ഐ എസ് ആര് ഓ ചാരക്കേസില് ഉദ്യോഗസ്ഥരുടെ ഗൂഢാലോചന... സിബി മാത്യൂസിന്റെ മുന്കൂര് ജാമ്യഹര്ജി ഇന്ന് പരിഗണിക്കും, ഹര്ജി തള്ളണമെന്ന് നമ്പി നാരായണന്, ഇന്ത്യന് ബഹിരാകാശ സംവിധാനത്തെ പിന്നോട്ടടിക്കാന് കൃത്രിമമായി ചമച്ച വ്യാജ ചാരക്കേസിന്റെ മാസ്റ്റര് മൈന്ഡ് (ബുദ്ധികേന്ദ്രം) സിബി മാത്യൂസെന്ന് നമ്പി നാരായണന്
രാജ്യത്തെ പിടിച്ചു കുലുക്കിയ ഐ എസ് ആര് ഒ വ്യാജ ചാര വൃത്തിക്കേസിന് പിന്നിലുള്ള ഉദ്യോസ്ഥരുടെ ഗൂഢാലോചനാ കേസില് സിബിഐയുടെ അറസ്റ്റ് ഭയന്നുള്ള നാലാം പ്രതി മുന് അന്വേഷണ സംഘത്തലവനായ ഡി. ഐ. ജി. സിബി മാത്യുവിന്റെ മുന്കൂര് ജാമ്യ ഹര്ജി ഇന്ന് പരിഗണിക്കും.
ഐ. ബി. ഉദ്യോഗസ്ഥനായ ശ്രീകുമാറിന്റെ നിര്ദേശപ്രകാരമാണ് താന് നമ്പി നാരായണനെ അറസ്റ്റ് ചെയ്തത്. മാലി വനിതകളുടെ മൊഴി നമ്പി നാരായണനെതിരായിരുന്നു. താന് നിരപരാധിയും കേസിനാസ്പദമായ യാതൊരു കുറ്റവും ചെയ്തിട്ടില്ലെന്നും ജാമ്യഹര്ജിയില് പറയുന്നു.
അതേ സമയം മുന്കൂര് ജാമ്യം നല്കരുതെന്നും ഹര്ജി തള്ളണമെന്നും നമ്പി നാരായണന് ജൂലൈ 2 ന് തിരുവനന്തപുരം ജില്ലാ കോടതിയില് ബോധിപ്പിച്ചിരുന്നു. സി ബി ഐ ഉള്പ്പെടെയുള്ളവരുടെ വിശദവാദം ഇന്ന് കേള്ക്കും.
ഇന്ത്യന് ബഹിരാകാശ സംവിധാനത്തെയും ഐ എസ് ആര് ഓ യെയും പിന്നോട്ടടിക്കാന് കൃത്രിമമായി ചമച്ച വ്യാജ ചാര വൃത്തിക്കേസിന്റെ പിന്നില് പ്രവര്ത്തിച്ച മാസ്റ്റര് മൈന്ഡ് (ബുദ്ധികേന്ദ്രം) സിബി മാത്യുവാണ്. യാതൊരു തെളിവോ രേഖയോ വസ്തുതയോ ഇല്ലാതെ ഉന്നത ഗൂഢാലോചനയെ തുടര്ന്ന് സിബി മാത്യുവിന്റെ നിയമവിരുദ്ധ ഗൂഢലക്ഷ്യങ്ങള് പൂര്ത്തീകരിക്കാന് സിബി മാത്യുവിന്റെ നിര്ദ്ദേശപ്രകാരം തന്നെ അറസ്റ്റ് ചെയ്ത് അന്യായ തടങ്കലില് വച്ച് പീഡിപ്പിച്ചതായും കക്ഷി ചേരല് ഹര്ജിയില് നമ്പി നാരായണന് ചൂണ്ടിക്കാട്ടി.
കളവായും കൃത്രിമമായും ഉണ്ടാക്കിയ ഐ എസ് ആര് ഓ ചാരക്കേസിലെ പ്രതികളായ 5 പോലീസുദ്യോഗസ്ഥരും നിയമവിരുദ്ധമായി തന്നെ അറസ്റ്റ് ചെയ്ത് കഠിനമായി പീഡിപ്പിച്ചു.
അതിനാല് മുന്കൂര് ജാമ്യത്തിന് നാലാം പ്രതി അര്ഹനല്ല. സുപ്രീം കോടതി ഉത്തരവ് പ്രകാരം രജിസ്റ്റര് ചെയ്ത ഗൂഡാലോചലന കേസില് ഉന്നത ഗൂഡാലോചന വെളിച്ചത്തു കൊണ്ടുവരാന് സിബി മാത്യുവിനെ കസ്റ്റഡിയില് വെച്ച് ചോദ്യം ചെയ്യേണ്ടതുണ്ട്.
മുന് ഡിജിപിയെന്ന ഉന്നത പദവിയും പോലീസ് സംവിധാനങ്ങളുമായുള്ള പ്രതിയുടെ തുടര്ച്ചയായ ബന്ധങ്ങളും കണക്കിലെടുത്ത് മുന്കൂര് ജാമ്യം തള്ളണമെന്നും മുന്കൂര് ജാമ്യഹര്ജിയെ എതിര്ത്ത് നമ്പി നാരായണന് സമര്പ്പിച്ച കക്ഷി ചേരല് ഹര്ജിയില് ബോധിപ്പിച്ചു. ഇരയും പരാതിക്കാരനുമായ നമ്പി നാരായണനെ കേള്ക്കേണ്ടത് അത്യന്താപേക്ഷിതമാണെന്ന് പറഞ്ഞ ജില്ലാ ജഡ്ജി പി. കൃഷ്ണകുമാര് കക്ഷി ചേരല് ഹര്ജി അനുവദിച്ച് അദ്ദേഹത്തെ കക്ഷി ചേര്ക്കാന് ഉത്തരവിട്ടു.
"
സി ബി ഐ നിലപാട് രേഖാമൂലം ഫയല് ചെയ്തതായി സിബിഐ സീനിയര് പബ്ലിക് പ്രോസിക്യൂട്ടര് മനോജ് കുമാര് കോടതിയില് പറഞ്ഞു. വിശദമായ വാദം ജൂലൈ 7 ന് സോധിപ്പിക്കാനും കോടതി നിര്ദേശിച്ചു.
"
https://www.facebook.com/Malayalivartha
