ബിഷപ്പ് ഫ്രാങ്കോ മുളയ്ക്കലിനാല്‍ സത്‌പേര് കളങ്കപ്പെട്ട ജലന്തര്‍ രൂപതയിലെ കന്യാസ്ത്രി ആത്മഹത്യ ചെയ്തതെന്തിന്?

തങ്ങളുടെ മകള്‍ ഒരിക്കലും ആത്മഹത്യ ചെയ്യില്ലെന്നും സംഭവത്തില്‍ ദുരൂഹതയുണ്ടെന്നുമാണ് കന്യാസ്ത്രിയുടെ മാതാപിതാക്കള്‍ പറയുന്നു. കന്യാസ്ത്രിക്ക് നേരെ ഫ്രാങ്കോ മുളയ്ക്കല്‍ മോഡല്‍ നടന്നോ എന്ന സംശയവും വീട്ടുകര്‍ക്കുണ്ട്. ജലന്ത റിലാകുമ്പോള്‍ എന്തും നടക്കാന്‍ സാധ്യതയുണ്ടെന്നാണ് സഭാ വിശ്വാസികളും പറയുന്നത്.

പഞ്ചാബിലെ ജലന്ധര്‍ രൂപത പരിധിയിലെ കോണ്‍വെന്റില്‍ ചേര്‍ത്തല സ്വദേശിനിയായ കന്യാസ്ത്രീ ആത്മഹത്യചെയ്തതായി കഴിഞ്ഞ ദിവസമാണ് ബന്ധുക്കള്‍ക്കു വിവരംലഭിച്ചത്. അര്‍ത്തുങ്കല്‍ കാക്കിരിയില്‍ ജോണ്‍ ഔസേഫിന്റെ മകള്‍ മേരിമേഴ്‌സി(31) ചൊവ്വാഴ്ച ആത്മഹത്യചെയ്തതായാണു സഭാധികൃതര്‍ വീട്ടുകാരെ അറിയിച്ചത്. എന്നാല്‍, മകള്‍ക്ക് ആത്മഹത്യചെയ്യേണ്ട സാഹചര്യമില്ലെന്നും സംഭവത്തില്‍ സംശയമുണ്ടെന്നുംകാണിച്ച് പിതാവ് ജോണ്‍ ഔസേഫ് ആലപ്പുഴ കളക്ടര്‍ക്കു പരാതിനല്‍കി.

ജലന്ധര്‍ രൂപതയില്‍പ്പെട്ട സാദിഖ് ഔവ്വര്‍ലേഡി ഓഫ് അസംപ്ഷന്‍ കോണ്‍വെന്റിലായിരുന്നു മേരിമേഴ്‌സി നാലുവര്‍ഷമായി പ്രവര്‍ത്തിച്ചിരുന്നത്. 29-ന് രാത്രി വീട്ടിലേക്കുവിളിച്ചപ്പോള്‍ മകള്‍ ഉല്ലാസവതിയായിരുന്നുവെന്നും ഡിസംബര്‍ രണ്ടിലെ ജന്മദിനത്തെക്കുറിച്ച് ആഹ്ലാദത്തോടെ സംസാരിച്ചിരുന്നുവെന്നും പരാതിയില്‍ പറയുന്നു. മരണത്തിലും അവിടെനടത്തിയ പോസ്റ്റ്‌മോര്‍ട്ടത്തിലും സംശയമുള്ളതിനാല്‍ വീണ്ടും പോസ്റ്റ്‌മോര്‍ട്ടം നടത്തി വസ്തുത പുറത്തുകൊണ്ടുവരണമെന്നു പരാതിയില്‍ ആവശ്യപ്പെടുന്നു. രണ്ടിനു മൃതദേഹം നാട്ടിലെത്തിക്കും.

സിസ്റ്റര്‍ മേരിമേഴ്‌സിയുടെ മരണം ബന്ധുക്കളെയും പോലീസിനെയും അറിയിച്ചശേഷമാണു തുടര്‍നടപടികള്‍ സ്വീകരിച്ചതെന്നു മഠം അധികൃതര്‍ പത്രക്കുറുപ്പില്‍ അറിയിച്ചു. സിസ്റ്റര്‍ എഴുതിയ കത്തില്‍ കുടുംബാംഗങ്ങളോടും സന്യാസസഭ അംഗങ്ങളോടും ക്ഷമചോദിച്ചിട്ടുണ്ട്. കുടുംബാംഗങ്ങളുടെ അനുമതിയോടെയാണ് പോസ്റ്റുമോര്‍ട്ടമടക്കമുള്ള നടപടികള്‍ സ്വീകരിച്ചത്. പോസ്റ്റുമോര്‍ട്ടത്തിലും പോലീസ് അന്വേഷണത്തിലും ആത്മഹത്യയാണെന്നു കണ്ടെത്തിയിട്ടുണ്ട്. എല്ലാ അന്വേഷണങ്ങളോടും സഭാസമൂഹം പൂര്‍ണ സഹകരണം നല്‍കുന്നുണ്ടെന്നും ഫ്രാന്‍സിസ്‌കന്‍ ഇമ്മാക്കുലേറ്റന്‍ സിസ്റ്റേഴ്‌സ് ഡെലിഗേറ്റ് വികാര്‍ സിസ്റ്റര്‍ മരിയ ഇന്ദിര അറിയിച്ചു.

ഫ്രാങ്കോയുടെ പ്രധാന വിനോദം പീഡനമാണ്. ജലന്തറില്‍ നിന്നും കേരളത്തിലെത്തിയാണ് അദ്ദേഹം പീഡനത്തില്‍ ഏര്‍പ്പെട്ടിരുന്നതെന്ന് ഇരകള്‍ പറയുന്നു.

ബിഷപ്പിനെ പോലെ ഉന്നത സ്ഥാനീയനായ ഒരാള്‍ പീഡന കേസില്‍ പ്രതിയായത് വലിയ വാര്‍ത്തയായി മാറിയിരുന്നു. ഫ്രാങ്കോ ക്കെതിരെ രംഗത്തെത്തിയ കന്യാസ്ത്രിക്കെതിരെ വ്യാപകമായ അക്രമവുമുണ്ടായി. ഭൂമി ഇടപാടില്‍ ആരോപണ വിധേയനായ ബിഷപ്പ് മാര്‍ ജോര്‍ജ് ആലഞ്ചേരിയും ഫ്രാങ്കോ കേസില്‍ ആരോപണ വിധേയനായിരുന്നു.എല്ലാവരും ചേര്‍ന്ന് ഫ്രാലങ്കായെ രക്ഷിക്കാന്‍ ശ്രമിച്ചെന്നായിരുന്നു ആരോപണം.

2019 ല്‍ ഫ്രാങ്കോയുടെ വിശ്വസ്തനായ ഫാദര്‍ ആന്റണി മാടശേരിയില്‍ നിന്ന് 9 കോടി കണ്ടെടുത്ത സംഭവവും വിവാദമായിരുന്നു. പണത്തിന്റെ കണക്കുകള്‍ കാണിക്കാന്‍ മാടശേരിക്ക് കഴിഞ്ഞില്ല. എന്നാല്‍ തന്നില്‍ നിന്ന് പിടിച്ചത് 16 കോടിയാണെന്ന് മാടശേരി വ്യക്തമാക്കി.ഇത് ഫ്രാങ്കോയുടെ കേസ് ഒതുക്കാനുള്ള പണമാണെന്ന് ചില കോണുകളില്‍ നിന്ന് ആരോപണം ഉയര്‍ന്നിരുന്നു.

ഏതായാലും ജലന്തറിലെ സിസ്റ്റര്‍ അഭയ എങ്ങനെയായി തീരുമെന്ന് കണ്ടറിയാം. മറ്റൊരു അഭയ പിറന്നു എന്ന് പറഞ്ഞാല്‍ മതി.