മഹിളാ കോൺഗ്രസ് മുൻ അധ്യക്ഷയും മുതിർന്ന കോൺഗ്രസ് നേതാവുമായ ലതിക സുഭാഷിനെ കോൺഗ്രസ്സിൽ നിന്നും പുറത്താക്കി . കോ​ണ്‍​ഗ്ര​സി​ന്‍റെ പ്രാ​ഥ​മി​ക അം​ഗ​ത്വ​ത്തി​ല്‍ നി​ന്ന് ഉ​ള്‍​പ്പെ​ടെ​യാ​ണ് പു​റ​ത്താ​ക്കി​യ​ത്. കെ​പി​സി​സി പ്ര​സി​ഡ​ന്‍റ് മു​ല്ല​പ്പ​ള്ളി രാ​മ​ച​ന്ദ്ര​നാ​ണ് പു​റ​ത്താ​ക്ക​ല്‍ തീ​രു​മാ​നം വ്യക്തമാക്കിയിരിക്കുന്നത്.

സ്ഥാ​നാ​ര്‍​ഥി പ​ട്ടി​ക​യി​ല്‍ ഇ​ടം​പി​ടി​ക്കാ​ത്ത​തി​ന് പി​ന്നാ​ലെ മ​ഹി​ളാ കോ​ണ്‍​ഗ്ര​സ് അ​ധ്യ​ക്ഷ കൂ​ടി​യാ​യി​രു​ന്ന ല​തി​ക സു​ഭാ​ഷ് ത​ല മു​ണ്ഡ​നം​ചെ​യ്ത് പ്ര​തി​ഷേ​ധി​ക്കു​ക​യും ഏ​റ്റു​മാ​നൂ​രി​ല്‍ സ്വ​ത​ന്ത്ര​യാ​യി മ​ത്സ​രി​ക്കുമെന്നും പ്രഖ്യാപിച്ചതാണ്.

മ​ഹി​ളാ​കോ​ണ്‍​ഗ്ര​സ് അ​ധ്യ​ക്ഷ സ്ഥാ​നം രാ​ജി​വെ​ച്ച​തി​ന് പി​ന്നാ​ലെ ല​തി​കയെ അ​നു​ന​യി​പ്പി​ക്കാ​ന്‍ കോ​ണ്‍​ഗ്ര​സ് ശ്ര​മി​ച്ചെ​ങ്കി​ലും ഇവർ എതിർപ്പ് പ്രകടിപ്പിക്കുകയായിരുന്നു. പി​ന്നാ​ലെ അ​വ​ര്‍​ക്കെ​തി​രേ ന​ട​പ​ടി വേ​ണ​മെ​ന്ന ആ​വ​ശ്യം ഒ​രു വി​ഭാ​ഗം നേ​താ​ക്ക​ളും പ്ര​വ​ര്‍​ത്ത​ക​രും ശക്തമാക്കി.

തിരുവനന്തപുരത്തെ കെ.പി.സി.സി ആസ്​ഥാനത്ത് സ്ഥാനാർഥികളെ​ പ്രഖ്യാപിച്ചു കഴിഞ്ഞുള്ള​ വാർത്ത സമ്മേളനത്തിനുശേഷമായിരുന്നു ലതിക പരസ്യ പ്രതിക്ഷേധം നടത്തിയത്. സ്​ഥാനാർഥി പട്ടികയിൽ സ്​ത്രീകൾ തഴയപ്പെ​ട്ടെന്ന്​ വാർത്താ സമ്മേളനത്തിൽ ലതിക വ്യക്തമാക്കിയിരുന്നു.

വർഷങ്ങളുടെ പ്രവർത്തന പാരമ്പര്യമുള്ള സ്​ത്രീകളാണ്​ കടുത്ത അവഗണന അനുഭവിക്കുന്നതെന്നും കൂട്ടി ചേർത്തിരുന്നു​. 14 ജില്ലകളിൽ 14 വനിത സ്​ഥാനാർഥികളെങ്കിലും ഉണ്ടാകുമെന്ന്​ പ്രതീക്ഷിച്ചിരുന്നു. എന്നാൽ അതും ഉണ്ടായില്ല. തനിക്ക്​ സീറ്റ്​ നിഷേധിച്ചത്​ കടുത്ത അനീതിയാണെന്നും ലതിക കൂട്ടിച്ചേർത്തതാണ്​.