കുറ്റവാളിയുടെ മതം തിരയുന്ന പ്രവണത അപകടകരം; പേരിലെ മതം നോക്കി അഭിപ്രായം പറയുന്ന പാര്ട്ടി സെക്രട്ടറിയാണ് സി.പി.എമ്മിന്റേതെന്ന് ഷാഫി പറമ്ബില് എം.എല്.എ
സംഘ്പരിവാര് കേരളത്തിലുണ്ടാക്കുന്ന വിഷലിപ്ത അജണ്ട വിളമ്പിനല്കാന് സി.പി.എം നില്ക്കരുതെന്നും പേരിലെ മതം നോക്കി അഭിപ്രായം പറയുന്ന പാര്ട്ടി സെക്രട്ടറിയാണ് സി.പി.എമ്മിന്റേതെന്നും യൂത്ത് കോണ്ഗ്രസ് സംസ്ഥാന പ്രസിഡന്റ് ഷാഫി പറമ്ബില് എം.എല്.എ. വിഭാഗീയതയുണ്ടാക്കി നേട്ടമുണ്ടാക്കാനാണ് ആര്.എസ്.എസും ബി.ജെ.പിയും ശ്രമിക്കുന്നത്. ഇതിനെ യൂത്ത് കോണ്ഗ്രസ് ജനകീയമായി പ്രതിരോധിക്കും.
കുറ്റവാളിയുടെ മതം തിരയുന്ന പുതിയ രീതി അവസാനിപ്പിക്കേണ്ടത് കേരളത്തിന്റെ മഹനീയമായ മതേതര പാരമ്ബര്യത്തിന്റെ നിലനില്പ്പിന് ആവശ്യമാണെന്നും ഷാഫി വാര്ത്തസമ്മേളനത്തില് പറഞ്ഞു. ബിഷപ് അടക്കം ആരില്നിന്നായാലും മറ്റ് മതങ്ങളെ മുറിപ്പെടുത്തുന്ന സമീപനം അംഗീകരിക്കാനാകില്ല. ഇരുവിഭാഗങ്ങള് തമ്മിലടിക്കുമ്ബോള് തങ്ങള്ക്ക് രാഷ്ട്രീയനേട്ടം എന്ന ദുഷ്ടലാക്കാണ് ഭരണനേതൃത്വം സ്വീകരിച്ചത്.
സംസ്ഥാനത്ത് കോണ്ഗ്രസ് പുനഃസംഘടിപ്പിക്കുമ്ബോള് യുവജനങ്ങള്ക്ക് വേണ്ട പ്രാതിനിധ്യം ഉറപ്പാക്കണം. ഇക്കാര്യം കെ.പി.സി.സിയോടും ഹൈകമാന്ഡ് ചുമതലപ്പെടുത്തുന്നവരോടും ഉന്നയിച്ചിട്ടുണ്ട്. ജില്ല നേതൃത്വത്തില് ഉള്പ്പെടെ യുവജന സാന്നിധ്യം ഉറപ്പാക്കും. സമരവും സേവനവും ഒന്നിച്ചുകൊണ്ടുപോകുകയാണ് യൂത്ത് കോണ്ഗ്രസ്. യുവജനസംഘടന എന്ന നിലയിലുള്ള ഡി.വൈ.എഫ്.ഐയുടെ സ്വത്വം നഷ്ടപ്പെട്ടെന്നും ഭരണവിലാസം സംഘടനയായി അവര് അധഃപതിച്ചെന്നും അദ്ദേഹം കുറ്റപ്പെടുത്തി.
https://www.facebook.com/Malayalivartha
