ഭര്തൃഗൃഹത്തിലെ തൂങ്ങിമരണം: വിസ്മയയുടെ മരണ കാരണം വ്യക്തമാക്കുന്ന പോസ്റ്റ്മോര്ട്ടം റിപ്പോര്ട്ട് ഇന്ന് ലഭിക്കും; ഭര്ത്താവ് കിരണ് കുമാറിന്റെ അറസ്റ്റ് പൊലീസ് ഇന്ന് രേഖപ്പെടുത്തിയേക്കുമെന്ന് സൂചന
യുവതിയെ ഭര്തൃഗൃഹത്തില് തൂങ്ങി മരിച്ച നിലയില് കണ്ടെത്തിയ സംഭവത്തില് മരണ കാരണം വ്യക്തമാക്കുന്ന പോസ്റ്റ്മോര്ട്ടം റിപ്പോര്ട്ട് ഇന്ന് ലഭിക്കും. സംഭവത്തില് ഭര്ത്താവ് കിരണ്കുമാറിന്റെ അറസ്റ്റ് ഇന്ന് പൊലീസ് രേഖപ്പെടുത്തിയേക്കുമെന്നാണ് സൂചന. ഇന്നലെ രാത്രിയോടെയാണ് കിരണ്കുമാര് ശൂരനാട് പൊലീസിനു മുന്നില് കീഴടങ്ങിയത്. ഇയാള്ക്കെതിരെ ഗാര്ഹിക പീഡന നിയമപ്രകാരമുള്ള കേസ് ചുമത്തുമെന്നാണ് അറിയുന്നത്.
വിസ്മയയുടെ നിലമേലിലെ വീട്ടില് വനിത കമ്മിഷന് അംഗം ഷാഹിദ കമാല് ഇന്ന് സന്ദര്ശനം നടത്തും. സ്ത്രീധന പീഡനത്തെ തുടര്ന്നുള്ള കൊലപാതകമെന്ന് ആരോപിച്ച് ബന്ധുക്കള് പൊലീസില് പരാതി നല്കിയിട്ടുണ്ട്.
സ്ത്രീധന പീഡനം നടന്നതായി തെളിയിക്കുന്ന വാട്സപ്പ് സന്ദേശങ്ങളും പുറത്ത് വന്നിട്ടുണ്ട്. വിസ്മയ തൂങ്ങി മരിച്ചെന്ന വിവരം ബന്ധുക്കള്ക്ക് കിട്ടിയത് ഇന്നലെ പുലര്ച്ചെയോടെയാണ് . 2020 മാര്ച്ചിലായിരുന്നു വിസ്മയയുടെ വിവാഹം. വിസ്മയ ബന്ധുക്കള്ക്ക് ഭര്തൃഗൃഹത്തില് വച്ച് മര്ദ്ദനമേറ്റെന്നു കാട്ടി വാട്സാപ്പ് സന്ദേശം അയച്ചിരുന്നു.
മര്ദനത്തിലുണ്ടായ പരുക്കുകളുടെ ചിത്രങ്ങളടക്കം വിസ്മയ കുടുംബത്തിന് കൈമാറിയിരുന്നു. 100 പവന് സ്വര്ണവും, ഒന്നേ കാല് ഏക്കര് ഭൂമിയും വിസ്മയയ്ക്ക് സ്ത്രീധനമായി നല്കിയിരുന്നു. ഇതിനൊപ്പം നല്കിയ കാറിന്റെ മൂല്യം കുറഞ്ഞു പോയെന്ന് പറഞ്ഞായിരുന്നു പീഡനം.
https://www.facebook.com/Malayalivartha
