ചാവക്കാട് ഹനീഫ വധം രാഷ്ട്രീയ കൊലപാതകമെന്ന് എഫ്.ഐ.ആര്‍. ഹനീഫയെ വധിച്ചത് ഗ്രൂപ്പ് പോര് മൂലമാണെന്നും എഫ്.ഐ.ആറില്‍ പറയുന്നു. ഹനീഫയെ കുത്തിയത് ഷെമീര്‍ ആണെന്നും രാഷ്ട്രീയ വിരോധമാണ് കൊലയ്ക്ക് പിന്നിലെന്നും സാക്ഷി മൊഴിയുണ്ട്. അതേസമയം കൊലപാതകവുമവയി ബന്ധപ്പെട്ടുള്ള അച്ചടക്ക നടപടിക്കെതിരെ ഐ ഗ്രൂപ്പ് കെ.പി.സി.സിക്ക് പരാതി നല്‍കും. പാര്‍ട്ടി ഏകപക്ഷീയമായി നടപടിയെടുത്തു എന്നാരോപിച്ചാണ് പരാതി നല്‍കുക.

ഗുരുവായൂര്‍ ബ്ലോക്ക് കോണ്‍ഗ്രസ് പിരിച്ചു വിടുകയും പ്രസിഡന്റ് ഗോപപ്രതാപനെ സസ്‌പെന്റ് ചെയ്യുകയും ചെയ്ത നടപടിക്കെതിരെയാണ് ഐ ഗ്രൂപ്പ് കെ.പി.സി.സിക്ക് പരാതി നല്‍കുക. നേരത്തെ കേസില്‍ ആരോപണ വിധേയനായ ഐ ഗ്രൂപ്പ് നേതാവ് ഗോപപ്രതാപനും മുഖ്യപ്രതി ഷമീറുമൊത്തുള്ള ചിത്രം പുറത്ത് വന്നത് ഐ ഗ്രൂപ്പിനെ പ്രതിരോധത്തിലാക്കിയിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha