ചെങ്ങറ ഭൂസമരത്തിന് നേതൃത്വം നല്‍കിയ ളാഹ ഗോപാലന്‍ അന്തരിച്ചു... കൊവിഡ് ബാധിച്ച് ചികിത്സയിലായിരുന്നു
ചെങ്ങറ ഭൂസമരത്തിന് നേതൃത്വം നല്‍കിയ ളാഹ ഗോപാലന്‍ (72) അന്തരിച്ചു. കൊവിഡ് ബാധിച്ച് ചികിത്സയിലായിരുന്നു. ശാരീരിക അവശതകളെ തുടര്‍ന്ന് ഏറെ നാളായി വിശ്രമത്തിലായിരുന്നു.
അഞ്ച് വര്‍ഷം മുമ്പ് സമരസമിതിയിലെ വിഭാഗീയതയെ തുടര്‍ന്ന് ചെങ്ങറയില്‍ നിന്ന് ഇറങ്ങിയിരുന്നു. ളാഹ ഗോപാലന്റെ നേതൃത്വത്തില്‍ നടന്ന ചെങ്ങറ ഭൂസമരത്തിലൂടെയാണ് പാര്‍ശ്വവത്കരിക്കപ്പെട്ട ദലിത് ആദിവാസി ജനങ്ങളുടെ ഭൂമിയില്ലാത്ത ദുരവസ്ഥ സമൂഹത്തില്‍ ചര്‍ച്ചയായത്.
ഭൂപരിഷ്‌കരണ നിയമം പാസായിട്ടും മണ്ണില്‍ പണിയെടുക്കുന്ന വലിയ വിഭാഗം ഭൂരഹിതരാണെന്ന സത്യമാണ് ചെങ്ങറ സമരത്തിലൂടെ വെളിപ്പെട്ടത്. കെ.എസ്.ഇ.ബി ജീവനക്കാരനായിരുന്ന ളാഹ ഗോപാലന്‍ റിട്ടയര്‍ ചെയ്ത ശേഷമാണ് ഭൂസമരങ്ങള്‍ക്ക് നേതൃത്വം നല്‍കിയത്.
സമരസമിതിയിലെ തര്‍ക്കങ്ങളെ തുടര്‍ന്ന് അഞ്ച് വര്‍ഷം മുന്‍പ് ചെങ്ങറ സമരത്തിന്റെ നേതൃനിരയില്‍ നിന്നും അദ്ദേഹം പിന്മാറിയിരുന്നു.
"
https://www.facebook.com/Malayalivartha
