നമ്മൾ അധിവസിക്കുന്ന ഈ പ്രപഞ്ചവും പരിസ്തിഥിയും മനുഷ്യന്റെ ചൂഷണങ്ങൾക്ക് വിധേയമായി അനുദിനം ഭാവമാറ്റം സംഭവിച്ചു കൊണ്ടിരിക്കുന്നുവെന്നുള്ളത് ഒരു യാഥാർത്ഥ്യം തന്നെയാണ്;ആ പരിസ്ഥിതിക്ക് ഒരു സംരക്ഷണ കവചമൊരുക്കുക എന്നതാണ് കാലം നമ്മിൽ നിന്നും ആവശ്യപ്പെടുന്ന പ്രവർത്തനങ്ങളിലൊന്ന്;പരിസ്ഥിതി സൗഹൃദ മണ്ഡലമെന്ന ലക്ഷ്യത്തിലേക്ക് കുതിക്കുകയാണ് നമ്മളെന്ന് കാട്ടാക്കട എം എൽ എ ഐ ബി സതീഷ്
പരിസ്ഥിതി സൗഹൃദ മണ്ഡലമെന്ന ലക്ഷ്യത്തിലേക്ക് കുതിക്കുകയാണ് നമ്മളെന്ന് കാട്ടാക്കട എം എൽ എ ഐ ബി സതീഷ് . നമ്മൾ അധിവസിക്കുന്ന ഈ പ്രപഞ്ചവും പരിസ്തിഥിയും മനുഷ്യന്റെ ചൂഷണങ്ങൾക്ക് വിധേയമായി അനുദിനം ഭാവമാറ്റം സംഭവിച്ചു കൊണ്ടിരിക്കുന്നുവെന്നുള്ളത് ഒരു യാഥാർത്ഥ്യം തന്നെയാണെന്നദ്ദേഹം തന്റെ ഫെയ്സ്ബുക്ക് കുറിപ്പിലൂടെ പറയുന്നു. കുറിപ്പിന്റെ പൂർണ്ണ രൂപം ഇങ്ങനെ;
പരിസ്ഥിതി സൗഹൃദ മണ്ഡലമെന്ന ലക്ഷ്യത്തിലേക്ക് കുതിക്കുന്ന നമ്മൾ...
നമ്മൾ അധിവസിക്കുന്ന ഈ പ്രപഞ്ചവും പരിസ്തിഥിയും മനുഷ്യന്റെ ചൂഷണങ്ങൾക്ക് വിധേയമായി അനുദിനം ഭാവമാറ്റം സംഭവിച്ചു കൊണ്ടിരിക്കുന്നുവെന്നുള്ളത് ഒരു യാഥാർത്ഥ്യം തന്നെയാണ്.
ആ പരിസ്ഥിതിക്ക് ഒരു സംരക്ഷണ കവചമൊരുക്കുക എന്നതാണ് കാലം നമ്മിൽ നിന്നും ആവശ്യപ്പെടുന്ന പ്രവർത്തനങ്ങളിലൊന്ന്. ഈ പ്രകൃതിയെ കൂടുതൽ മനോഹാരിതയോടെ കുറഞ്ഞപക്ഷം ഇതേ അവസ്ഥയിലെങ്കിലും (അധികം പരിക്കേൽപ്പിക്കാതെ) വരുന്ന തലമുറയിലേക്ക് കൈമാറണം...
അതിന് ഇന്ന് എന്തെങ്കിലുമൊക്കെ ചെയ്തേ മതിയാകൂ... കാട്ടാക്കട നിയോജക മണ്ഡലത്തെ പരിസ്ഥിതി സൗഹൃദ മണ്ഡലമാക്കി മാറ്റുക എന്നതാണ് ഈ നാളുകളിലെ ലക്ഷ്യങ്ങളിലൊന്ന്. ഇത് ഉന്നം വയ്ക്കുന്നത് കാർബൺ ന്യൂട്രൽ നിയോജകമണ്ഡലം സാധ്യമാക്കുക എന്നതാണ്.
ജലസമൃദ്ധി പദ്ധതിയുടെ രണ്ടാം ഘട്ടം, കാർഷിക സ്വയം പര്യാപ്ത മണ്ഡലം ആകുന്നതിനുള്ള ശ്രമങ്ങൾ, നെൽകൃഷി പ്രോത്സാഹിപ്പിക്കുന്നതിനുള്ള ശ്രമങ്ങൾ, മിയാവാക്കി വനങ്ങൾ... അങ്ങനെ പോകുന്നു പദ്ധതികൾ...
അതിലൊന്നാണ് ഊർജ്ജ സംരക്ഷണ പദ്ധതി. മണ്ഡലത്തിലെ എല്ലാ സ്കൂളുകളിലെയും ഊർജ നഷ്ടവും, ഉപയോഗവും പഠിച്ച് ഊർജ്ജ ഓഡിറ്റിംഗ് നടത്തി റിപ്പോർട്ട് ബഹു.വിദ്യാഭ്യാസ മന്ത്രിക്ക് സമർപ്പിച്ചിരുന്നു. ഊർജ്ജ നഷ്ടത്തിന് പ്രധാന കാരണം ആധുനിക ഊർജ്ജ സൗഹൃദ ഉപകരണങ്ങളുടെ അഭാവമാണ്.
നിലവിലെ ഇത്തരം ഉപകരണങ്ങൾ മാറ്റി പുതിയ ഊർജ്ജ സംരക്ഷണ വൈദ്യുത ഉപകരണങ്ങളാണ് ആദ്യ ഘട്ടത്തിൽ സ്ഥാപിക്കുവാൻ ഉദ്ദേശിക്കുന്നത്.
ഈഴക്കോട് സെന്റ് ഫ്രാൻസിസ് യു.പി സ്കൂളിൽ ഈ പ്രവർത്തനങ്ങൾ തുടങ്ങിക്കഴിഞ്ഞു. പഴയ സി.എഫ്.എൽ ബൾബുകളും, ഫാനുകൾക്കും പകരം എൽ.ഇ.ഡി ബൾബും, ട്യൂബും, ഇലക്ട്രോണിക്ക് റഗുലേറ്ററുകളും സ്ഥാപിക്കുന്ന പ്രവർത്തനങ്ങൾ നടന്നു കഴിഞ്ഞു ഇവിടെ.
മുൻപ് ഊർജ്ജ ഉപഭോഗം ഇവിടെ 2.5kw ആയിരുന്നത് ഈ പുതിയ ഉപകരണങ്ങളുടെ ഇൻസ്റ്റലേഷനു ശേഷം 1.5kw ആയി കുറഞ്ഞിട്ടുണ്ട്. ഈഴക്കോടിലെ ഒരു കൊച്ചുസ്കൂളിൽ വന്ന ഈ മാറ്റം വലിയൊന്നിലേക്കുള്ള ദിശാസൂചകമാണെന്നതിൽ ആർക്കും എതിരഭിപ്രായം ഉണ്ടാകുവാൻ സാധ്യതയില്ല എന്ന് കരുതുന്നു.
മണ്ഡലത്തിലെ എല്ലാ സർക്കാർ സ്ഥാപനങ്ങളെയും സൗരോർജ പദ്ധതിയുടെ കീഴിൽ കൊണ്ടുവന്നു ഊർജ്ജ കാര്യക്ഷമ സ്ഥാപനങ്ങളാക്കി മാറ്റണം. മണ്ഡലത്തിലെ സർക്കാർ ഓഫീസുകളിൽ സോളാർ യൂണിറ്റുകൾ സ്ഥാപിക്കുന്നതിനു കഴിഞ്ഞ ബജറ്റിൽ തുക വകയിരുത്തിയിട്ടുമുണ്ട്.
Energy Management Centre ന്റെ നേതൃത്വത്തിലാണ് മണ്ഡലത്തിലെ ഈ പദ്ധതികൾ നടക്കുന്നത്. പ്രിയസുഹൃത്തുക്കളെ... ഇതെല്ലാം ഒരു ചെറിയ ഇലയനക്കം പോലുള്ളൊരു കാൽവയ്പ്പ് മാത്രമാണ്. സ്കൂളുകളിൽ തന്നെ ഇത്തരം പ്രവർത്തനങ്ങൾക്ക് തുടക്കം കുറിക്കുന്നതിനുള്ള ഇടമായി തിരഞ്ഞെടുക്കുവാൻ കാരണം "നാളത്തെ പൗരൻമാരുടെ" വിഹാര കേന്ദ്രമാണല്ലോ അവിടം...
ഈ സന്ദേശം അവർ മനസുകളിലുൾക്കൊള്ളുകയും, വീടുകളിലേക്ക് എത്തിക്കുകയും ചെയ്യും. ആ വഴികളിലൂടെ സമൂഹത്തിൽ ഒരു പൊതുബോധം സൃഷ്ടിക്കുവാനായേക്കും.
പരിസ്ഥിതി സൗഹൃദ പ്രവർത്തനങ്ങൾ കേവലം ജൂൺ 5 ൽ മാത്രം നടത്തുവാനുള്ള യാന്ത്രികമായ ഒന്നായി കരുതിക്കൂട. അതൊരു നിരന്തര
പ്രക്രിയയാകണം...ജീവിത ശൈലിയാകണം... കാരണം ഈ പരിസ്ഥിതിയില്ലങ്കിൽ നമ്മളും, നമ്മൾ പടുത്തുയർത്തിയ ഒന്നുമിവിടില്ല...
അതുകൊണ്ട്കൈകോർക്കാം... ഒത്തൊരുമിച്ച്... നിലകൊള്ളാം... പരിസ്ഥിതിക്കായ്... ശുഭദിനം
സ്നേഹപൂർവ്വം
ഐ.ബി സതീഷ്
https://www.facebook.com/Malayalivartha