അമ്പലപ്പുഴയില് ഗോഡൗണ് നിര്മാണത്തിനിടെ കയര്പൊട്ടി പൈപ്പ് ദേഹത്തുവീണ് കരാറുകാരന് ദാരുണാന്ത്യം
ഗോഡൗണ് നിര്മാണത്തിനിടെ കയര്പൊട്ടി പൈപ്പ് ദേഹത്തുവീണ് കരാറുകാരന് മരിച്ചു. ചേര്ത്തല പള്ളിപ്പുറം ചെമ്മംപള്ളി വീട്ടില് ഔസേപ്പ് കുര്യന്റെ മകന് ജോസിയാണ് (38) മരിച്ചത്.
ശനിയാഴ്ച ഉച്ചക്ക് ഒന്നോടെയായിരുന്നു അപകടം. ആലപ്പുഴ വണ്ടാനം ഡെന്റല് കോളജിന് സമീപം കേരള മെഡിക്കല് കോര്പറേഷന്റെ മരുന്നുകള് സൂക്ഷിക്കാന് നിര്മിക്കുന്ന ഗോഡൗണിലായിരുന്നു അപകടം.
ട്രെസ്വര്ക്കിനായി പൈപ്പുകള് കയര് ഉപയോഗിച്ച് മുകളിലേക്ക് കയറ്റുന്നതിനിടെ കയര്പൊട്ടി പൈപ്പ് ദേഹത്തുവീണായിരുന്നു അപകടമുണ്ടായത്.
ആറിഞ്ച് വരുന്ന പൈപ്പാണ് ദേഹത്ത് വീണത്. ഒപ്പമുണ്ടായിരുന്ന തൊഴിലാളി ചേര്ത്തല പള്ളിപ്പുറം അഴീക്കല് കുര്യാക്കോസിന്റെ മകന് വര്ഗീസിന്റെ (28) വലതുകൈ അറ്റുപോയി.
ഇദ്ദേഹത്തെ പിന്നീട് കോട്ടയം മെഡിക്കല് കോളജ് ആശുപത്രിയിലേക്ക് മാറ്റി. ഒപ്പമുണ്ടായിരുന്ന മറ്റു രണ്ട് തൊഴിലാളികള് ഓടിമാറിയതിനാല് പരിക്കേറ്റില്ല. മറ്റ് തൊഴിലാളികള് ഉടന് ജോസിയെ ആലപ്പുഴ മെഡിക്കല് കോളജ് ആശുപത്രിയിലെത്തിച്ചെങ്കിലും രക്ഷിക്കാനായില്ല.
"
https://www.facebook.com/Malayalivartha
