കെ.പി.സി സി ഓഫീസില് എ കെ ജി സെന്ററിന്റെ ക്യാമറകള്: ഓപ്പറേഷന് സീക്രസി
ഇടതുമുന്നണിയിലെത്തിയ കോണ്ഗ്രസ് നേതാക്കളെ ഉപയോഗിച്ച് കോണ്ഗ്രസിനെ തകര്ക്കാന് സി പി എമ്മിന്റെ പുതിയ നീക്കം. ഓപ്പറേഷന് സീക്രസി എന്ന് വിളിക്കാവുന്ന ഓപ്പറേഷന്റെ ആദ്യ കളി കെ.പി. അനില് കുമാര് ഉദ്ഘാടനം ചെയ്തു.
ഒറ്റവരിയില് പറഞ്ഞാല് കെ.പി.സി സി ഓഫീസില് ഘടിപ്പിച്ചിരിക്കുന്ന രഹസ്യക്യാമറകളുടെ മോണിറ്റര് എ.കെ.ജി. സെന്ററിലിരുന്നാണ് ഓപ്പറേറ്റ് ചെയ്യുന്നത്.
കെപിസിസി പ്രസിഡന്റ് കെ സുധാകരനടക്കമുള്ള പ്രമുഖ കോണ്ഗ്രസ് നേതാക്കളെ കടന്നാക്രമിച്ചാണ് സിപിഎമ്മിന്റെ സ്വീകരണ യോഗത്തില് കെപി അനില്കുമാര് തുടങ്ങിയത്. . കെ സുധാകരനെതിരെ അഴിമതി ആരോപണം ഉന്നയിച്ച അദ്ദേഹം കെ മുരളീധരനെയും വിഡി സതീശനെയും അടക്കം വലിച്ചു കീറി. രാജ്യത്ത് മതേതരത്വം നിലനിര്ത്താന് സിപിഎമ്മിന് മാത്രമേ കഴിയൂവെന്ന ബോധ്യത്തോടെയാണ് താന് കോണ്ഗ്രസില് നിന്ന് രാജിവെച്ചതെന്നും അദ്ദേഹം സ്വീകരണ യോഗത്തില് പറഞ്ഞു.
'താന് നെഹ്റുവിന്റെ കോണ്ഗ്രസുകാരനായിരുന്നു. സുധാകരന്, സതീശന്, വേണുഗോപാല് എന്നിവരുടെ കോണ്ഗ്രസ് അല്ല. നേരത്തെ പാര്ട്ടി വിടേണ്ടതായിരുന്നു. കമ്യൂണിസ്റ്റാക്കിയതിന് സുധാകരനും സതീശനും നന്ദി. സൈബര് ഗുണ്ടകളുടെ സഹായത്തോടെയാണ് കെ സുധാകരന് കെപിസിസി അധ്യക്ഷനായത്. താലിബാന് അഫ്ഗാന് പിടിച്ചത് പോലെയാണിത്. രാജ്യത്ത് മതേതരത്വം നിലനിര്ത്താന് സിപിഎമ്മിന് മാത്രമേ കഴിയൂവെന്ന ബോധ്യത്തോടെയാണ് താന് പാര്ട്ടി വിട്ടത്.'
'കെ കരുണാകരന്റെ പേരില് ട്രസ്റ്റ് രൂപീകരിക്കാന് പിരിച്ച 16 കോടി രൂപ എന്തുചെയ്തുവെന്ന് സുധാകരന് വെളിപ്പെടുത്തണം. ചിറക്കല് രാജാസ് സ്കൂള് വാങ്ങാനാണ് പണം പിരിച്ചത്. സ്കൂള് വാങ്ങിയില്ല. രമേശ് ചെന്നിത്തല പ്രതിപക്ഷ നേതാവാകാതിരുന്നത് വഞ്ചനയുടെ, ചതിയുടെ ഉദാഹരണമാണ്. താനൊരു മാലിന്യമാണെന്ന് കെ മുരളീധരന് തിരിച്ചറിയാന് അധികസമയം വേണ്ടിവരില്ല. മുരളീധരന് എത്ര പാര്ട്ടി ഇതിനോടകം മാറി? എന്സിപി വഴി എകെജി സെന്ററിലെത്താന് ശ്രമിച്ചത് മുരളിയാണ്. മാലിന്യങ്ങളെ സ്വീകരിക്കാന് പറ്റുമെങ്കില് മുരളിയെ സ്വീകരിക്കുമായിരുന്നു. എകെജി സെന്ററിന് മുന്നില് ഭിക്ഷപ്പാത്രവുമായി നിന്നതാരാണ്?'-അദ്ദേഹം ചോദിച്ചു.
'സോളാര് കേസില് പ്രതിയല്ലാത്തതാണ് കോണ്ഗ്രസിനെ സംബന്ധിച്ച് അയോഗ്യത. ഹൈക്കമാന്റിലെ ചിലര് ഇടപെട്ടാണ് രമേശ് ചെന്നിത്തലക്കെതിരെ ഇ-മെയില് അയപ്പിച്ചത്. ചെന്നിത്തലയ്ക്ക് പാര്ലമെന്ററി പാര്ട്ടിയില് 11 വോട്ട് കിട്ടിയിരുന്നു. കോണ്ഗ്രസ് നശിക്കാതിരിക്കാന് സതീശനും സുധാകരനും ധിക്കാരം കുറയ്ക്കണം. കഴിഞ്ഞ ഏഴ് ദിവസമായി തനിക്ക് സമാധാനത്തോടെ ഉറങ്ങാന് കഴിയുന്നുണ്ട്. അതിന് മുന്പ് എവിടെ നിന്നാണ് കുത്ത് കിട്ടുകയെന്ന് അറിയാത്ത കാലമായിരുന്നു. ജീവഭയം ഉള്ളത് കൊണ്ടാണ് പാര്ട്ടി വിട്ടത്.' കാലഘട്ടത്തിന്റെ അനിവാര്യമായ രാഷ്ട്രീയ മാറ്റമാണിതെന്നും അദ്ദേഹം പറഞ്ഞു.
ഇത്തരത്തില് കത്തികയറിയ പ്രസംഗത്തിന് വന് വരവേല്പ്പാണ് ലഭിച്ചത്. സി പി എം അഴിമതി ആരോപണം ഉന്നയിക്കുമ്പോള് അതില് .വിശ്വാസ്യതയില്ലെന്ന് തോന്നും എന്ന ചിന്തയില് നിന്നാണ് പാര്ട്ടി വിട്ടു വരുന്ന കോണ്ഗ്രസ് നേതാക്കളെ കൊണ്ട് അഴിമതി ആരോപണം ഉന്നയിപ്പിക്കാന് സി പി എം തീരുമാനിച്ചത്.വി.ഡി.സതീശനെതിരെ ഒരു പരിധിക്കപ്പുറം അഴിമതി ആരോപണം ഉന്നയിക്കാന് സാധ്യതയില്ലാതായതോടെയാണ് സുധാകരനെ പിടിക്കാന് തീരുമാനിച്ചത്.
കെ സുധാകരന് എതിരെ മു മ്പും അഴിമതി ആരോപണങ്ങള് ഉന്നയിക്കപ്പെട്ടിട്ടുണ്ട്. അതിന്റെയെല്ലാം തെളിവ് അനില്കുമാറിന്റെ കൈയിലുണ്ട്. ഇല്ലാത്ത തെളിവുകള് കൈയിലുള്ളവര് അനില് കുമാറി ന് കൈമാറുന്നുമുണ്ട്. കോണ്ഗ്രസുകാര് തന്നെ ഇത്തരത്തില് തെളിവുകള് അനില് കുമാറിന് നല്കുന്നുണ്ടെന്നാണ് ലഭിക്കുന്ന സൂചനകള്.
പല കോണ്ഗ്രസ് നേതാക്കളും പാര്ട്ടിയില് അതൃപ്തരാണ്. എന്നാല് അവര്ക്ക് പ്രത്യക്ഷമായി നേതാക്കള്ക്കെതിരെ രംഗത്തെത്താന് ഭയമുണ്ട്. ഇത്തരക്കാരാണ് പാര്ട്ടി വിട്ട കോണ്ഗ്രസ് നേതാക്കള്ക്ക് വിവരങ്ങള് കൈമാറുന്നത്. ഇപ്പോഴത്തെ സാഹചര്യത്തില് എ.കെ.ജി. സെന്ററിലിരുന്ന് കെ പി സി സി ഓഫീസിലെ ക്യാമറ ഓപ്പറേറ്റ് ചെയ്യുന്നത് കോടിയേരിയും പിണറായിയും നേരിട്ടാണ്.
https://www.facebook.com/Malayalivartha