യു.ഡി.എഫ് അധികാരത്തില്‍ എത്തിയാല്‍ ടി.പി ചന്ദ്രശേരന്‍ വധക്കേസില്‍ തുടരന്വേഷണത്തിനുള്ള സാധ്യത ഗൗരവമായി പരിശോധിക്കുമെന്ന് പ്രതിപക്ഷ നേതാവ് രമേശ് ചെന്നിത്തല. കെ.കെ രമക്കും ആര്‍.എം.പിക്കും ഇക്കാര്യത്തില്‍ ഉറപ്പുനല്‍കാന്‍ തയ്യാറെന്നും രമേശ് ചെന്നിത്തല പറഞ്ഞു.ടി.പി വധക്കേസില്‍ തുടരന്വേഷണത്തിന് പുതിയ സര്‍ക്കാരില്‍ സമ്മര്‍ദ്ദം ചെലുത്തുമെന്ന് കെ.കെ രമ കഴിഞ്ഞ ദിവസം പറഞ്ഞിരുന്നു. കൊന്നവരെ മാത്രമല്ല കൊല്ലിച്ചവരെയും നിയമത്തിന് മുന്നില്‍ കൊണ്ടുവരാന്‍ കേസിന്റെ ഗൂഢാലോചനയിലേക്കും അന്വേഷണം വേണമെന്ന് കെ.കെ രമ പറഞ്ഞിരുന്നു.

യു.ഡി.എഫ് അധികാരത്തില്‍ എത്തിയാല്‍ അനുകൂല തീരുമാനം ഉണ്ടാകുമെന്നും എട്ടു വര്‍ഷത്തിനിപ്പുറവും കേസില്‍ തുടരന്വേഷണ സാധ്യത ഏറെയാണെന്നും രമേശ് ചെന്നിത്തല പറഞ്ഞു.‘തെളിവു ശേഖരിക്കുന്നതിലുള്ള തിരിച്ചടികള്‍ ആഭ്യന്തരമന്ത്രിയായിരിക്കേ മനസ്സിലാക്കിയിട്ടുണ്ട്. അവ വീണ്ടെടുക്കാന്‍ വീണ്ടും ശ്രമം നടത്തേണ്ടതുണ്ട്. ടി.പി ചന്ദ്രശേഖരനെ കൊലപ്പെടുത്താന്‍ നേരത്തേ നടന്ന ശ്രമങ്ങളിലെ ഗൂഢാലോചന അടക്കം കാര്യങ്ങളില്‍ അന്വേഷണത്തിന് കഴിഞ്ഞ യു.ഡി.എഫ് സര്‍ക്കാരിന്റെ അവസാനകാലത്ത് ശ്രമങ്ങള്‍ നടന്നെങ്കിലും മുന്നോട്ട് നീങ്ങിയിരുന്നില്ല,’ രമേശ് ചെന്നിത്തല പറഞ്ഞു.അതെ സമയം പ്രളയകാലത്ത് കേരളത്തിനുള്ള സഹായം മുടക്കാന്‍ ബി.ജെ.പിക്കൊപ്പം നിന്ന കോണ്‍ഗ്രസ് ഇപ്പോള്‍ കേരളത്തിലെ ജനങ്ങളുടെ അന്നം മുടക്കാന്‍ നേരിട്ട് ഇറങ്ങിയിരിക്കുകയാണെന്ന് മുഖ്യമന്ത്രി പിണറായി വിജയന്‍.
പ്രതിപക്ഷ നേതാവ് ഇന്നലെ ഉന്നയിച്ച ആക്ഷേപം വിഷുക്കിറ്റും മെയ് മാസത്തിലെ പെന്‍ഷന്‍ തുകയും ഏപ്രില്‍ ആദ്യം നല്‍കാനുള്ള തീരുമാനം പരാജയ ഭീതികൊണ്ടാണെന്നാണ്. സ്‌കൂള്‍ കുട്ടികള്‍ക്കുള്ള അരി വിതരണം തടയണമെന്നും അദ്ദേഹം ആവശ്യപ്പെട്ടു.അപ്പോള്‍ മൊത്തത്തില്‍ ജനങ്ങളുടെ അന്നം മുടക്കാന്‍ തെരഞ്ഞെടുപ്പ് കമ്മീഷന്‍ ഇടപെടണമെന്നാണ് അദ്ദേഹം ആവശ്യപ്പെടുന്നത്. അതിനായി പരാതി കൊടുക്കുമെന്നും പറയുന്നു. ഇത് എന്ത് തരം മാനസികാവസ്ഥയാണെന്നും പിണറായി ചോദിച്ചു.‘ഇന്നലെ രണ്ട് കാര്യങ്ങളാണ് മറനീക്കി പുറത്തുവന്നത്. ഒന്ന് വര്‍ഗീയ ശക്തികളുടെ വോട്ട് വേണ്ട എന്ന് പറയാന്‍ യു.ഡി.എഫ് തയ്യാറായിട്ടില്ല എന്നതാണ്. പ്രതിപക്ഷ നേതാവ് ആ കാര്യം വ്യക്തമായി പ്രഖ്യാപിച്ചുകഴിഞ്ഞു. അതിനര്‍ത്ഥം ആര്‍.എസ്.എസിന്റെ സഹായം യു.ഡി.എഫ് പ്രതീക്ഷിക്കുന്നു എന്ന് തന്നെയാണ്.ഇതോടൊപ്പമുണ്ടായ മറ്റൊരു പ്രത്യേകത കേരളത്തിലെ ജനങ്ങളുടെ അന്നം മുടക്കാന്‍ ഒരു വഴിയുമില്ലാത്ത മാനസികാവസ്ഥ പ്രതിപക്ഷ ഇപ്പോഴും തുടരുന്നു എന്നതാണ്. പ്രളയകാലത്ത് കേരളത്തിനുള്ള സഹായം മുടക്കാന്‍ ബി.ജെ.പിയോടൊപ്പമായിരുന്നു കോണ്‍ഗ്രസ് എന്ന് നമുക്കറിയാം. ഇപ്പോള്‍ ഭക്ഷ്യകിറ്റ്, പെന്‍ഷന്‍ ഇതൊക്കെയാണ് മുടക്കാന്‍ ശ്രമിക്കുന്നത്.പ്രതിപക്ഷ നേതാവ് ഇന്നലെ ഉന്നയിച്ച ആക്ഷേപം വിഷുക്കിറ്റ് മെയ് മാസത്തിലെ പെന്‍ഷന്‍ തുകയും ഏപ്രില്‍ ആദ്യം നല്‍കാനുള്ള തീരുമാനം പരാജയഭീതികൊണ്ടാണെന്നാണ്. സ്‌കൂള്‍ കുട്ടികള്‍ക്കുള്ള അരി വിതരണം തടയണമെന്നും അദ്ദേഹം ആവശ്യപ്പെട്ടു. അപ്പോള്‍ മൊത്തത്തില്‍ ജനങ്ങളുടെ അന്നം മുടക്കാന്‍ തെരഞ്ഞെടുപ്പ് കമ്മീഷന്‍ ഇടപെടണമെന്നാണ് അദ്ദേഹം ആവശ്യപ്പെടുന്നത്. അതിനായി പരാതി കൊടുക്കുമെന്നും പറയുന്നു,’ പിണറായി പറഞ്ഞു.