ദിവസങ്ങൾക്ക് മുൻപാണ് കേരളത്തിൽ വീണ്ടും നിപ വെെറസ് സാന്നിധ്യം കണ്ടെത്തിയത്. കോഴിക്കോട് 12 വയസ്സുകാരൻ രോഗം ബാധിച്ച് മരിച്ചതോടെ ആശങ്കയിലായിരുന്നു കേരളം. ചാത്തമംഗലത്തും പരിസരത്തുമായി കണ്ടെയ്‌ന്‍മെന്റ് സോണിനു പുറത്തുള്ളവര്‍ പോലും കുറച്ചുദിവസങ്ങളായി പുറത്തിറങ്ങാന്‍ മടിക്കുകയായിരുന്നു.

ഇപ്പോള്‍ പൊതുവെ ജനം പുറത്തിറങ്ങാന്‍ തുടങ്ങി. കോഴിക്കോട് നിപ വെെറസ് വ്യാപനമില്ലെന്ന് ഇപ്പോൾ ഉറപ്പായിത്തുടങ്ങിയതോടെ ആശ്വാസത്തിലാണ് കേരളം. രോഗബാധ സ്ഥീരീകരിച്ചതിന് പുറമെ വിജനമായി മാറിയ നിരത്തുകളെല്ലാം വീണ്ടും സജീവമായി. നിപ പേടിയില്‍ നിറുത്തി വച്ച ദൂരയാത്രകള്‍ ആളുകള്‍ ഇറങ്ങിത്തുടങ്ങി.

കൊവിഡിന്റെ രൂക്ഷത കുറഞ്ഞതോടെ ആഴ്ചകള്‍ക്ക് മുമ്പ് മാത്രം നീക്കിയ യാത്രാവിലക്ക് നിപ കാരണം ഇനിയും വരുമോ എന്ന ആശങ്കയിലായിരുന്നു പ്രവാസികള്‍.