നാഗാലാന്‍ഡില്‍ സുരക്ഷാസേന നടത്തിയ വെടിവെയ് പ്പില്‍ 12 ഗ്രാമീണരും സൈനികനും കൊല്ലപ്പെട്ട സംഭവം ഹൃദയഭേദകമെന്ന് ​വ്യക്തമാക്കി കോണ്‍ഗ്രസ്​ നേതാവ്​ രാഹുല്‍ ഗാന്ധി. ‘ഇത് ഹൃദയഭേദകമാണ്. കേന്ദ്ര സര്‍ക്കാര്‍ ഇതിന്​ മറുപടി പറയണം’ – എന്നും രാഹുല്‍ ട്വീറ്റില്‍ ആവശ്യപ്പെടുകയുണ്ടായി.

നമ്മുടെ സ്വന്തം മണ്ണില്‍ സാധാരണക്കാരോ സുരക്ഷാ ഉദ്യോഗസ്ഥരോ സുരക്ഷിതരല്ലാത്തപ്പോള്‍ ആഭ്യന്തര മന്ത്രാലയം എന്തെടുക്കുകയാണെന്നും അദ്ദേഹം ചോദ്യം ഉന്നയിക്കുകയുണ്ടായി. ശനിയാഴ്ച വൈകീട്ടാണ്​​ നാഗാലാന്‍ഡ്​ മോണ്‍ ജില്ലയിലെ ഓട്ടിങ്​ ഗ്രാമത്തില്‍ സുരക്ഷാസേന വെടിവെയപ് നടത്തിയത്.

അതോടൊപ്പം തന്നെ ഭീകര വാദികളെന്ന്​ തെറ്റിദ്ധരിച്ചാണ്​ ട്രക്കില്‍ സഞ്ചരിച്ചിരുന്ന ഗ്രാമീണര്‍ക്കെതിരെ വെടിയുതിര്‍ത്തതെന്നാണ്​​ റിപ്പോര്‍ട്ട്​. കല്‍ക്കരി ഖനിയില്‍ നിന്ന്​ ജോലി കഴിഞ്ഞ്​ മടങ്ങുകയായിരുന്ന ഗ്രാമീണരാണ്​ ഇത്തരത്തിൽ കൊല്ലപ്പെട്ടത്​.

ഇതിനിടെ വെടിവെയ് പ്പിനെ അപലപിച്ച്‌​ സുരക്ഷാ സേന രംഗ​ത്തെത്തിയിരുന്നു​. സംഭവത്തെ കുറിച്ച്‌​ പ്രത്യേക ട്രിബ്യൂണല്‍ അന്വേഷിക്കുമെന്നും കുറ്റക്കാര്‍ക്കെതിരെ ശക്​തമായ നടപടിയുണ്ടാവുമെന്നും സുരക്ഷാസേന വ്യക്​തമാക്കുകയുണ്ടായി. അതെ സമയം വെടിവെപ്പിനെ അപലപിക്കുകയാണെന്നും ഉന്നത സംഘം അന്വേഷണം നടത്തുമെന്നും നാഗാലാന്‍ഡ്​ മുഖ്യമന്ത്രി നെഫു റിയോ അറിയിച്ചു. രാജ്യത്തെ നിയമമനുസരിച്ച്‌​ എല്ലാവര്‍ക്കും നീതി ഉറപ്പാക്കുന്നതായിരിക്കും. ജനങ്ങളെല്ലാവരും സംയമനം പാലിക്കണമെന്നും അദ്ദേഹം അഭ്യര്‍ഥിക്കുകയും ചെയ്തിട്ടുണ്ട്.