യുവതിയുടെ നഗ്നദൃശ്യങ്ങള് പ്രചരിപ്പിക്കണമെന്ന് ഭീഷണി; പണം തട്ടാന് ശ്രമിച്ച കേസില് രണ്ടു പേര് പിടിയില്, പ്രതികള് ആവശ്യപ്പെട്ടത് പത്ത് ലക്ഷം രൂപ
ആലുവ സ്വദേശിയായ യുവതിയുടെ നഗ്നദൃശ്യങ്ങള് കയ്യിലുണ്ടെന്നും അത് പ്രചരിപ്പിക്കുമെന്നും പറഞ്ഞ് ഭീഷണി. പിന്നാലെ പണം തട്ടാന് ശ്രമിച്ച കേസില് രണ്ടു പേര് പിടിയില്. പാലക്കാട് മരയമംഗലം മഠത്തില് വീട്ടില് പ്രഭിന് (25), വെങ്ങോല മേപ്പറത്തുപടി കണ്ണാടിപ്പടി വീട്ടില് സുധര്മ്മന് (31) എന്നിവരെയാണ് ജില്ലാ പൊലീസ് മേധാവി കെ.കാര്ത്തിക്കിന്റെ നേതൃത്വത്തിലുള്ള പ്രത്യേക അന്വേഷണ സംഘം അറസ്റ്റ് ചെയ്തത്.
യുവതിയില് നിന്ന് പത്ത് ലക്ഷം രൂപയാണ് പ്രതികള് ആവശ്യപ്പെട്ടത്. മുപ്പതിനായിരം രൂപ മുന്കൂര് വേണമെന്നും പറയുകയുണ്ടായി. ഇതേതുടര്ന്ന് യുവതി ജില്ലാ പൊലീസ് മേധാവിക്ക് പരാതി നല്ക്കുകയായിരുന്നു.
പൊലീസിന്റെ നിര്ദേശപ്രകാരം പണവുമായി യുവതി നെടുമ്പാശേരിക്ക് സമീപമെത്തി. ഇതിനിടെ പണം വാങ്ങാന് സ്ക്കൂട്ടറിലെത്തിയ പ്രതികളെ പ്രത്യേക പൊലീസ് സംഘം വളഞ്ഞിട്ട് പിടികൂടുകയായിരുന്നു. അതോടൊപ്പം യജമ്മേ സോഷ്യല് മീഡിയാ വഴിയാണ് യുവതിയുടെ ഫോണ് നമ്പര് ഇവര്ക്ക് ലഭിച്ചത്. ഇന്സ്പെക്ടര് സി.എല് സുധീര്, എസ്ഐ.മാരായ കെ.എ ടോമി, എന്.കെ. അബ്ദുള് ഹമീദ്, എസ്.സി.പി.ഒ മുഹമ്മദ് അഷറഫ്, കെ.എം ഷിഹാബ്, മാഹിന് ഷാ അബുബക്കര് എന്നിവരാണ് പ്രത്യേക ടീമില് ഉണ്ടായിരുന്നത്.
https://www.facebook.com/Malayalivartha
