ആയിരം ലിറ്ററില്‍ അധികം മദ്യം ജീവനക്കർ അനധികൃതമായി കടത്തിയതായി റിപ്പോർട്ട്. മുണ്ടക്കയം ബവ്‌റിജസ് വില്‍പനശാലയിലാണ് സംഭവം നടന്നത്.

സംഭവത്തിൽ എക്‌സൈസ് കേസ് രജിസ്റ്റർ ചെയ്തു. വെട്ടിപ്പ് സംബന്ധിച്ച വിവരം ലഭിച്ചതിന് പിന്നാലെ ബവ്‌റിജസ് കോര്‍പ്പറേഷന്‍ ഓഡിറ്റ് വിഭാഗവും എക്‌സൈസും ചേര്‍ന്ന് സ്റ്റോക്ക് പരിശോധിച്ചതോടെയാണ് ക്രമക്കേട് കണ്ടെത്തിയിരിക്കുന്നത്.

സ്റ്റോക്കില്‍ പത്ത് ലക്ഷത്തിലധികം രൂപയുടെ മദ്യം കുറവുണ്ടെന്നും പരിശോധനയില്‍ കണ്ടെത്തി. തിരിമറി വ്യക്തമായതോടെ മുണ്ടക്കയം ഔട്ട്‌ലറ്റ് സീല്‍ ചെയ്ത് ജീവനക്കാരില്‍നിന്ന് അന്വേഷണ സംഘം മൊഴിയെടുക്കുയും ചെയ്തു. പ്രാഥമിക മൊഴിയെടുപ്പാണ് പൂര്‍ത്തിയാക്കിയതത്.