യുഡിഎഫ് കാലത്ത് 13 തവണ ഇന്ധന നികുതി കൂട്ടി.. എല്ഡിഎഫ് സര്ക്കാര് നികുതി വര്ധിപ്പിച്ചിട്ടേയില്ല പകരം ഒരു തവണ കുറയ്ക്കുകയും ചെയ്തു.. ഇന്ധന നികുതിയിൽ കേന്ദ്ര സർക്കാർ കുറച്ചതിന് ആനുപാതികമായ കുറവ് കേരളത്തിലും വന്നിട്ടുണ്ടെന്ന് ധനമന്ത്രി കെ.എന്.ബാലഗോപാല്
ഇന്ധന നികുതിയില് ഇളവു നല്കാനാവില്ലെന്ന് ആവര്ത്തിച്ച് ധനമന്ത്രി കെ.എന് ബാലഗോപാല്. കേന്ദ്രം ഇന്ധനവില കുറച്ചപ്പോള് കേരളത്തിലും ആനുപാതികമായി കുറഞ്ഞു.
പ്രതിപക്ഷം തെറ്റിദ്ധാരണ പരത്തുകയാണെന്നും മന്ത്രി വാര്ത്താസമ്മേളനത്തില് വ്യക്തമാക്കി. യുഡിഎഫ് കാലത്ത് 13 തവണ ഇന്ധന നികുതി കൂട്ടിയിട്ടുണ്ടെന്ന് ധനമന്ത്രി. എന്നാല് എല്ഡിഎഫ് സര്ക്കാര് നികുതി വര്ധിപ്പിച്ചിട്ടേയില്ലെന്നും പകരം ഒരു തവണ കുറയ്ക്കുകയും ചെയ്തെന്ന് അദ്ദേഹം വ്യക്തമാക്കി.
ഇന്ധനവില നിര്ണയം കമ്പനികള്ക്ക് വിട്ടുനല്കിയത് യുപിഎ സര്ക്കാരാണെന്നും അദ്ദേഹം കുറ്റപ്പെടുത്തി. ഇന്ത്യയില് ഓയില് പൂള് അക്കൗണ്ട് എന്ന സംവിധാനം ഉണ്ടായിരുന്നു. സബ്സിഡി നല്കിക്കൊണ്ട് പെട്രോള് വില നിശ്ചിത നിരക്കില് നിലനിര്ത്താനുള്ള സംവിധാനമായിരുന്നു ഇത്. ഈ സംവിധാനം എടുത്തുകളഞ്ഞത് മന്മോഹന് സിങ് ആണെന്ന് ധനമന്ത്രി കെ.എന്.ബാലഗോപാല് പറഞ്ഞു.
https://www.facebook.com/Malayalivartha
