സംസ്ഥാനത്ത് സ്വർണവിലയിൽ മാറ്റമില്ല. തുടര്‍ച്ചയായ ഏറ്റക്കുറച്ചിലുകള്‍ക്ക് ശേഷം ഇന്ന് കേരളത്തില്‍ സ്വര്‍ണവില മാറ്റമില്ലാതെ തുടരുകയാണ്. ഗ്രാമിന് 13,835 രൂപയും പവന് 1,10,680 രൂപയുമാണ് നിലവിലെ വില.

രാജ്യാന്തര വിപണി അവധിയായതിനാൽ നാളെയും കേരളത്തിൽ വില മാറില്ലെന്നാണ് റിപ്പോർട്ടുകളുള്ളത്. പശ്ചിമേഷ്യന്‍ സംഘര്‍ഷ സാഹചര്യമാണ് സ്വർണവിലയെ സ്വാധീനിക്കുന്ന പ്രധാന ഘടകം. കഴിഞ്ഞ മാസം മൂന്നാഴ്ചയ്ക്കിടെ 26,000 രൂപയിലേറെ ഇടിഞ്ഞ് ഒരു ലക്ഷത്തില്‍ താഴെയെത്തിയ ശേഷമാണ് വില തിരിച്ചുകയറിയത്.

ജനുവരി 31ന് രേഖപ്പെടുത്തിയ 1,31,160 രൂപയാണ് സ്വര്‍ണ വിലയിലെ റെക്കോര്‍ഡ്. ഡിസംബര്‍ 23നാണ് പവന്‍ വില ആദ്യമായി ഒരു ലക്ഷം കടന്നത്. സ്വർണത്തെ സുരക്ഷിത നിക്ഷേപമായാണ് പലരും കണക്കാക്കുന്നത്.