വഖഫ് നിയമനങ്ങള്‍ പിഎസ്സിയ്ക്ക് വിട്ടതിനെതിരെയുള്ള പള്ളി സമരത്തെ എതിര്‍ത്ത് സമസ്ത കേരള ജംഇയ്യത്തുല്‍ ഉലമ പ്രസിഡന്റ് ജിഫ്രി മുത്തുക്കോയ തങ്ങള്‍. പള്ളികള്‍ സമരവേദിയാക്കുന്നതും വിവാദ കേന്ദ്രമാക്കുന്നതും സമസ്ത അനുകൂലിക്കുന്നില്ല.

വഖഫ് നിയമനങ്ങള്‍ പിഎസ്സിയ്ക്ക് വിട്ടതില്‍ സമസ്തയ്ക്കും പ്രതിഷേധമുണ്ട്. എന്നാല്‍ ഇക്കാര്യത്തില്‍ ചര്‍ച്ചയ്ക്ക് തയ്യാറാണെന്ന് മുഖ്യമന്ത്രി അറിയിച്ചിട്ടുണ്ട്.

മുഖ്യമന്ത്രിയുമായി സംസാരിക്കും. ആശങ്കകള്‍ അറിയിക്കും. തീരുമാനം അനുകൂലമായില്ലെങ്കില്‍ പ്രതിഷേധവുമായി മുന്നോട്ട് പോകും.

പള്ളികളിലെ പ്രതിഷേധത്തിന്റെ പേരില്‍ ക്രമസമാധാന പ്രശ്നമുണ്ടായാല്‍ സമസ്തയുടെ പേരില്‍ ആകരുത്. സമസ്ത അത് ആഗ്രഹിക്കുന്നില്ല. അതിനാല്‍ പള്ളിയിലുള്ള പ്രതിഷേധം ഒഴിവാക്കണമെന്നും ജിഫ്രി മുത്തുക്കോയ തങ്ങള്‍ പറഞ്ഞു.