മണ്ണാര്‍ക്കാട് കുരുത്തിചാലില്‍ ഒഴുക്കില്‍പെട്ട് കാണാതായ യുവാവിന്റെ മൃതദേഹം കണ്ടെത്തി
മണ്ണാര്‍ക്കാട് കുരുത്തിചാലില്‍ ഒഴുക്കില്‍പെട്ട് കാണാതായ യുവാവിന്റെ മൃതദേഹം കണ്ടെത്തി. മലപ്പുറം വളാഞ്ചേരി കൊളത്തൂര്‍ പരവകുഴിയില്‍ വീരാന്‍ ഹാജിയുടെ മകന്‍ ഹാരിസാണ് (26) മരിച്ചത്.
കുരുത്തിചാലിന് താഴെ ഒരു കിലോമീറ്ററോളം മാറി വെള്ളത്തില്‍ മരത്തടിയില്‍ തടഞ്ഞ നിലയിലാണ് മൃതദേഹം കണ്ടെത്തിയത്. ശനിയാഴ്ച വൈകീട്ട് അഞ്ചോടെയാണ് ഒഴുക്കില്‍പെട്ടത്.
കൂട്ടുകാര്‍ക്കൊപ്പം വൈകീട്ട് മൂന്നരയോടെയാണ് ഹാരിസ് കുരുത്തിചാലിലെത്തിയത്. പാറയില്‍നിന്ന് കാല്‍വഴുതി വീണതാണെന്ന് കരുതുന്നു.നാട്ടുകാരും പൊലീസും ശനിയാഴ്ച രാത്രി തിരച്ചില്‍ നടത്തിയെങ്കിലും കണ്ടെത്താനായില്ല.
ഫയര്‍ഫോഴ്സ് സ്‌കൂബ ടീമും നാട്ടുകാരും ഐ.എ.ജി വളന്റിയര്‍മാരും ഞായറാഴ്ച നടത്തിയ തിരച്ചിലിലാണ് ഉച്ചക്ക് 12ഓടെ മൃതദേഹം കണ്ടെത്തിയത്.
മണ്ണാര്‍ക്കാട് താലൂക്ക് ആശുപത്രിയില്‍ പോസ്റ്റ്‌മോര്‍ട്ടം നടത്തി. മണ്ണാര്‍ക്കാട് പൊലീസ് കേസെടുത്തു. അബൂദബിയില്‍ സെയില്‍സ്മാനായി ജോലി ചെയ്തിരുന്ന ഹാരിസ് അഞ്ച് മാസം മുമ്പാണ് നാട്ടിലെത്തിയത്.
"
https://www.facebook.com/Malayalivartha
