പ്രകോപനപരമായ മുദ്രാവാക്യം മുഴക്കിയ സംഘപരിവാറിന് ഇരുപത്തിനാല് മണിക്കൂറിനുള്ളില്‍ താക്കീത് നല്‍കുമെന്ന് എ എ റഹീം വ്യക്തമാക്കിക്കൊണ്ട് രംഗത്ത് എത്തിയിരിക്കുകയാണ്. അതിന്റെ ഭാഗമായി ഇന്ന് തലശ്ശേരിയില്‍ ഡിവൈഎഫ്‌ഐ ജാഗ്രതാ സദസ്സ് സംഘടിപ്പിക്കുമെന്നും മത ന്യൂനപക്ഷങ്ങളെ വേട്ടയാടാനും നാടിന്റെ മതനിരപേക്ഷത തകര്‍ക്കാന്‍ സംഘപരിവാറിനെ അനുവദിക്കില്ലെന്നും എ എ റഹീം വ്യക്തമാക്കുകയുണ്ടായി.

'കേരളത്തിന്റെ മതമൈത്രി തകര്‍ക്കാന്‍ ബോധപൂര്‍വ്വം സംഘപരിവാര്‍ ശ്രമം നടത്തുകയാണ്.ഇതിന്റെ ഭാഗമാണ് ഇന്നലത്തെ പ്രകോപന മുദ്രാവാക്യം. പ്രകോപനപരമായ മുദ്രാവാക്യം മുഴക്കി,ഇരുപത്തിനാല് മണിക്കൂറിനുള്ളില്‍ സംഘപരിവാറിന് താക്കീതായി ഇന്ന് വൈകുന്നേരം തലശ്ശേരിയില്‍ യുവജന ജാഗ്രതാ സദസ്സ് നടത്തുകയാണ്. ഇന്നലെ ഡിവൈഎഫ്‌ഐ ബ്ലോക്ക് സെക്രട്ടറി പോലീസില്‍ പരാതിയും നല്‍കിയിരുന്നു', എ എ റഹീം പറഞ്ഞു.

അഹോടൊപ്പം തന്നെ എല്‍ഡിഎഫ് സര്‍ക്കാരും സിപിഐഎമ്മും കേരളത്തില്‍ ഉള്ളിടത്തോളം കാലം സംഘികളുടെ ഒരു അജണ്ടയും നടപ്പാവില്ലെന്ന് സിപിഐഎം നേതാവ് പി ജയരാജന്‍ പറഞ്ഞു. ആര്‍എസ്‌എസ് ഉയര്‍ത്തുന്ന വെല്ലുവിളി നേരിടാന്‍ സിപിഐഎമ്മിനും മത നിരപേക്ഷപ്രസ്ഥാനത്തിനും നല്ല കരുത്തുണ്ടെന്ന് ഓര്‍ക്കണമെന്നും പി ജയരാജന്‍ ഫേസ്ബുക്കില്‍ കുറിക്കുകയുണ്ടായി.