സ്ത്രീധനത്തിന്റെ പേരില് നടക്കുന്ന ആത്മഹത്യകളും കൊലപാതകങ്ങളും ആവര്ത്തിക്കാതിരിക്കാന് 'മകള്ക്കൊപ്പം'വുമായി കോൺഗ്രസ് ;കാമ്പയിന്റെ മൂന്നാം ഘട്ടത്തിന് നാളെ തുടക്കമാകുമെന്ന് പ്രതിപക്ഷ നേതാവ് വി ഡി സതീശൻ
സ്ത്രീധനത്തിന്റെ പേരില് നടക്കുന്ന ആത്മഹത്യകളും കൊലപാതകങ്ങളും ആവര്ത്തിക്കാതിരിക്കാന് 'മകള്ക്കൊപ്പം' കാമ്പയിന്റെ മൂന്നാം ഘട്ടത്തിന് നാളെ തുടക്കമാകുമെന്ന് പ്രതിപക്ഷ നേതാവ് വി ഡി സതീശൻ .അദ്ദേഹത്തിന്റെ വാക്കുകൾ ഇങ്ങനെ; സ്ത്രീധനത്തിന്റെ പേരില് നടക്കുന്ന ആത്മഹത്യകളും കൊലപാതകങ്ങളും ആവര്ത്തിക്കാതിരിക്കാന് 'മകള്ക്കൊപ്പം' കാമ്പയിന്റെ മൂന്നാം ഘട്ടത്തിന് നാളെ (ഡിസംബര് 3) തുടക്കമാകും.
നമ്മെ വിട്ടുപിരിഞ്ഞ ആലുവ സ്വദേശിനിയായ നിയമ വിദ്യാര്ഥിനി മോഫിയ പര്വീണ് പഠിച്ചിരുന്ന തൊടുപുഴ അല്-അസര് കോളജില് രാവിലെ 11 മണിക്കാണ് പരിപാടി സംഘടിപ്പിച്ചിരിക്കുന്നത്. പി.ജെ ജോസഫ് എം.എല്.എ അധ്യക്ഷത വഹിക്കുന്ന ചടങ്ങില് മോഫിയയുടെ പിതാവ് ദില്ഷാദും പങ്കെടുക്കും.
സ്ത്രീധനത്തിനെതിരെ കേരളത്തിലെ കലാലയങ്ങള് കേന്ദ്രീകരിച്ചുള്ള സംവാദങ്ങളും ബോധവത്ക്കരണ പരിപാടികളുമാണ് മകള്ക്കൊപ്പം കാമ്പയിന്റെ മൂന്നാംഘട്ടത്തില് സംഘടിപ്പിക്കുന്നത്. കുട്ടികളില് ആത്മവിശ്വാസവും പ്രതിസന്ധികളെ മറികടക്കാനുള്ള ധൈര്യവും ഉണ്ടാക്കുകയാണ് കാമ്പയിന്റെ ലക്ഷ്യം. പെണ്കുട്ടികളോട് എങ്ങനെയാണ് പെരുമാറേണ്ടതെന്ന് ആണ്കുട്ടികളും പഠിക്കണം.
വിവാഹം കഴിക്കുന്ന പെണ്കുട്ടിയെ പങ്കാളിയായി കണ്ട് പരസ്പര ബഹുമാനത്തോടെ പെരുമാറാന് ആണ്കുട്ടികള്ക്ക് കഴിയണം. ഇനി ഒരു കുടുംബത്തിനും സ്ത്രീധനത്തിന്റെ പേരില് മകളെ നഷ്ടപ്പെടാതിരിക്കാനുള്ള പ്രവര്ത്തനങ്ങളാണ് പൊതുപ്രവര്ത്തകരും പൊതുസമൂഹവും ഏറ്റെടുക്കേണ്ടത്. പങ്കെടുക്കാന് കഴിയുന്നവര് കോവിഡ് മാനദണ്ഡങ്ങള് കര്ശനമായി പാലിച്ച് കാമ്പയിന്റെ ഭാഗമാകുക
https://www.facebook.com/Malayalivartha
