കണ്ണൂര് സി പി എമ്മിലെ സുസമ്മതനായ നേതാവ് പി.ജയരാജന് ഒടുവില് മൂന്നാമത്തെ താക്കീത്... ഇനി ഒരു താക്കീത് കിട്ടിയാല് പി.ജയരാജന് ഔട്ടാവും
കണ്ണൂര് സി പി എമ്മിലെ സുസമ്മതനായ നേതാവ് പി.ജയരാജന് ഒടുവില് മൂന്നാമത്തെ താക്കീത് കിട്ടി. താക്കീത് നല്കുന്നത് പതിവാക്കിയ പാര്ട്ടിക്ക് പി. ജയരാജനെ താക്കീത് ചെയ്യുന്നതിലാണ് കൂടുതല് താല്പര്യം.
നാലാമത്തെ താക്കീത് കിട്ടിയാല് ചിലപ്പോള് പി ജയരാജന് സി പി എമ്മില് നിന്നും പുറത്താകും. ജയരാജനെ എങ്ങനെ പുറത്താക്കാം എന്നതിനെ കുറിച്ച് ആലോചിച്ച് തല പുണ്ണാക്കുകയാണ് സി പി എം സംസ്ഥാന നേതൃത്വം.
പി. ജയരാജന്റെ സഹോദരി പി. സതീ ദേവിക്ക് വനിതാ കമ്മീഷന് അധ്യക്ഷ സ്ഥാനം നല്കിയ പശ്ചാത്തലത്തില് കുടുംബത്തില് ഒരാള്ക്ക് മാത്രം അക്കോമഡേഷന് നല്കിയാല് മതിയെന്ന് സി പി എം തീരുമാനിക്കാനും സാധ്യതയുണ്ട്.
പാര്ട്ടി യോഗത്തിലെ പരിധിവിട്ട പെരുമാറ്റത്തിനാണ് മുതിര്ന്ന നേതാവായ പി ജയരാജനെ താക്കീത് ചെയ്തത്. ഒപ്പം കെപി സഹദേവനും സിപിഎം സംസ്ഥാന സമിതിയുടെ 'താക്കീത്' ലഭിച്ചു. കണ്ണൂര് ജില്ലാ സെക്രട്ടേറിയേറ്റ് യോഗത്തില് പരസ്പരം ഏറ്റുമുട്ടിയതിനാണ് നടപടി. മേലില് ഇത്തരം സംഭവങ്ങള് ആവര്ത്തിക്കരുതെന്ന് ഇരുനേതാക്കള്ക്കും സംസ്ഥാന സമിതി കര്ശന നിര്ദേശം നല്കി.
കണ്ണൂര് ജില്ലാ സെക്രട്ടറിയേറ്റ് യോഗത്തില് സൈബര് ഇടത്തിലെ ക്രിമിനല് ബന്ധമുള്ള സഖാക്കള് നടത്തുന്ന ഇടപെടലിനെക്കുറിച്ചുള്ള ചര്ച്ച നടക്കുന്നതിനിടെയാണ് പി ജയരാജനും കെപി സഹദേവനും പരസ്പരം ഏറ്റുമുട്ടിയത്. ഇതോടെ യോഗം നിര്ത്തിവയ്ക്കേണ്ടി വന്നിരുന്നു. പാര്ട്ടി യോഗത്തിന്റെ പൊതുമര്യാദയ്ക്ക് നിരക്കാത്ത തരത്തിലുള്ള പെരുമാറ്റമാണ് ഇരു നേതാക്കളില് നിന്നുണ്ടായതെന്നാണ് ജില്ലാ സെക്രട്ടറിയേറ്റില് പങ്കെടുത്ത സംസ്ഥാന സെക്രട്ടറിയേറ്റ് അംഗം നല്കിയ റിപ്പോര്ട്ട്. ഇതു പരിഗണിച്ചാണ് സംസ്ഥാന സമിതിയില് ഇക്കാര്യം റിപ്പോര്ട്ട് ചെയ്യാന് സംസ്ഥാന സെക്രട്ടറിയേറ്റ് തീരുമാനിച്ചത്.
ചൊവ്വാഴ്ച അവസാനിച്ച സിപിഎം സംസ്ഥാന സെക്രട്ടറിയേറ്റ് യോഗത്തിലാണ് ഇരുവര്ക്കും കര്ശന സ്വരത്തില് താക്കീത് നല്കിയത്. എന്നാല് സിപിഎമ്മിന്റെ പതിവ് രീതിയിലുള്ള താക്കീത് നടപടിയല്ല ഇത്. മറിച്ച് കര്ശന സ്വരത്തിലുള്ള നിര്ദേശമാണ് പാര്ട്ടി നല്കിയത്. അതായത് കൂടുതല് കളിച്ചാല് പുറത്തുപോകുമെന്ന വ്യക്തമായ സൂചനയാണ് പാര്ട്ടി നല്കിയിരിക്കുന്നത്.
പി ജയരാജന് മൂന്നാം തവണയാണ് ഇത്തരത്തിലുള്ള കര്ശന നിര്ദേശം പാര്ട്ടി സംസ്ഥാന കമ്മിറ്റിയില് നിന്ന് ലഭിക്കുന്നത്. നേരത്തെ ധനരാജ് വധക്കേസുമായി ബന്ധപ്പെട്ട് പയ്യന്നൂര് പോലീസ് സ്റ്റേഷന് വരാന്തയില് മൈക്ക് കെട്ടിവെച്ച് പ്രസംഗിച്ച് പ്രതിഷേധിച്ചതിനും ജയരാജനെ താക്കീത് ചെയ്തിരുന്നു. വ്യക്തിപൂജ വിവാദത്തിലും സമാനമായ നടപടി ജയരാജന് നേരിട്ടിരുന്നു.
കണ്ണൂര് പാര്ട്ടിയില് വിഭാഗീയത മൂക്കുകയാണ്. പി .ജയരാജനാണ് കണ്ണൂരിലെ ഇപ്പോഴത്തെയും അനിഷേധ്യ നേതാവ്. അധികാരത്തിന് പിന്നാലെ പോകാത്ത നേതാവാണ് പി.ജയരാജന്. അദ്ദേഹത്തിന്റെ ആത്മാര്ത്ഥത ഒരിക്കലും ചോദ്യം ചെയ്യപ്പെട്ടിട്ടില്ല. അതുകൊണ്ടു തന്നെയാണ് പി. ജയരാജന് ആരാധകര് വര്ധിക്കുന്നത്. പിണറായിയും കോടിയേരിയും ജയരാജനെ ഭയക്കാനുള്ള കാരണവും ഇതു തന്നെയാണ്.
പയ്യന്നൂര് പോലീസ് സ്റ്റേഷന് വരാന്തയില് ആഭ്യന്തര മന്ത്രിയുടെ ചുമതലയുള്ള പിണറായി വിജയനെതിരെ സമരം ചെയ്തതോടെയാണ് ജയരാജന് പിണറായിയുടെ ഗുഡ്ബുക്കില് നിന്നും ഔട്ടായത്. അതിന്റെ ഫലമാണ് ഇപ്പോഴും ജയരാജന് അനുഭവിച്ചുകൊണ്ടിരിക്കുന്നത്. ജയരാജനെതിരെ നടപടിയെടുക്കാന് ഒരവസരമാണ് സി പി എം നേതൃത്വം കാത്തിരിക്കുന്നത്.
"
https://www.facebook.com/Malayalivartha
