കട്ടക്കളത്തില്‍നിന്ന് ലോഡ് കയറ്റിയശേഷം ടിപ്പര്‍ ലോറി മുന്നോട്ട് എടുക്കവേ രണ്ട് വയസ്സുകാരന് ലോറിയ്ക്കടിയില്‍പെട്ടു..... അപകടം അറിഞ്ഞിട്ടും ലോറി നിര്‍ത്താതെ പോയി.... അമ്മയും ബന്ധുക്കളും കൂടി ഉടന്‍ കുട്ടിയെ ആശുപത്രിയില്‍ എത്തിച്ചപ്പോഴേക്കും കുഞ്ഞ് മരിച്ചിരുന്നു.... വേര്‍പാട് താങ്ങാനാവാതെ ഉറ്റവരും ബന്ധുക്കളും.

ഇഷ്ടിക കയറ്റി മുന്നോട്ടെടുത്ത ടിപ്പര്‍ ലോറിക്കടിയില്‍പെട്ട് രണ്ട് വയസ്സുകാരനാണ് ദാരുണാന്ത്യമുണ്ടായത്. അസം സ്വദേശികളായ ദുലാല്‍ ഹുസൈന്റെയും ഖദീജ ബീഗത്തിന്റെയും മകന്‍ മസൂദ് റബ്ബാരി ആണ് മരിച്ചത്.

ഇന്നലെ രാവിലെ 8.45ഓടെ ചേറ്റുകുഴി വെട്ടിക്കുഴക്കവല എലൈറ്റ് പടിയിലെ സ്വകാര്യ വ്യക്തിയുടെ കട്ടക്കളത്തിലാണ് അപകടം നടന്നത്. കട്ടക്കളത്തിലെ തൊഴിലാളികളായ ദമ്പതികള്‍ ഇവിടെ താമസിച്ച് ജോലി ചെയ്യുകയാണ്.

രാവിലെ കട്ടക്കളത്തില്‍ നിന്ന് ലോഡ് കയറ്റിയശേഷം ടിപ്പര്‍ ലോറി മുന്നോട്ടെടുക്കവെ കുട്ടി വാഹനത്തിന്റെ അടിയില്‍പെടുകയായിരുന്നു.അപകടം അറിഞ്ഞിട്ടും ലോറി നിര്‍ത്താതെ പോയി. തുടര്‍ന്ന് കുട്ടിയുമായി അമ്മയും ബന്ധുവും റോഡിലെത്തി അതുവഴി വന്ന മറ്റൊരു ലോറിയില്‍ സമീപത്തെ ആശുപത്രിയിലെത്തിച്ചു. ഇവിടെ മതിയായ ചികിത്സ ലഭിച്ചില്ല.

തുടര്‍ന്ന് കട്ടപ്പനയിലെ സ്വകാര്യ ആശുപത്രിയില്‍ എത്തിച്ചപ്പോഴേക്കും കുഞ്ഞ് മരിച്ചിരുന്നു. അപകടമുണ്ടാക്കിയ ലോറിയുടെ െ്രെഡവര്‍ ചേറ്റുകുഴി കാവില്‍ മനോജിനെ (40) പൊലീസ് അറസ്റ്റ് ചെയ്തു. ഇയാള്‍ക്കെതിരെ മനഃപൂര്‍വമല്ലാത്ത നരഹത്യക്ക് കേസെടുത്തിട്ടുണ്ട്. ലോറിയും കസ്റ്റഡിയിലെടുത്തു.  

അതേസമയം  ടിപ്പര്‍ ലോറി ഇടിച്ചു മരിച്ച രണ്ടു വയസുകാരന്റെ മൃതദേഹം ഇന്ന് പോസ്റ്റ്‌മോര്‍ട്ടം ചെയ്യും. കുഞ്ഞിന്റെ മൃതദേഹം ഇന്‍ക്വസ്റ്റ് പൂര്‍ത്തിയാക്കി മോര്‍ച്ചറിയില്‍ സൂക്ഷിച്ചിരിക്കുകയാണ്. ഇന്ന് കട്ടപ്പന താലൂക്ക് ആശുപത്രിയില്‍ പോസ്റ്റുമോര്‍ട്ടം നടക്കും.

കേസില്‍ അറസ്റ്റിലായ ലോറി െ്രെഡവര്‍ മനോജ് മാത്യുവിനെ ജാമ്യത്തില്‍ വിട്ടയച്ചു. ആസാം സ്വദേശികളും അതിഥി തൊഴിലാളികളുമായ ദുലാല്‍ ഹുസൈന്റെയും ഖദീജ ബീഗത്തിന്റെയും മകന്‍ മറുസ് റബ്ബാരി ആണ് അപകടത്തില്‍ മരിച്ചത്. കുഞ്ഞ് ലോറിക്കു പുറകില്‍ നിന്നിരുന്നത് കണ്ടില്ലെന്നാണ് ചോദ്യം ചെയ്യലില്‍ മനസ്സിലായത്.