കോഴിക്കോട് കുന്നമം​ഗലത്തെ പടക്ക നിർമ്മാണ കേന്ദ്രത്തിൽ ഉണ്ടായ പൊട്ടിത്തെറിയിൽ രണ്ടുപേർ മരിച്ചു. വീട്ടുടമസ്ഥനും ബന്ധുവുമാണ് മരിച്ചത്. കുന്നമംഗലം കുരുക്കത്തൂരിലാണ് സംഭവം നടന്നത്.

വിഷു ആഘോഷത്തിന്റെ ഭാഗമായി വീട് വാടകക്കെടുത്ത് പടക്ക നിർമ്മാണത്തിൽ ഏർപ്പെടുന്നതിനിടെയാണ് അപകടം ഉണ്ടായതെന്നാണ് സൂചനകൾ.. നാലു പേർക്ക് പരിക്കേറ്റതായും റിപ്പോർട്ടുണ്ട്.

പരിക്കേറ്റ മൂന്നു പേരുടെ നില ​ഗുരുതരമാണെന്നാണ് സൂചനകളുള്ളത്. ഇവർ കോഴിക്കോട് മെഡിക്കൽ കോളജ് ആശുപത്രിയിൽ ചികിത്സയിലാണ്. മരിച്ച രണ്ട് പേരുടേയും പേര് രാഹുൽ എന്നാണെന്നാണ് പ്രാഥമിക വിവരമുള്ളത്. സ്ഫോടനത്തിൽ സമീപത്തെ അഞ്ചു വീടുകൾക്ക് കേടുപാടുകൾ സംഭവിച്ചു. അനധികൃത പടക്ക നിർമ്മാണ കേന്ദ്രമാണെന്നാണ് സൂചന. കുന്നമംഗലെ പൊലീസ് കേസെടുത്ത് അന്വേഷണം തുടങ്ങി.