എസ്.എസ്.എല്.സി പരീക്ഷാ ഫലം ഈ മാസം 15നകം പ്രഖ്യാപിക്കും..... ടാബുലേഷന് ജോലികള് പുരോഗമിക്കുന്നു, ഈ മാസം അവസാനം പ്ലസ് ടു പരീക്ഷാ ഫലവും പ്രഖ്യാപിച്ചേക്കും
എസ്.എസ്.എല്.സി പരീക്ഷാ ഫലം ഈ മാസം 15നകം പ്രഖ്യാപിക്കും. ടാബുലേഷന് ജോലികള് പുരോഗമിക്കുകയാണ്. അടുത്ത ആഴ്ച ആദ്യത്തോടെ പൂര്ത്തിയാവും.തുടര്ന്ന് പരീക്ഷാ ബോര്ഡ് ചേര്ന്ന് ഫലപ്രഖ്യാപന തീയതി തീരുമാനിക്കും. ഈ മാസം അവസാനം പ്ലസ് ടു പരീക്ഷാ ഫലവും പ്രഖ്യാപിച്ചേക്കും.
ഇത്തവണ പരീക്ഷ എഴുതിയ വിദ്യാര്ഥികള്ക്ക് ഗ്രേസ് മാര്ക്ക് നല്കേണ്ടതില്ലെന്നാണ് സര്ക്കാര് തീരുമാനം. അതേസമയം എന് സി സി, സ്കൗട്ട്സ് എന്നിവക്ക് ഗ്രേസ് മാര്ക്ക് നല്കണമെന്ന് വിദ്യാര്ഥികള് സര്ക്കാരിനോട് ആവശ്യപ്പെട്ടിട്ടുണ്ട്. ഇക്കാര്യത്തില് നയപരമായ തീരുമാനം ഉണ്ടായ ശേഷമായിരിക്കും ഫലപ്രഖ്യാപനം നടത്തുകയെന്നും വിദ്യാഭ്യാസവകുപ്പ് വൃത്തങ്ങള് അറിയിച്ചു.
ജൂലൈ ഏഴിന് ആണ് പത്താം ക്ലാസിന്റെ മൂല്യനിര്ണയം ആരംഭിച്ചത്. മൂല്യനിര്ണയത്തിനായി 70 ക്യാമ്ബുകളിലായി 12,512 അധ്യാപകരെയും ടിഎച്ച്എസ്എല്സി പരീക്ഷയുടെ മൂല്യനിര്ണയത്തിനായി രണ്ട് ക്യാംപുകളിലായി 92 അധ്യാപകരെയുമാണ് നിയോഗിച്ചിട്ടുള്ളത്.
ആദിവാസി വിഭാഗത്തിന് പ്രഥമ പരിഗണന നല്കി എല്ലാ കുട്ടികള്ക്കും ഡിജിറ്റല് വിദ്യാഭ്യാസം ഉറപ്പാക്കുമെന്ന് മുഖ്യമന്ത്രി പിണറായി വിജയന് പറഞ്ഞു. ആദിവാസി വിഭാഗത്തില് ഡിജിറ്റല് പഠനോപകരണങ്ങള് കൈകാര്യം ചെയ്യാനുള്ള പരിശീലനം കുട്ടികള്ക്കും ആവശ്യമെങ്കില് രക്ഷിതാക്കള്ക്കും നല്കും. ആവശ്യമായ ഊരുകളില് പഠന മുറികള് ഒരുക്കും.
മുഴുവന് കുട്ടികള്ക്കും ഡിജിറ്റല് വിദ്യാഭ്യാസം ഉറപ്പാക്കുന്നതുമായി ബന്ധപ്പെട്ട് നടത്തുന്ന ക്യാമ്പയിനോടനുബന്ധിച്ച് വിളിച്ച ജില്ലാ കലക്ടര്മാര്, ജില്ലാ പഞ്ചായത്ത് പ്രസിഡന്റുമാര്, മേയര്മാര് എന്നിവരുടെ യോഗത്തിലാണ് അദ്ദേഹം ഇക്കാര്യം പറഞ്ഞത്.മുഴുവന് വിദ്യാര്ഥികള്ക്കും ഡിജിറ്റല് പഠനോപകരണം വേണമെന്നാണ് സര്ക്കാര് കാണുന്നത്. ചെറിയ പിന്തുണ നല്കിയാല് ഉപകരണം വാങ്ങാന് ശേഷിയുള്ളവര് സഹകരണബാങ്കുകള് ഇതിനകം പ്രഖ്യാപിച്ച പലിശരഹിത വായ്പ പദ്ധതി പ്രയോജനപ്പെടുത്തണം.
സ്കൂള് അധ്യാപക- രക്ഷാകര്തൃ സമിതിയുടെ നേതൃത്വത്തില് എല്ലാ വീടുകളും സന്ദര്ശിച്ച് കൃത്യമായ കണക്ക് എടുക്കണം. ജൂണ് 15 നകം ഇത് പൂര്ത്തിയാക്കണം. ഇതിനായി ഗ്രാമപഞ്ചായത്ത് /വാര്ഡ് കൗണ്സിലര് അധ്യക്ഷനായ സമിതി സ്കൂളില് രൂപീകരിക്കും.
സ്കൂള് എടുത്ത കണക്ക് 19 നകം തദ്ദേശ സ്വയംഭരണ സ്ഥാപന അടിസ്ഥാനത്തില് ക്രോഡീകരിക്കും. ഇതിന് നേതൃത്വം നല്കാന് തദ്ദേശസ്ഥാപന അധ്യക്ഷന്മാര് അടങ്ങിയ സമിതി ഉണ്ടാകും. ജൂലൈ 21 നകം ജില്ലാതലത്തില് ഇവ ക്രോഡീകരിക്കുകയും പിന്നീട് സംസ്ഥാനതല സംവിധാനത്തിന് കൈമാറുകയും ചെയ്യും.
"
https://www.facebook.com/Malayalivartha
