ആ​ശു​പ​ത്രി​യി​ല്‍ ചി​കി​ത്സ​ക്ക്​ വ​ന്ന റി​മാ​ന്‍​ഡ് പ്ര​തി രക്ഷപെട്ടു. വി​വ​രം ല​ഭി​ച്ച പി​ങ്ക് പൊ​ലീ​സ് പി​ന്തു​ട​ര്‍​ന്ന് സാ​ഹ​സി​ക​മാ​യി പിടികൂടുകയായിരുന്നു. വെ​ള്ളി​യാ​ഴ്ച രാ​വി​ലെ ജി​ല്ല ജ​യി​ലി​ല്‍ നി​ന്ന് ജ​യി​ല്‍- പൊ​ലീ​സ് ഉ​ദ്യോ​ഗ​ഗ​സ്ഥ​രോ​ടൊ​പ്പം ചി​കി​ത്സ​ക്കാ​യി ജ​യി​ല്‍ ആം​ബു​ല​ന്‍​സി​ല്‍ ജി​ല്ല ആ​ശു​പ​ത്രി​യി​ല്‍ എ​ത്തി​യ ഏ​ഴ് പ്ര​തി​ക​ളി​ല്‍ ഒ​രാ​ളാ​ണ് പ്രി​സ​ണ്‍ ഓ​ഫി​സ​റെ വെ​ട്ടി​ച്ച്‌ കടക്കാൻ ശ്രമിച്ചത്.

പ​ത്ത​നാ​പു​രം പി​ട​വൂ​ര്‍ ക​മു​കും​ചേ​രി മ​ണി​ഭ​വ​നം വീ​ട്ടി​ല്‍ ജി. ​ര​തീ​ഷ്കു​മാ​ര്‍ (43- രാ​ജീ​വ്) ആ​ണ് ര​ക്ഷ​പ്പെ​ടാ​ന്‍ ശ്ര​മി​ച്ച​ത്. പ​ത്ത​നാ​പു​രം എം.​എ​ല്‍.​എ​യു​ടെ ഓ​ഫി​സ്​ അ​ടി​ച്ച്‌ ത​ക​ര്‍​ത്ത് ജീ​വ​ന​ക്കാ​രെ ആ​ക്ര​മി​ച്ച്‌ കൊ​ല​പ്പെ​ടു​ത്താ​ന്‍ ശ്ര​മി​ച്ച​തി​ന് പ​ത്ത​നാ​പു​രം പൊ​ലീ​സ്​ ര​ജി​സ്​​റ്റ​ര്‍ ചെ​യ്ത കേ​സി​ല്‍ റി​മാ​ന്‍​ഡി​ല്‍ ക​ഴി​ഞ്ഞു​വ​രു​ക​യാ​യി​രു​ന്നു ഇ​യാ​ള്‍. പ്ര​തി ര​ക്ഷ​പ്പെ​ട്ട വി​വ​രം അ​റി​ഞ്ഞ ജി​ല്ല പോ​ലീ​സ്​ മേ​ധാ​വി ടി. ​നാ​രാ​യ​ണ​ന്‍ സി​റ്റി പ​രി​ധി​യി​ലെ മു​ഴു​വ​ന്‍ പൊ​ലീ​സ്​ സേ​ന​െ​യ​യും അ​ല​ര്‍​ട്ട് ചെ​യ്തു.

പി​ങ്ക് ​െപാ​ലീ​സ്​ സം​ഘ​ത്തി​ലെ എ​സ്.​സി.​പി.​ഒ സി​ന്ധു, സി.​പി.​ഒ വി​ദ്യ, ദ്രു​ത​ക​ര്‍​മ​സേ​ന​യി​ലെ സി.​പി.​ഒ മ​നേ​ഷ് ബാ​ബു എ​ന്നി​വ​ര​ട​ങ്ങി​യ സം​ഘ​മാ​ണ് മ​ണി​ക്കൂ​റു​ക​ള്‍​ക്ക​കം പ്ര​തി​യെ പി​ടി​കൂ​ടി​യ​ത്. ഇ​യാ​ള്‍​ക്കെ​തി​രെ ത​ട​വ് ചാ​ടി​യ​തി​ന് കൊ​ല്ലം ഈ​സ്​​റ്റ്​ പോലീസ് കേസ് രജിസ്റ്റർ ചെയ്തു.