അറസ്റ്റും ജയിലും മാത്രമല്ല പിണറായി വിജയന്റെ മകള്‍ വീണാ വിജയനെ കാത്തിരിക്കുന്നത്. കരിമണല്‍ കമ്പനിയില്‍ നിന്നുള്‍പ്പെടെ അനധികൃതമായി വന്നുകൊണ്ടിരുന്ന മാസപ്പടി കോടികള്‍ അപ്പാടെ കണ്ടുകെട്ടാന്‍ ഇഡി തീരുമാനിച്ചിരിക്കുന്നു. കോടിക്കണക്കിന് രൂപ വീണാ വിജയന്‍  പല വഴി ചെലവഴിച്ചതായും ഇതൊക്കെ ഏതു വഴി വന്നതാണെന്നും ഇഡി തെളിവടക്കം കണ്ടെത്തിയിരിക്കുന്നു. സ്വര്‍ണം, വജ്രം ആഭരണങ്ങളും ലക്ഷങ്ങളുടെ വസ്ത്രങ്ങള്‍ ഇവര്‍ വാങ്ങിയിരുന്നതായി കണ്ടെത്തിയിട്ടുണ്ട്.
സി.എം.ആര്‍.എല്‍.-എക്‌സാലോജിക് പണമിടപാടുകേസില്‍ ഉടന്‍തന്നെ  സ്വത്ത് കണ്ടുകെട്ടാന്‍ എന്‍ഫോഴ്സ്മെന്റ് ഡയറക്ടറേറ്റ്  നടപടിക്രമങ്ങള്‍ ആരംഭിച്ചിരിക്കുന്നു.

ഇ തിനൊപ്പം തന്നെ വീണയെ അടുത്തയാഴ്ച ഇഡി വിളിച്ചുവരുത്തി അറസ്റ്റുചെയ്യും. ഇതിനുള്ള നടപടിക്രമങ്ങള്‍ കൊച്ചി ഇ.ഡി. ഓഫീസില്‍ അവസാനഘട്ടത്തിലാണ്. ഇ.ഡി. ഉദ്യോഗസ്ഥസംഘം ഈ മാസമാദ്യം കണ്ണൂരിലെ പിണറായിയിലെ  പാതിരിയാട് വില്ലേജുകളിലെത്തി പരിശോധന നടത്തിയപ്പോള്‍ പിണറായി-പാറപ്രം റോഡില്‍ വീണയുടെ പേരില്‍ 80 സെന്റ് സ്ഥലമുള്ളതായാണ് കണ്ടെത്തിയിരിക്കുന്നത്. കോടികള്‍ വിലയുള്ള ഈ സ്ഥലം വാങ്ങാന്‍ എങ്ങനെ പണമുണ്ടായി എന്നതില്‍ വ്യക്തമായ ഉത്തരമില്ല. പാതിരിയാട് വില്ലേജില്‍ പിണറായി വിജയന്റെ വീടിനോട് ചേര്‍ന്നുള്ള സ്ഥലവും അന്ന് ഇ.ഡി. ഉദ്യോഗസ്ഥസംഘം പരിശോധിച്ചപ്പോല്‍ ഇതും വീണാ തായ്കണ്ടിയുടെ പേരിലുള്ളതാണെന്ന് കണ്ടെത്തിയിരുന്നു.

സി.എം.ആര്‍.എല്‍. കമ്പനിയില്‍ ആദായനികുതി വകുപ്പ് 2019 ജനുവരിയില്‍ നടത്തിയ പരിശോധനയില്‍ ഏകദേശം 130 കോടിരൂപയുടെ വ്യാജ ചെലവുകള്‍ കണ്ടെത്തിയിരുന്നു. ഇതില്‍ വീണയുടെ എക്‌സാലോജിക്ക് കമ്പനിക്ക് ഐ.ടി. കണ്‍സള്‍ട്ടന്‍സി സേവനങ്ങളുടെ പേരില്‍ നല്‍കിയ 2.78 കോടി രൂപയുടെ വ്യാജ പെയ്മന്റുകളും ഉള്‍പ്പെടും.കോഴക്കേസില്‍ മുഖ്യമന്ത്രിയുടെ മകള്‍ വീണയുടെ സ്ഥാപനമായ എക്സാലോജിക്കും ശശിധരന്‍ കര്‍ത്തയും സിഎംആര്‍എല്ലും സഹോദര സ്ഥാപനവും പ്രതികളാണ്. സേവനം ഒന്നും നല്‍കാതെ വീണീ വിജയന്‍ 2.70 കോടി രൂപ കരിമണല്‍ കമ്പനിയില്‍നിന്ന്  കൈപ്പറ്റിയെന്നാണ്  അന്വേഷണത്തില്‍ കണ്ടെത്തിയത്.  

വീണയ്ക്കും കൂട്ടുപ്രതികള്‍ക്കും പ്രതികള്‍ക്കെതിരെ 10 വര്‍ഷം വരെ തടവ് ശിക്ഷ ലഭിക്കാവുന്ന വകുപ്പുകളാണ് ചുമത്തിയതെന്ന് പുറത്തുവരുന്ന റിപ്പോര്‍ട്ട്. കേസിന്റെ ഭാഗമായി വീണ കോടതിയില്‍ വിചാരണ നേരിടേണ്ടി വരും. പിണറായി വിജയന്റെ  മകള്‍ വീണ ടി, സിഎംആര്‍എല്‍ എം.ഡി ശശിധരന്‍ കര്‍ത്ത, സിഎംആര്‍എല്‍ സിജിഎം ഫിനാന്‍സ് പി.സുരേഷ് കുമാര്‍ അടക്കമുള്ളവര്‍ക്കെതിരെയാണ് പ്രോസിക്യൂഷന് അനുമത നല്‍കിയിരിക്കുന്നത്. വീണ സിഎംആര്‍എല്ലില്‍ നിന്നും എംപവര്‍ ഇന്ത്യ എന്ന കമ്പനിയില്‍ നിന്നുമാണ് ഈ പണം കൈപ്പറ്റിയത്. ശശിധരന്‍ കര്‍ത്തയും ഭാര്യയുമാണ് എംപവര്‍ ഇന്ത്യാ കമ്പനിയുടെ ഡയറക്ടര്‍മാര്‍.

സേവനമില്ലാതെ പണം കൈപ്പറ്റിയെന്ന കണ്ടെത്തലിലാണ് വീണ തൈക്കണ്ടിക്കും ശശിധരന്‍ കര്‍ത്തയ്ക്കും എക്സലോജിക്കിനും സിഎംആര്‍എല്ലിനും എതിരെ കേസെടുത്തിരിക്കുന്നത്.വീണാ വിജയനെ  രണ്ട് വട്ടംം ചോദ്യം ചെയ്തതിനു പിന്നാലെയാണ് അറസ്റ്റിനു നീക്കം. എക്‌സാലോജിക് കമ്പനി സിഎംആര്‍എല്ലിന് എന്ത് സേവനം നല്‍കിയെന്നതില്‍ വീണയുടെയും, സിഎംആര്‍എല്‍ ഉടമകളും ഉദ്യോഗസ്ഥരും നല്‍കിയ മൊഴിയില്‍ വൈരുധ്യങ്ങളുണ്ടെന്നാണ് ഇഡിയുടെ കണ്ടെത്തല്‍ .പിണറായി വിജയന്റെ മകള്‍ വീണയുടെ ഉടമസ്ഥതയിലുള്ള ഐടി കമ്പനിയായ എക്‌സാലോജിക് സൊല്യൂഷന്‍സും കരിമണല്‍ ഖനന കമ്പനിയായ സിഎംആര്‍എല്‍ കമ്പനിയും ഉള്‍പ്പെട്ടതാണ് മാസപ്പടി കേസ്.

ചെയ്യാത്ത സേവനത്തിന് സിഎംആര്‍എല്‍ വലിയ തുക വീണയുടെ കമ്പനിക്ക് പ്രതിഫലം നല്‍കിയെന്നാണ് അന്വേഷണ ഏജന്‍സികളുടെ ആരോപണം. ആദായ നികുതി സെറ്റില്‍മെന്റ് ബോര്‍ഡിന്റെ കണ്ടെത്തലിനെ തുടര്‍ന്നാണ് കേസില്‍ ഇഡി അന്വേഷണം ആരംഭിച്ചത്.കരിമണല്‍ ഖനനം നടത്തുന്ന സിഎംആര്‍എല്‍ കമ്പനിയുടെ തടസമില്ലാത്ത പ്രവര്‍ത്തനത്തിന് പണം നല്‍കിയെന്നാണ് ആരോപണം. പല രാഷ്ട്രീയ നേതാക്കള്‍ക്കുള്‍പ്പെടെ പണം നല്‍കിയെങ്കിലും കൂടുതല്‍ നല്‍കിയത് മുഖ്യമന്ത്രിയുടെ മകളുടെ കമ്പനിയായ എക്സാലോജികിനാണെന്നാണ് പരാതി.2019 ജനുവരിയില്‍ ആദായ നികുതി വകുപ്പ് സിഎംആര്‍എല്ലില്‍ നടത്തിയ റെയ്ഡില്‍ 132.82 കോടി രൂപയുടെ ക്രമക്കേടാണ് കണ്ടെത്തിയത്.

ഇതില്‍ 1.72 കോടി രൂപയാണ് വീണ വിജയന്റെയും എക്സാലോജിക് കമ്പനി അക്കൗണ്ടിലേക്കും എത്തിയെന്നാണ് കണ്ടെത്തല്‍. കൂടാതെ വീണയുടെ കമ്പനിക്ക് ലഭിച്ച പണത്തിന്റെ രേഖകളും റെയ്ഡില്‍ പിടിച്ചെടുത്തിരുന്നു. എക്സാലോജിക്കിന് നല്‍കിയ 1.72 കോടി യാതൊരു സേവനവും നല്‍കാതെ വാങ്ങിയ നിയമവിരുദ്ധ പണമാണെന്നുമാണ് എസ്എഫ്‌ഐഒയുടെ കണ്ടെത്തല്‍. 2024ല്‍ എക്സാലോജിക് കമ്പനി, കമ്പനീസ് നിയമത്തിലെ സെക്ഷന്‍ 188, സെക്ഷന്‍ 448 എന്നിവ ലംഘിച്ചതായി കണ്ടെത്തുകയും തുടര്‍ന്ന് ഇഡി അന്വോഷണം നടത്താന്‍ തീരുമാനിക്കുകയുമായിരുന്നു.