവനന്തപുരം മണ്ഡലത്തില്‍ അതിശക്തമായ മല്‍സരമെന്നാണ് സര്‍വെ പറയുന്നത്. മണ്ഡലത്തില്‍ നേരിയ മേല്‍ക്കൈ എന്‍ഡിഎക്കാണെന്നും സര്‍വെ പറയുന്നു. സിറ്റിങ് സീറ്റില്‍ യുഡിഎഫിന്റെ വിഎസ് ശിവകുമാര്‍ മൂന്നാം സ്ഥാനത്തേക്ക് പോകുമെന്നും പ്രവചനം.

കഴക്കൂട്ടം മണ്ഡലത്തില്‍ എല്‍ഡിഎഫ് മുന്നിലെന്നാണ് സര്‍വേ. സര്‍വേ നടത്തിയ കാലയളവില്‍ യുഡിഎഫിനും എന്‍ഡിഎയ്ക്കും സ്ഥാനാര്‍ഥി ആയില്ലെന്നത് പ്രത്യേകം ഓര്‍ക്കണം. ഈ കാലയളവില്‍ മണ്ഡലത്തില്‍ രണ്ടാം സ്ഥാനത്ത് എന്‍ഡിഎ തന്നെയാണ്. മൂന്നാം സ്ഥാനത്താണ് യുഡിഎഫ്. ശബരിമല തിരഞ്ഞെടുപ്പ് വിഷയമാണോ എന്ന് ചോദ്യത്തിന് കഴക്കൂട്ടം പ്രതികരിച്ചത് കൂടി നോക്കാം. 45 ശതമാനം പേരും തിരഞ്ഞെടുപ്പ് വിഷയമാണ് എന്ന് രേഖപ്പെടുത്തി. 30 ശതമാനം പേര്‍ ശബരിമല തിരഞ്ഞെടുപ്പ് വിഷയമല്ല എന്ന് കരുതുന്നു. 25 ശതമാനം പേര്‍ വ്യക്തമായ അഭിപ്രായം രേഖപ്പെടുത്തിയില്ല.

വട്ടിയൂര്‍കാവില്‍ എല്‍ഡിഎഫ് മുന്നിലെന്നാണ് സര്‍വേ. അവിടെയും സര്‍വേ കാലത്ത് യുഡിഎഫിന് സ്ഥാനാര്‍ഥി ആയിട്ടില്ല. ഇവിടെ സിറ്റിങ് എംഎല്‍എയുടെ പ്രകടനം എങ്ങനെ വിലയിരുത്തുന്നു? എന്ന് ചോദ്യത്തിന് മറുപടി ഇങ്ങനെ: ഏറ്റവും മികച്ചതാണെന്ന് 11.36 ശതമാനം പേരും മികച്ചതാണെന്ന് 49.43 ശതമാനം പേരും വിലയിരുത്തി. ശരാശരി എന്ന് പറഞ്ഞതും 35.22 ശതമാനം പേര്‍ . മോശം എന്ന് പറഞ്ഞത് 3.40 ശതമാനം േപരാണ്. വളരെ മോശമെന്ന് അഭിപ്രായപ്പെട്ടവര്‍ 0.56 ശതമാനം.

വര്‍ക്കലയില്‍ സര്‍വേ പ്രകാരം എല്‍ഡിഎഫ് മുന്നിലെന്ന് മനോരമ ന്യൂസ് വിഎംആര്‍ സര്‍വേ ഫലം. സാമാന്യം നല്ല മാര്‍ജിനിലാണ് മുന്നിലുള്ളത്. യുഡിഎഫിന്റെ സ്ഥാനാര്‍ഥി ആകുന്നതിന് മുന്‍പാണ് സര്‍വേ എന്നത് പ്രധാനമാണ്. ആറ്റിങ്ങലില്‍ എല്‍ഡിഎഫ് സ്ഥാനാര്‍ഥി മുന്നിലെന്നാണ് സര്‍വേ. ചിറയിന്‍കീഴില്‍ എല്‍ഡിഎഫ് സ്ഥാനാര്‍ഥി മുന്നിലെന്ന് സര്‍വേ പറയുന്നു. നെടുമങ്ങാട് എല്‍ഡിഎഫ് സ്ഥാനാര്‍ഥി മുന്നിലെന്ന് സര്‍വേ പറയുന്നു.

വാമനപുരത്ത് എല്‍ഡിഎഫ് സ്ഥാനാര്‍ഥി മുന്നിലെന്ന് സര്‍വേ പറയുന്നു. അഴിമതി തടയുന്നതില്‍ ആരാണ് മെച്ചം? എന്ന ചോദ്യത്തോട് വാമനപുരം പ്രതികരിച്ചത് ഇങ്ങനെ: ഘഉഎനെ 43 ശതമാനം പേര്‍ പിന്തുണച്ചു. 26 ശതമാനം പേര്‍ ഡഉഎ നെ പിന്തുണച്ചു. ചഉഅയെ പിന്തുണച്ചത് 20 ശതമാനം പേരാണ്. 11 ശതമാനം പേരും മറ്റുകക്ഷികളെ പിന്തുണയ്ക്കുന്നു.

അഴിമതി തടയുന്നതില്‍ ആരാണ് മെച്ചം? എന്ന ചോദ്യത്തിന് വര്‍ക്കലയിലെ വോട്ടര്‍മാര്‍ക്ക് എല്‍ഡിഎഫിനെയാണ് കൂടുതല്‍ വിശ്വാസം. 57 ശതമാനം പേര്‍ പിന്തുണച്ചു. യുഡിഎഫിനൊപ്പം 35 ശതമാനം പേര്‍ അണിനിരന്നപ്പോള്‍ 7 ശതമാനത്തിന്റെ പിന്തുണ മാത്രമേ എന്‍ഡിഎയ്ക്കുള്ളു. 1 ശതമാനം മറ്റുകക്ഷികള്‍. ശബരിമല തിരഞ്ഞെടുപ്പ് വിഷയമാണോ? എന്ന ചോദ്യത്തിന് നെടുമങ്ങാട് നല്‍കിയ ഉത്തരം: 37 ശതമാനം പേരും തിരഞ്ഞെടുപ്പ് വിഷയമാണ് എന്ന് രേഖപ്പെടുത്തി. 30 ശതമാനം പേര്‍ ശബരിമല തിരഞ്ഞെടുപ്പ് വിഷയമല്ല എന്ന് കരുതുന്നു. 33 ശതമാനം പേര്‍ വ്യക്തമായ അഭിപ്രായം രേഖപ്പെടുത്തിയില്ല.

എന്തായാലും ശോഭ സുരേന്ദ്രന്‍ കൂടി വന്നതോടെ തലസ്ഥാനം ബിജെപി ഏറെ പ്രതീക്ഷയോടെയാണ് കാണുന്നത്. മനോരമ പറയുന്ന പോലെ നേമം കാരണം തലസ്ഥാനം പോയാല്‍ കോണ്‍ഗ്രസിന്റെ നാശമായിരിക്കും. പല തലകളും ഉരുളും.